Nathike uNkulunkulu akasithande asiphe lolothando, yingakho ngithi uNkulunkulu engithanda angasishiyi asiphe ukukholwa kweqiniso sibe ngabantwana bakhe kuyo yonke into sikhethe yena kuqala njengabafana abathathu abakhetha yena uJehova kuqala kuzo zonke izimo ezazikhona.
nkonzo yangeSabatha lomhlaka 21 February 2026, siyiphathelwe uMfundisi uMtshali wase Mondlo esihloko sithi: UNKULUNKULU ENGITHANDA.
Ngiyayikhethai Nkosi yaseKuphakameni. Ngicela sibheke isihlabelelo 10.
10. ISIHLABELELO
1 Umuzi wama Nazaretha
Lapho siyakhona,
Ukhazimula ngaphezu
Kwelanga nenyanga
2 Umkhokheli wakhona
Munye kuphela,
uJehova kuphela
Inkosi enamandla.
3 Yazisani zonke izizwe
Zomhlaba,
Yizani wemakhosi
Yizani zigqili.
4 Akuthengwa ngagolide
Akuthengwa ngamali,
Yizani webampofu
Shiyani izicebi.
5 Jabulani nina ziqhingi
Zomhlaba,
Nangu uMenzi ezonesula
Izinyembezi
1.Ngibabingelele abangcwele. Eh! Ngizocela ukuzazisa abanye bayambona nje bathi umfundisi uMtshali (kodwa) abamazi ukuthi uqhamukaphi umfundisi umtshali. Eh! Isihloko sethu sanamhlanje engisifundayo sithi, UNKULUNKULU ENGITHANDA.
2.Ngoba uNkulunkulu ungithandile njengoba namhlanje ngiphakathi kwamaNazaretha kaNkulunkulu. UNkulunkulu uhambile wangifuna lapha bengikhona, wangidonsa ngezibopho zakhe zothando wangiletha phambi kwabangcwele.
3.Namhlanje nami ngiphambi kwabangcwele ukuxoxa indaba ukuthi kwenzekeni ukuze ngifike phambi kwabangcwele, Syabonga!
4.Ngikhule ngisendaweni yaseMondlo ngokufunda, konke sakwenza ke… Kwahamba kwahamba ngangide ngivakashela umamkhulu wami owayeyiNazaretha. Cha! ebuNazaretheni ngangingekho kangakho kodwa into eyodwa engangiyithanda ngobuNazaretha ngangithanda iSabatha.
5.Umamkhulu wayesebenza kakhulu, uma ngimvakashele sasifike sisebenze kakhulu kodwa ngaleli langa leli leSabatha wayephuma aye eThempelini, bese ngijabulake mina ngithi “Awuke namhlanje ngizozihlalela nje!”
6.Ngilithandake lelilanga leSabatha ngoba yena usebenza kakhulu ngamanye amalanga kodwa uma kufika iSabatha uyangiyeka nami ngiphumule.
7.Cha! Kwahambake isikhathi kwase ngelinye ilanga ngilalele iradio nje… kodwa before ngifike lapho erad(dweni) ngangikhonza ngokukhonza lapho ngangikhonza khona, uma ngikhonza kwakubholofidwa lapho sasikhonza khona.
8.Eh! Uma kubholofidwa bese lo obholofithayo athi, “UMoya ongcwele uthi…” yaqala laphoke indaba. Indaba kaMoya ongcwele.
9.“UMoya ongcwele,” uma ebholofitha, “uthi…” asho asho asho konke aqede. Manje uma sengimubheka lomuntu ukuthi ukhuluma ngoMoya ongcwele, kushukuthi lomuntu unoMoya ongcwele ngoba ukhuluma ngoMoya ongcwele, uthi, “uMoya ongcwele uthi…”
10.Uma uthi uyambheka lomuntu uthola ukuthi izenzo zakhe azihambisani naloMoya ongcwele ekade ewusho. Yaqala laphoke inkinga, ngathi manje kwenzeka kanjani, lomuntu ukhuluma ngoMoya ongcwele, kanti nje generally nje (kuyaye kuthi uma) ukhuluma ngoMoya ongcwele noma unoMoya ongcwele wena bese nezinto ozozenza kube izinto ezihambisanayo nokuthi wena unoMoya ongcwele.
11.Kwenzeka kanjani ukuthi ukhulume ngoMoya ongcwele, uthi loMoya uyakuvakashela impela uze ukhulume ngawo kodwa uma sesithi sibheka izenzo zakho akusezizo lezi ezihambisana noMoya ongcwele.
12.Abanye benza okuningike angifuni ukukusho kodwa yaqala laphoke indaba. Ngase ngithi mina ngifuna ukuke ngithole ukukholwa kwangempela ngoba manje lokhu kuyangixaka lokhu ngoba nakhu kuthiwa umuntu unoMoya ongcwele kodwa izenzo zakhe zihamba zihambe bese ziyaphikisana nalokho.
13.Kanti uNkulunkulu uyezwa, uNkulunkulu uyezwa uma umfuna. Akhona amazwi esisazowezwa lapha (ebhayibhelini) asho njalo athi uNkulunkulu uma umfuna uyezwa bese ekufuna nawe bese ekukhombisa.
14.Kwahambake kwahamba ngelinye ilanga ngase ngizwa iradio, ngizwa uBaba uMelusi ekhuluma erad(dweni) kodwa bazalwane kubike engizokusho ukuthi ngathi uma ngimuzwa uBaba uMelusi ekhuluma erad(dweni), yey ngacasuka.
15.UBaba uMelusi ngalelo langa wayekhuluma ngenkonzo eyayikhuluma ngamaqhugwane, ethi uBaba uMelusi, “Kwesinye isikhathi siyenza izinto lezizinto singazi ukuthi kwesinye isikhathi yi sign yento ethize noma yemimoya.
16.Mhlampe usufake isiphandla nje, uma usufake lesisiphandla lemimoya izokubona ukuthi wena ukusho ukuthi uma ngingafika kuwe uzongilandela noma wakhe iqhugwane umuzi oyiqhugwane izobona lemimoya ukuthi uma ngifika kuwe engizokusho uzokulandela.”
17.Washumayelake uBaba uMelusi lapha… (audio unclear) ashumayele akhulume ngalendaba yamaqhugwane aze aqede. Yeyi! Ngithukuthele impela ngithi, “Uthini?” ngiyaxolisa ukusho kanjalo, “Uthini lobaba uthini?”
18.Uma sifika emsebenzini ngikhulume nabanye impela nami ngithi, “Yey! Nimzwile ubaba okade ekhuluma erad(dweni)? Nimzwile?” Sasizinsizwa sibambene nje senza izinto zama siko. “Nimzwile ubaba okade ekhuluma erad(dweni)? Uthi ubaba thina kumele siyeke indaba zamaqhugwane, thina asisibo abelungu nje ngoba phela izidlu lezi zothayela ngezabelungu. Manje uma sesiyeka lezi zamaqhugwane okuyizindlu zethu impela…(audio unclear).”
19.Ay cha! Siyixoxe lendaba kuze kuhambe isikhathi kuhambe isikhathi. Kuphinde futhi nangelinye ilanga ngiphinde ngimuzwe uBaba uMelusi erad(dweni). “Nangu lobaba…” Akhulume ngalelo langa wayekhuluma ngoamama owaye joyine ibandla lamaNazaretha, lomama wafika lapha eNazaretha wahlupheka kakhulu lomama.
20.Wagcine lomama eseyibika lendaba nakumhlangano ka14 ukuthi manje uyahlupheka. Kwase kuhamba kuhambake uShembe wafika ngesibonakaliso-angazi noma isibonakaliso yini. Wasethike, “Awuhambe uyothandaza ngaphandle lokhu kuhlupheka kwakho uzokubona ukuthi kwenzeka kanjani.”
21.Nempela lomama wahamba wayothandaza phandle, uthe uma ethandaza phandle umthadazo ka 4. Wase ubona isandla lomama uthe uma ebona isandla wabaleka. Sase siphinda sibuya futhi isbonakaliso sathi, “Cha sibhekisise lesi sandla ukuthi ngesikabani ungabaleki sibheke ukuthi ngenikabani.”
22.Waphinde wathandaza wasibhekisisa lesi sandla wase eyasibona ukuthi ngesika mfundisi wakhe, lapha ayesuke khona. Kanti lomama lapha ayesuke khona wayentshontshe imali wase eza ebuNazaretheni ethembe ukuthi uma efika ebuNazaretheni useyobusa.
23.Uthike uBaba uMelusi ngaleso sikhathi ngilalele intshumayelo, “Ungayintshontshi into yomuntu ngoba untshontsha into yomuntu iyaphindiselwa kuye isiphindaphindwe kaningi bese wena usuthola ukuhlupheka ngoba sekuthathwa lento le obuyintshontsha.”
24.Wathi ungabe usantshontsha ngisho emsebenzini noma kuthiwa usuyasebenza ubona into ethize ungabe sayintshontsha ngisho khona. Ngathula ngathi, “Awu! Lobaba uthini madoda? Uthi singasa ntshontshi, singasantshontshi ngisho emsebenzini?”
25.Eh! Ngithi ukuhlehla kancane nje bazalwane, njengoba ngisho ukuthi kade ngikholwa. Ukukholwa kwethu bekusivumela…Eh! Njengoba bengiqale ngokuthi bathi banoMoya ongcwele.
26.Umuntu onoMoya ongcwele ubene right yokwenza noma yini. Ikhona lento yokuthi uma umuntu omi phambili ukube yi role model yabanye abangemumva. Okusho ukuthi lo onoMoya ongcwele noma angenza izinto ezimbi sizomlandela ngoba kuthiwa lomuntu unoMoya ongcwele.
27.NaloMoya ongcwele umunika Amandla okwenza noma yini. Kushukuthi nathike njengoba sibuka kuye enoMoya ongcwele singenza nathi noma yini.
28.Manje kwakukhona netemuke elalithi ungeba kodwa uma weba mhlape webela umlungu kuvumelekile lokho. Mhlampe uma kunesisho nje esithile esithi wenzela into ethize, kuvumelekileke.
28.Manje uBaba uMelusi uthi yena ukuthi kuthiwa kuhlwayile ukubona kukuningi, uthi cha! Ngisho noma kusemsebenzini noma kuphi ungabe santshontsha. Yaqalake indaba ngase ngimfuna lobaba ngilalele izintshumayelo zakhe… (audio unclear) Wasethi ngelinye ilanga uza eMooisenfontein. “EMooisenfontein? Ngathi leligama ngake ngalizwa leligama”
29.Ngilifune leligama ngilifune ngilifune ngilithole, Oh! iMoosenfontein ingapha ngakoNquthu kanje, ngapha ngakithi. Asho ukuthi uzanini idate. Ezeke sithintane size sifike.
30.Uma sifika la, ay! Ayishumayele indaba kaNkulunkulu bazalwane ilaphoke ngafika khona ngabe sengikhetha iNkosi. Ngabe sengifika ngikhetha iNkosike kodwake before ke ngifike sengimzwile uBaba uMelusi ukuthi wayekhuluma ngani ngoba wayekhuluma ngamaqhugwane nangezinye izinto.
31.Mina ekhaya ngase ngilakhile iqhugwane, ngilikhandile impela nje ngilikhandile. Kwase kuhamba umfana omunye ethwasa umfana wase ephenduka eba isangoma.
32.Leliqhugwane likhona ekhaya, sasimthatha simfake kulo leliqhugwane sithi, “Hhayi ndoda nanti iqhugwane selikhona ngena lapha nemithi yakho nayo yonke into yakho.” UBaba uMelusi wathi umethi uyeza ngapha ngakithi e Mezinfontein, washo kusenamaviki ukuthi nge-date ethize ngiyeza ngalapho.
33.Kwavele kwasuka iqhugwane leli elinesangoma, lavele lavutha Umlilo bhu! Lithe uma livutha bathi bayawucisha umlilo bayawucisha umlilo, hhayi waze wacisha seliyophela leliqhugwane.
34.Uma ngifika kuthiwa selishile leliqhugwane. Lomfanake owayeyinyanga wayesehamba eyobhulake. Uthi uma ebhula uthi, “Kumi umuntu lapha…” kukhona lento eyi glass le esasishisana ngayo siseyizingane eykoleni bayayazi abanye.
35.Kuthiwake uma ebhulake kumi umuntu lapha wasekhomba leyandlu leya eyiqhugwane ngalento (esho le magnifying glass efike ibe ncane bese ifika isivuthisa) yayisiyavuthisa lento lapha kwavutha. Usebhulileke ey ngathula mina ngathi, “Ey!”
36.Manje into ufuna ukulivusa leli qhugwane bese eqhubeka nobunyanga bakhe. Ngathi cha cha cha! Sengizwile ukuthi amaqhugwane… Selivele lasha leli uBaba uMelusi eseza engakafiki lavele lasha.
37.Athi uthi ufuna ukulilungisa ngithi, “cha ungabe usalilungisa.” Yenzekala enye inkinga bazalwane… Angixoxi ngami kakhulu ngixoxa indaba kaNkulunkulu njengoba ngithi uNkulunkulu engithanda. Nawe uNkulunkulu uyakuthanda unezakho izindaba ongathi uma uzixoxa uthi uNkulunkulu ukulandephi nawe.
38.Uma ngithi uNkulunkulu engithanda ngisho nawe, nawe uyazazi ezakho ukuthi uNkulunkulu ungilande kuphi, ungikhiphe kuphi wangibeka lapho ngikhona namhlanje.
39.Namhlanje abantu uma bengibona bathi umfundisi uMtshali. Kushuthike inkingake wayengesenayo indawo lo oyisangoma yokubeka abantu bakhe. Wayesebeka endlini lapha ahlala khona bese beyezake abantu bashaye ulayin endlini lapho esangomeni.
40.Inkinga manje uma besuka ngale beshaye ulayini, baseduze kwendlu yami la ngihlala ngakhona. Inkinga la ngihlala ngakhona… kwakusanama CD ngidlala ama CD aBaba uMelusi. Labantu uma bethi bashaya ulayini bazobhula, I-CD ithi akuvumelekile ukuya esangomeni awuvumelekile ukubhula.
41.Kwathola ukuthi manje kuyashayisana manje, usengibukakabi ukuthi manje ama customer ache athi eze kuye le-CD uma idlala layindlini ayayizwa njengoba ehlezi lapha ebhentshini, uthi “Njengoba uya lapho uNkulunkulu akakufuni lokho, uNkulunkulu akakufuni lokho oyokwenza.
42.Ngathi ngimbona wasethi, “Ey! Kungcono ngithole enye indawo.” Ngoba manje seyabona ukuthi ama customer ethi eze la kuye kodwa i-CD edlala endlini ithi, “Lokhu okwenzayo uNkulunkulu akakufuni.” Wabe eseqhelake kanjalo.
43.Eh! uNkulunkulu ungilandile wangiletha kumaNazaretha kaNkulunkulu. Uma sifika kumaNazaretha kaNkulunkulu kugcinwa imithetho, sifundiswa ukuthi uBabamkhulu (ukuthula kube kuye) wathi asibheke laphana ukuthi wathini uMoses.
44.Uma sesitsheliwe ukuthi uma uNkulunkulu ethi ungakwenzi lokhu kufuna ukuthi ungakwenzi lokho. Ukuthi abantu bathini uma uNkulunkulu ethe ungakwenzi lokhu kufuna ukuthi wena ungakwenzi.
45.La sasikhona sasinokufunda ukuthi uma into ethile kuthiwa ungayenzi kodwa ukwazi ukuyenza. Njengoba ngisho ukuthi lomuntu okwakuthiwa unoMoya ongcwele wayene right yokwenza noma yini.
46.Okusho ukuthi nalaba ababukela emvakwakhe babebona ukuthi njengoba lomuntu onoMoya ongcwele ene right yokwenza noma yini, nami okusho ukuthi ngingenza noma yini ngoba nangu umuntu ekuthiwa unoMoya ongcwele uyakwenza noma yini.
47.Uma sesifike laphake yashintsha indaba, ngase ngibuyake ekhaya. Ekhayake babengethembile ezintweni eziningi njengoba ngisho ukuthi lezi zesintu babethemba kakhulu ukuthi hhayi uma sekukhona (babethi uSbusisoke ngegama) uma sekukhona uSbusiso zonke izinto zizokwenzeka. Kanti uNkulunkulu uyabuka nje ukuthi, “Hee! Ngizohosha lesi sikhuni lesi, uzocisha lomlilo.”
48.Kanti uNkulunkulu uyabuka, ngempela kuthe uma sengibuya ekhaya ngazibiza izihlobo zami (ngathi), “Manje sengingum’Nazaretha kaNkulunkulu uma sengingum’Nazaretha kaNkulunkulu uma kuthiwa uNkulunkulu uthi into ethize akayifuni angikwazi ukuyeqa.
49.Manje-ke seniyazike ngisho kungathiwa niyangcwaba ngeSabatha uNkulunkulu uthe singasebenzi ngeSabatha, njengoba niplane ukungcwaba lokhu. Ukungcwaba akusiso isibhudukezana niyaku plana nithi nge-date ethize… ngisho umshado noma yini lezinto ziyaplanwa akufani nokufa komuntu manje, kungafa umuntu manje singakuplanile kodwa ukungcwaba nokwenzani niyakuplana.
50.Uma nikuplana nina nikubeka ngeSabatha mina ngiyobe ngingekho, uNkulunkulu uthe angingasebenzi ngeSabatha, angingahlanganyeli nento ethize.”
51.Wayesethi udadewethu kufune layikhaya…Niyakwazike uma singakakholwa bazalwane ukuthi ekhaya uma nikhona kuye kuthiwe either oyedwa mhlampe omdala uzosala ekhaya noma owokugcina.
52.Ngebhadi wayesephumileke umfwethu omdala mina ngisesekhayake. Wayesethi udadwethu, “Cha! Ekhaya sizohlukanisa kabili kufune sifake izigxobo sihlukanise ikhaya lakwa Mtshali, ngapha kuzoba ikwaMtshali ngapha kube ikwaMpanza ngoba manje lomthetho esengifike nawo awaziwa layikhaya kwaMtshali.”
53.Okusho ukuthi sesizohlukanisa igceke kabili okusho ukuthi ngapha kusemthethweni wakwa Mpanza ngapha umthetho wakwa Mtshali. Lapho uNkulunkulu asilande khona bazalwane angikhulumi ngami, ngikhuluma ukuthi nawe ukhona uNkulunkulu lapho akulande khona.
54.Nami kukhona uNkulunkulu lapho angilande khona kodwa into enzima eyake ishiwo uBaba uMelusi ukuthi, “Kunzima uma uNkulunkulu ekuthanda njengoba ekuthanda nje ukuthandela ukuthi uzomusebenzela.”
55.Akakuthandi nje just ekuthanda, ukuthandela ukuthi nawe ubese uyabuya umsebenzele. Konke ukuhamba kwethu namhlanje… sase sifikake maNazaretha kaNkulunkulu sase sifundake izinto eziningi ezinye sasingazazi namhlanje siyazi okuningi uma sikhuluma ngendaba kaNkulunkulu.
56.Kwafika ubuNazaretha base-NCG kwasikhanyisela. Kwathi uma usuqala ukhuluma indaba ngoNkulunkulu abanye base beqala ukuthi, “Wena uliNazaretha elinjani, amaNazaretha siwazi engalifundi iBhayibheli, wena ungum’Nazaretha onjani uma uthi ungum’Nazaretha?”
57.Sase siphiwe lonke ulwazi lwaseZulwini nokukholwa ukuthi uma ungumuntu la emhlabeni uNkulunkulu ufunani kuwe, uNkulunkulu ufuna umenzeleni. Ukukhonzwa kuka Nkulunkulu awumkhonzi ngokumemeza nje umemeze kushone ilanga kodwa uNkulunkulu ukhonzwa ngokugcina imithetho yakhe.
58.Yonke into safundiswa imithetho ukuthi uNkulunkulu ufuna imithetho simugcinele noma sinezono ezinye ezisehlulayo sibuye sibuyele kuye uNkulunkulu siye komcela sithi, “Nkosi nasi isono esithize sithanda ukungehlula ngiyakucela wena ungiphe Amandla okusinqoba.”
59.Safunda izinto eziningi lapha ekhaya maNazaretha kaNkulunkulu. Khona elinye ivesi elithi, “Izinyawo zami ziyawujabula uma kuthiwa asiyongena endlini kaJehova.” Ngike ngilibuke lelivesi bese ngithi mina, “Hawu!” Kodwa ekuqaleni angijabulanga kodwa kwathi uma sekuhamba isikhathi ngase ngiyajabula ukuthi kukhona izinto… Yey! Kwenzeka izinto eziningi ezazisehlula.
60.Uma ngingakhuluma nje kancane emuva ziningi izinto ezazisehlula kodwa ngathi uma sengithathe indaba kaNkulunkulu kwenzeka izinto babona abantu phambi kwabo. Zajika izinto kwajika yonkinto ngisho ekhaya yonke indawo. Isimangake esabakhona umama kwanagathi akayizwa kahle umama wasekhaya kwangathi akayizwa kahle umama wakwami.
61.Ngathi ngelinye ilanga ngingekho ngathi ngiyabuya ngeviki elizayo ngafica umama esezinikele eThempelini esekhethe iNkosi. Hawu! Umama nende bengafuni nokuyizwa lendaba ngamfica sekuwuyena osekhethe iNkosi.
62.Siyabongake bazalwane konke ukuhambake namhlanje singamaNazaretha kaNkulunkulu sifundisa abantu indaba kaNkulunkulu. Kuthiwa asisebenze namhlanje sinikwe ngisho yonke ingubo yokusebenza.
63.Kuthiwa ngisho emsebenzini unikwa ama overall bese kuthiwa lama overall ngawokusebenza. Ngizoke ngicele bazalwane sike sibheke laphana amaHubo 34 ngicela ozongifundela angiqalele ku vesi 2 sime ku vesi 9. Sizwe ukuthi (audio unclear). (Umfundisi B.Mpanza ufunda ibhayibheli) “Incwadi yamaHubo 34 kusuka evesini lesibili kuya kwelesishiyagalolunye:
64. Amahubo 34 verse 2-9.
65.(2) Umphefumulo wami uyakuzibonga ngoJehova;abathobekileyo bayakukuzwa, bajabule.3 Mtuseni uJehova kanye nami,siphakamise igama lakhe kanyekanye. 4 Ngamfuna uJehova, wangiphendula;wangikhulula kulo lonke uvalo lwami. 5 Babheka kuye phezulu, bakhanya;ubuso babo abusoze bajabha.
66.(6) Nasi isihlupheki esakhala,uJehova wezwa,wasikhulula kuzo zonke izinhlupheko zaso. Ingelosi kaJehova iyamisa nxazonke kubo abamesabayo, ibakhulule. 8 Yizwani nibone ukuthi uJehova muhle;ubusisiwe lowo muntu ophephela kuye.9 Mesabeni uJehova nina bangcwele bakhe,ngokuba abasweli lutho abamesabayo.
67.Lendabake iyasichazela kakhulu. Amazwi engiwathanda kakhulu lapha ilawa athi, “NGAMFUNA UJEHOVA WANGIPHENDULA WANGIKHULULA KULOLONKE UVALO LWAMI.” Eh! Njengoba besikholwa senza yonke into esiyithandayo nokubukela kwabaphambili ababethi banoMoya ongcwele kodwa besinovalo. Sinovalo lwezinto eziningi, sinovalo lokufa sinovalo lwezinto eziningi.
68.Namhlanje uvalo luphelile luphelile uvalo namhlanje. Uyazi ukuthi uma wenze kahle emhlabeni uzophila nakahle emhlabeni noma kungaqhamukani. Kodwa ke noma uhlulekile emhlabeni kodwa wenze kahle kuJehova, umuzi wamaNazaretha lapha kuthiwa siya khona kuthiwa ukhazimula ngaphezu kwelanga nenyanga kuthiwa uMkhokheli wakhona munye nguJehova kuphela iNkosi enamandla.
69.Kuthiwa asazise izizwe ngalendaba kaNkulunkulu sibatshele. Eh! Enye into sisasemuva njengoba ngike ngasho ukuthi kwakubholofithwa. Namhla sithole lonke iqiniso ukuba uma ungumntwana kaNkulunkulu ithemba lakho lonke libe kuJehova kuphela ungamxubi nokunye.
70.Sasinovalo, kwakuke kuthiwe uma Siyahamba kuthiwe sibheke kuqala ukuthi asizukuba nayo yini ingozi phambili. Mhlampe kuthiwe khipha lowo R5 sivale ingozi. Inkinga nansike, lo osikhiphisa ama R5 noma lo osibonelayo lapha ezingqondweni zethu asiboni ukuthi sesinomunye unkulunkulu ngoba lomuntu uma ekhona siyamethemba sithemba ukuthi asiyikuvelelwa ilutho kodwa uma engekho futhi lomuntu asiphelele ngoba lomuntu akekho.
71.Kodwa uma usufica incwadi kaNkulunkulu ithi, “NOMA NGIHAMBA ESIGODINI SETHUNZI LOKUFA ANGISABI LUTHO NGOBA WENA JEHOVA UKIMI.” Manje lento isithatha ngemiqondo singayiboni ukuthi manje lomuntu sesiyisa ithemba kuye agcine sesenzisa nezinto ezingekho right ngoba sithembele kuye manje kanti uma sesazi indaba kaNkulunkulu, uNkulunkulu uthi sigcine imithetho yakhe.
72.Uma sigcina imithetho yakhe uJehova usuyingane yakhe, useyakuvikela. UBaba uMelusi uke asifundise lapha ukuthi uNkulunkulu wake wakhombisa abantwana bakwa Israel kuqala yena uNkulunkuku. Wahamba nabo for
40 years ebapha ukudla ebasithela ilanga lingabashisi, eyingubo konke. Kwaqala yena kuqala wabakhombisa ukuthi nantu uthando enginipha lona nina ngoba ningabantwana bami.
73.Baluzwa, kwathi ekuhambeni kwendlela abantu bamuhlubuka. Nkosi sinikiwe namanje ukuthi asiyazi indaba kaNkulunkulu, njengoba ngithi uNkulunkulu engithanda nawe uNkulunkulu ekuthanda. Uma sixoxa lezi zindaba nawe uyabuka lapho owasuka khona wakweqisa uNkulunkulu. UNkulunkulu uke waseqisa ezintweni… mina bengike ngixakeke ngibona izinto sezenzeka.
74.Yikho lokhu okwangi tricker kancane ukuthi ngigcine sengi… ngoba ngangibona izinto sezenzeka ngixakeke ukuthi kwenzekani ngibona abantu bengincoma kodwa manje ngibone ukuthi hhayi ngeke khona into e wrong la, ikhona into e wrong la. Usuyabona manje ukuthi uNkulunkulu wayekuthanda ekwenzela izinto ngisho kuthiwa azenzeki afike uNkulunkulu azenze lezi zinto.
75.Abantu bathi bancoma wena, wena ubone ukuthi hhayi ngeke khona I something wrong la. Yabo! uNkulunkulu engithanda nawe uNkulunkulu ekuthanda esithanda sonke. Asibuyele kuJehova sihambe siyofundisana… namhlanje oBaba uMelusi bathunyiwe benoMfundisikazi. Kodwa njengoba sesikhona nathi kuthiwa sonke sithunyiwe ukuba sihambise indaba kaNkulunkulu.
76.Sisho ukuthi uBabamkhululu (ukuthula kube kuye) wayetheni, wayefundise abantu wathini njengoba wayesuka eZulwini ezofundisa abantu ngendaba kaNkulunkulu. Lendabake ikhuluma nabantu… kuyenzeka abantu njengoba nami ngiqhamuka emuva le sengiyaye ngibuke. Kuyenzeka umuntu athi… umuntu uma ekhula nje usuke enama vision athize athi uma sengikhulile ngizoba nomndeni awumise kanje ngesingaye.
77.Awumise kanje umndeni wakhe yonkinto, mhlampe nokukholwa kwami koba kanje. Abaningi abantu uye ubathole ukukholwa kwabo kuhambisana nalezinto ezithandwa yibo.
78.Kufike kube ukukholwa plus nento ethandwa wuye bese ebona ukuthi sengingene khaxa. Kanti ukhukholwa kuka Jehova esesikufundile manje akusikho okwezinto ezithandw ayithi kodwa ukukholwa kungukuhambisana nezinto ezithandwa uNkulunkulu ngoba izulu lingelakhe.
79.Nakhu kade sisicula isihlabelelo sithi UMUZI WAMANAZARETHA UKHAZIMULA NGAPHEZU KWELANGA NENYANGA UMKHOKHELI WAKHONA MUNYE, UJEHOVA KUPHELA INKOSI ENAMANDLA. Okusho ukuthi konke ukukholwa kwethu fune siku inline, sikuhambisane nokuthi la siyakhona kufunekani.
80.Ngangithi uma ngkhuluma nabantu ngithi mina mhlampe uyothatha I license lapha kwa department of traffic, uma befuna ubambe imoto ngezandla zombili ukuze uphase isteringi kufuna usibambe ngezandla zombili.
81.Akuzuthi wena uma ufika lapha mina ngiphuma kwabani bani e driving school bebengivumela ukuthi ngibambe imoto ngesandla esisodwa. Laba bafuna umthetho wabo ukuze wena uphase lapha uthole I license yakho. Uma kuthiwa bamba imoto ngezandla ezimbili kufuna uyibambe ngezandla ezimbili.
82.Nokukholwa kwethuke asingakwenzi ukuthi kube yilokhu okufunwa yithi kodwa asikwenze…Nami ingakho sengiyixoxa lendaba ngoba nami ekuqaleni sasilapho ukuthi uma ngikholwa ngiyakwenza nokuthi, sekuphelele ngoba uzoya esontweni ngiphinde uma ngiyozihlabela ngiyohlaba.
83.Kudiphenda ukuthi umuntu uthandani. Lokhu akuthandayo omunye uyaziphuzela uzohamba ayoziphuzela. Omunye uthanda lokho akuthandayo bese ekuhlanganisa nesonto, nenkolo leyo ethi lokhu plus nalokhu kanti cha sesiyazi namhlanje ukuthi yithi ekufuna ukuthi sincenge kuNkulunkulu.
84.Usho njalo uBaba uMelusi ukuthi uwena ofuna uzazise kuNkulunkulu, akusiye uNkulunkulu okufuna ancenge thina kodwa yithi okufuna ukuthi sizazise. Waziwe ngisho ezulwini njengendaba kaMbaliyethemba okwathi noma esedukile kodwa ngenhlanhla wayaziwa eZulwini, yikho kwagcina kuhanjwa wayofunwa.
85.Nathike uNkulunkulu akasithande asiphe lolothando, yingakho ngithi uNkulunkulu engithanda angasishiyi asiphe ukukholwa kweqiniso sibe ngabantwana bakhe kuyo yonke into sikhethe yena kuqala njengabafana abathathu abakhetha yena uJehova kuqala kuzo zonke izimo ezazikhona. UNkulunkulu asiphe lolothando singamshiyi.
86.INkosi ibusise lokho enikuzwile.