UNKulunkulu waqala ukuhlala nabantu emhlabeni ngesikhathi ezokhulula abantwana baka-Israel ebugqilini bukaFaro.
Njengoba sesivezile, impilo yasezulwini ayifani nempilo yasemhlabeni, izulu linosiko-mpilo lwalo, lapha emhlabeni esithi NGUMTHETHO KANKULUNKULU!
Ithi kithi ingelosi: “Nina lokhu enithi umthetho kaNkulunkulu, ezulwini lusiko-mpilo lwakhona!”
Isihlabelelo 75.
1.Nkosi nika izindlebe zethu
Ukulizwa izwi lakho
Sibambe singayeki
Imiyalo yakho.
Noma sibamba liphunyuka
Masingayeki.
2.Ngokuba ludondolo oluhle
Imiyalo yakho
Lubanika ithemba
Abaluphetheyo.
Sibambe singayeki
Singayeki ngethemba.
1.Kulentshumayelo ngikhethe ukusebenzisa amagama abantu baseBhayibhelini njengoba ebhaliwe ukuze sonke siyilandele kahle lenkulumo.
2.Ngike ngezwa enye insizwa, okuthiwa uWiliam Yandisa, ithi kukhona izulu lamaKrestu nezulu lamaNazaretha.
3.Ngenxa yokuthi lenkulumo isithinta sonke njengamakholwa, ngibone kufanele ngiyiphendule.
4.UWilliam Yandisa akasiye umKrestu noma umNazaretha, ngakho ke lokhu obekukhuluma ngikholwa ukuthi ubebeka nje umbono wakkhe!
5.Awukwazi ukunikeza ulwazi ngento ongayazi, angiphathi ke ngendaba yasezulwini, ngoba nami ngingumNazaretha, futhi ngihlala nengelosi, kodwa ngenke ngithi ngazi konke ngezulu, ngoba angikaze ngiye khona!
6.Ngiyabeluleka ke bonke abantu ukuthi uma ukhuluma ngento, ubowuveza umsuka wolwazi lokhuluma ngakho ukuze ungaphenduli umbono wakho ube ulwazi lwakho.
7.Noma ungahlakanipha kanjani, awunakwazi ukwazi into ongakwazi ukuyazi, njengezulu nje!
8.Ekuhlaleni kwami namaKrestu kanye namaNazaretha, ngifunde ukuthi onke lamakholwa akazi lutho ngezinkolo zawo.
9.Kodwa futhi onke akazi ukuthi akazi, bayafana nje noYandisa osekwazi ukuthi ubuKrestu bunezulu lawo elehlukile ezulwini lamaNazaretha!
10.Inkinga enkulu yamaKrestu ukuthi ubuKrestu inkolo abayithandayo nabakholelwa kakhulu kuyo, kodwa njengoba sizokuveza lokhu, iqiniso ukuthi bakholelwa entweni abangayazi!
11.Kulentshumayelo ngizokuveza ukuthi yini nani amaKrestu acabanga ukuthi ayayazi ngobuKrestu, kanti akazi lutho ngayo!
12.Esikhathini esiningi enkolweni yobuKrestu umuntu uba ngudokotela noma nguprofesa wezenkolo, kodwa uthole ukuthi akazi lutho ngalento owudokotela wayo!
13.Ayikho ke into eyingozi njengokuma phambi kwabantu, kuthiwe unguprofesa, kodwa laba bantu ube ubafunza iphutha!
14.Kuyafana nje nakumaNazaretha, iningi labo basanganiswa ukukholelwa ukuthi umholi wabo unkulunkulu, kodwa angazi noma bayabona yini ukuthi lokhu kusangana kwabo kuzoba holela esihogweni! Kodwa kulenkonzo ngizogxila kumaKrestu ngezizathu engizozichaza!
15.Amanye amaKrestu ayaye athi ubuKrestu basungulwa nguJesu; kodwa kusukela kuMathewu kuze kufike kuyiSambulo asinancwadi nesahluko lapho uJesu ezihlanganisa khona namaRoma, kanti vele ubuKrestu bavela uJesu engasekho emhlabeni.
16.Kwakuyimfundiso kaJesu ukuthi ivangeli likaMose lingedluliselwa kwezinye izizwe, kodwa manje lemfundiso ethi uJesu wasungula ubuKrestu, okuyinkolo yamaRoma, kuyaphambana nesikufunda eBhayibhelini!
17.Ekubuyeni endabeni yezulu lamaKrestu nezulu lamaNazaretha, ngokweBhayibheli izulu linoNkulunkulu oyedwa ogama lakhe nguJehova. Ilokho onke amakholwa akwaziyo!
18.Kodwa ngokuhlubuka uNkulunkulu, zikhona izinkolo ezahlukahlukene nezichaza umbuso wezulu ngezindlela ezahlukahlukene. Kodwa lokho akushintshi ukuthi sinoNkulunkulu oyedwa nezulu elilodwa!
19.Kanjalo nebandla likaJehova linye, nendlela yokuphila komuntu ofuna ukuya ezulwini inye.
20.Ngiyazi ukuthi ngenxa yevangeli le Satanism sekunezinkolo ezithi loNkulunkulu oPhezukonke uyalingana nabanye onkulunkulu bomhlaba, kodwa akunjalo!
21.Kwasemandulo uNkulunkulu wayevele ekhona ezulwini, ehlala nezidalwa zasezulwini, okuyizingelosi.
22.Abantu basemhlabeni ngisho sebefile babengayi ezulwini, ngoba ukungena ezulwini akulula neze, kunemibandela.
23.Nokho babekhona abantu abambalwa njengomprofethi u-Enock nabanye ababeya ezulwini.
24.UNKulunkulu waqala ukuhlala nabantu emhlabeni ngesikhathi ezokhulula abantwana baka-Israel ebugqilini bukaFaro.
25.Njengoba sesivezile, impilo yasezulwini ayifani nempilo yasemhlabeni, izulu linosiko-mpilo lwalo, lapha emhlabeni esithi
NGUMTHETHO KANKULUNKULU!
26.Ithi kithi ingelosi: “Nina lokhu enithi umthetho kaNkulunkulu, ezulwini lusiko-mpilo lwakhona!”
27.Uthi ke uJesu: “Umbuso wakho mawuze emhlabeni, nentando yakho yenziwe emhlabeni njengoba yenziwa ezulwini.”
28.Lapha uJesu wayethi usiko-mpilo lwasezulwini alwehlele emhlabeni, nathi siphile impilo efanayo neyabase zulwini.
29.UNkulunkulu wehlela emhlabeni esizweni sakwa-Israel ngoMose; waya nabo entabeni yaseSnayi cishe ngo 1447 B.C.
30.Uthi ke uJehova lesi sizwe sakwa-Israel sekuyisizwe esingamazibulo akhe. KuDuteronomi 14:1-2 uJehova uthi:
31.“Ningabantwana bakaJehova uNkulunkulu wenu; ningaziphuculi amakhanda enu ngenxa yabafileyo.
32.Ngokuba ningabantu abangcwele kuJehova uNkulunkulu wenu; uJehova unikhethile nibe yisizwe senzuzo yakhe ngaphezu kwezizwe zonke ezisebusweni bomhlaba.”
33.UJehova emhlabeni wehlela esizweni sakwa-Israel, okungokhokho bethu. UnguNkulunkulu wesizwe, hhayi wenkolo ethize!
34.Uma singasahambi ngokwezimiso zikaJehova, ukuthi ungumKrestu noma ungumNazaretha akusho lutho, okusalayo ukuthi umhlubukile uNkulunkulu wokhokho bakho!
35.Lolusiko-mpilo lwasezulwini lapha emhlabeni silubiza ngokuthi NGUMTHETHO KAMOSE osemqulwini obizwa ngokuthi ITORAH!
36.Kodwa abantwana bakwa-Israel uJehova akabaphoqanga ukuba bamlandele; yibo okwathi uma behlukunyezwa nguFaro, base becela uJehova ukuzoba khulula esandleni sikaFaro!
37.Babe sebenza isivumelwano noJehova sokuthi izizukulwane ngezizukulwane zabantwana bakwa-Israel uNkulunkulu wabo nguJehova uMdali wezulu nomhlaba, nezulu labo iParadise!
38.UmKrestu nomNazaretha ohamba ngokwezimiso zikaJehova izulu lakhe linye, iParadisi!
39.Kodwa kuDuteronomi 28 uJehova wathi uma abantwana bakwa-Israel bemhlubuka ngokungayigcini imithetho yakhe, uyobaqalekisa, ebayekele ukuba banqotshwe babuye bathunjwe ngabezizwe.
40.Nempela abantwana bakwa-Israel kwahamba kwahamba bamhlubuka uJehova. Okokuqala bafuna inkosi yabo, wabanika uSaul, emva kwakhe kwaba nguDavide noSolomon.
41.Sebemhlubukile uJehova, emva kwenkosi uSolomon ubukhosi bakwa-Israel behlukana kabili, kwaba abakwa-Israel obunezindlu ezingu 10, bese kuba ngokwakwaJuda obunezindlu ezimbili.
42.Nokho ubukhosi bakwa-Israel bashesha banqotshwa ngabezizwe, ama-Israel amaningi athunjwa ngama Asiriya, akaphinde abuyele eSamariya.
43.Ubukhosi bakwaJuda babakhona iminyaka edlulile ku 150 ubukhosi bakwa-Israel sebaphela.
44.UYahusha owayengowesizwe samaJuda wazalwa ku 6 kuya ku 4 B.C.
45.Eselapha emhlabeni ivangeli lakhe lalingelokudumisa uJehova, njengoba kwakwenza bonke abaprofethi abamendulelayo!
46.Sizwa kuMathewu 10:5-6 uJesu ethi abafundi bakhe uma beyoshumayela, bengangeni emzini yabezizwe, kodwa bagcine ezimvini ezilahlekile zendlu ka-Israel. NamaRoma kwakungabezizwe!
47.UJesu wabethelwa ngamaJuda ngo 33 A.D., kwase kuthi ngo 55 A.D. abafundi bakhe bephuma eJerusalema beyoshumayela ngomthetho kaMose nezimfundiso zakhe uJesu.
48.KuyiZenzo 28:23 kuthi: “Sebemmisele usuku, baya kuPaul endlini ngobuningi, uPaul wabacacisela efakaza ngombuso kaNkulunkulu, ebanxenxa ngoJesu ethathela emthethweni kaMose nabaprofethi…”
49. Lenkulumo iyacacisa ukuthi umpostoli Paul, njengabo bonke abaprofethi, wayefundisa ngomthetho kaJehova okuthiwa ngumthetho kaMose, eqhuba ivangeli likaJesu!
50.Noma ama-Israel alwa nezizwe eziningi, kodwa amaJuda aqala ukulwa namaRoma kusukela ngo 66 A.D., aze agcina ngokunqotshwa ngo 70 A.D.
51.Kusukela amaJuda anqotshwa ngamaRoma, kodwa umbusi wamaRoma owaqeda nya ngenkolo yamaHebheru kwaba ngumbusi uConstantine the Great kusukela ku 325 A.D.
52.UConstantine inkolo kaMose ababeyibiza ngenkolo yamaHebheru wayiqeda ngemithetho ebizwa ngokuthi ngama Creeds. lamaCreeds afundeka kanje:
53.”I abolish all the festivals, ceremonies, and laws, the eating of unleavened bread, the sacrifices of lambs performed by the Hebrews.
54.I abolish all the festivals of the Hebrews, their offerings, prayers, sanctifications, and their praises.
55.Their fasts, their festivals, their Sabbaths, their psalms, and their proverbs, and the custom of going to the temples to worship.
56.I personally say that I have no desire at all to have anyone return to this Jewish mess, or to be found eating with Jews, or celebrating with them, or in any way speaking to them privately to argue or criticize the Christian faith.
57.Rather, if there is to be any speaking to them, it should be that they are openly told to leave this madness of their Jewish religion.
58.If anyone is ever found doing that, even me, I ask that the curse of Cain or the leprosy of Gehazi befall me at that time.”
59. Le Creed ibonisa inzondo enkulu amaRoma ayenayo ngamaHebheru, okuyisizwe esimnyama! Kodwa noma kunjalo, thina sisakholwa ukuthi uJesu owayengumHebheru, washiya inkolo kaJehova wayosungula inkolo kwabezizwe echitha inkolo kaYise!
60.Ekuqaleni ngithe isizwe esimnyama esingamaKrestu asiyazi inkolo yaso, ngoba samukela noma yini esiyifunzwa ngabamhlophe, okungoBasi babo!
61.Omunye umMoslem echaza ngendlela amaKrestu akholwa ngayo wathi: “Inkinga enkulu yamaKrestu ukuthi afundiswe ukuzwa okuphambene nalokhu abakufunda encwadini yabo.”
62.Ukunikeza isibonelo salokhu okushiwo ngummoslem, kusukela kuMathewu kuze kufike kuyiSambulo kukhulunywa ngoJesu osesizweni samaJuda, noshumayela ivangeli ngokwenkolo kaMose. NgokweBhayibheli uJesu waze wafa engaphansi kwenkolo kaMose.
63.Kodwa uma amaKrestu esefundisa athi uJesu wayengumsunguli wobuKrestu, okuyinkolo eyasungulwa uConstantine oliRoma; namanje ubuKrestu buzinze eRome! Amakholwa amnyama amukela ilumbo ngisho liphambi kwabo!
64.Yikho ngithi kubukeka sengathi amaKrestu akawuqondi mpela mpela lomlando kaJesu nenkolo yobuKrestu; awazi ukuthi amaRoma ayeyizitha kangakanani zanamaJuda! Pho uJesu oliJuda wayengahlangana kanjani namaRoma?
65.Asikuyeke nje ukuthi ubuKrestu basungulwa ngo 313 A.D, uJesu owayebethelwe ngo 33 A.D sewahamba kudala!
66.Emva kokuba abamhlophe sebesungule ubuKrestu, balwela ukuyiqeda nya inkolo yamaHebheru, okuyinkolo kaJehova! Nempela bayiqeda lenkolo kaJehova besebenzisa bona abamnyama!
67.Saphoqwa ngama Creeds ukuthi ekwamukeleni inkolo yamaRoma, sibuye silandele amasiko nemikhuba yamaRoma, wona ayekhonza izithombe!
68.Lama Creeds afundeka kanje: “I accept all the customs, ceremonies, laws, Roman festivals, offerings, prayers, purifications, consecration by the Roman High Priest Pontificus Maximus.
69.I also accept the celebration of the Sabbath of the sun god “Sol dei” or Sunday.
70.Therefore, the day of the week is for worshiping Jesus the Lord, as it was previously known as the day of the king Baal.
71.If Baal is worshipped on this day because he is the king, then Jesus is also worshipped on this day because he is also the Lord.
72.All Christian celebrations are also acceptable, as they are the food and drinks of the Roman nation.
73.In short, we adopt all the Roman customs, celebrations, and ceremonies into this new Roman religion called Christianity.”
74.Kungukuphuphutheka komuntu omnyama ukulandela inkolo ekubeke kwacaca ukuthi ukukholwa kuyo kumele ugcine onke amasiko nemikhuba yabo!
75.Isizwe esimnyama silahla inkolo yaso esayinikwa nguJehova, manje sesi sanganiswa yinkolo yabezizwe! Kanti kwakhala nyonini kithi?
76.Ngenxa yokufunzwa ngabamhlophe belekelelwa ngabafundisi abamnyama, sekuyisizwe sakithi esihamba phambili ukuchitha inkolo kaJehova!
77.Yini umehluko phakathi kwenkolo yabamhlophe, ubuKrestu, nenkolo yabamnyama, okuyinkolo kaMose?
78.Inkolo kaMose yavela kuNkulunkulu uMenzi wezulu nomhlaba, kanti eyabamhlophe yasungulwa ngumbusi wamaRoma uConstantine ngoba efuna ukuqinisa umbuso wakhe!
79.Abamnyama bayilahla lenkolo kaJehova, bemukela inkolo abayakhelwe ngabezizwe, zalwa noJehova ngazo zonke izindlela!
80.Isibonelo salokho ukuchitha iSabatha nokusoka. AmaRoma ayebabulalelani abantu abagcina iSabatha nabasokile?
81.Isabatha nokusoka zivumelwane zikaJehova nabantwana bakwa-Israel, (Bheka uGenesisi 17:7 no-Eksodusi 31:16-17) lokhu abezizwe abangakufuni nhlobo!
82.Iziwula eziyisizwe esimnyama sekuyizo ezelekelela abezizwe ukuqeda isivumelwano sikaNkulunkulu nathi. Shame on you!
83.Njengoba esho no Dr Koster, abamhlophe abayemukelanga inkolo kaJehova, ngoba kuyinkolo enomprofethi wesizwe esimnyama nabasenyanyayo.
84.AmaCreeds abhalwe ngamaRoma akubeka kucace ukuthi bayayichitha inkolo kaJehova ngoba kuyinkolo yesizwe abasenyanyayo, okungamaHebheru!
85.Kodwa uma sebeyichithile lenkolo kaMose, sekungabamnyama futhi asebesanganiswa yinkolo yesizwe esachitha inkolo yabo!
86.NoYahusha, okungumprofethi wamaHebheru, wachithwa enkolweni yobuKrestu, yikho kunabantu abamnyama ababephika ngisho ukuthi uYahusha wake waba khona!
87.Abefundisi bamaKrestu bonke baya emakholiji nasema University bofundela ubufundisi, abanye bangodokotela, abanye bango profesa bezenkolo; kodwa indlela abadukisa ngayo isizwe sakithi iyashaqisa!
88.Ngake ngaphikiswa ngomunye umfundisi ongudokotela wenkolo, ethi ubuKrestu abusungulwanga nguConstantine, kwasungulwa nguJesu, kodwa engakwazi ukuchaza ukuthi lokho kwenzeka nini!
89.Inkulumo engumsangano kanje ungayibheka kanjani kumuntu ongudokotela kwezenkolo?
90.Ngenxa yalobu buqili abamhlophe abakufundisa abafundisi nezifundiswa ezimnyama, uthola ukuthi onke amaKrestu akazi lutho ngomlando wobuKrestu!
91.NamaKrestu amnyama athi umsunguli wobuKrestu nguJesu! Abezizwe bayakwazi ukuthatha into engekho beyenze ibekhona, ekhona bayenze engekho!
92.UJesu owayeliJuda wahlangana nini namaRoma okuyiwo abhubhisa isizwe sakhe, aze adicilela phansi ithempeli likaJehova?
93.Ukubonisa ukuthi amanye amaKrestu adideke kanjani, athi akhonza uJehova, kodwa balandela imithetho kaConstantine, yena lo ochitha inkolo kaJehova! Ngezenzo bakhonza uBhali, basonta ngeSonto lokudumisa uBhali!
94. Lo Paul abathi balandela ivangeli lakhe, ngokomlando akazi lutho ngobuKrestu.
95.Njengoba noJesu wakhiwa esikhundleni sikaYahusha, noPaul wakhiwa esikhundleni sika Sha’ul!
96.AmaCreeds, la achitha iSabatha, ukusoka neminye imithetho kaNkulunkulu, aphasiswa eminyakeni yo 335 A.D, lingakabi bikho iBhayibheli.
97.UConstantine ukubeke kwacaca ukuthi uyayichitha inkolo yamaHebheru nayo yonke inqubo yawo yokukholwa, kodwa amaKrestu akakwazi lokho, yize kubhalwe ezincwadini zobuKrestu!
98.Uma ubuza kumKrestu ukuthi ukholwa yini, cishe bonke bathi bakholwa kuNkulunkulu onguJehova.
99.Ungasho kanjani ukuthi ukholwa kuJehova, kodwa ngesenzo ube ulawulwa ngu Constantine othi ungawugcini umthetho wenkolo kaMose?
100.Kuyadabukisa ke ukuthola abantu abamnyama basanganiswa ubuKrestu, okuyinkolo eyasungulelwa ukuqeda ngenkolo yaloNkulunkulu amaKrestu athi akholwa nguye, uJehova!
101.Abantu abamnyama kumele bazi ukuthi ubuKrestu inkolo yamaRoma, neyasungulwa ngumbusi wamaRoma uConstantine!
102.Yonke imikhosi kaJehova yachithwa sabe sesilandela imikhosi yezithixo zamaRoma, okhisimuzi; lachithwa iSabatha likaJehova, salandela iSunday worship, okulusuku lwesithixo; esikhundleni sePhasika likaJehova saba nama Easters, okuyimigubho yezithixo zika Constantine!
103.Kusho wona amaCreeds ukuthi asiyeke ukugcina iSabatha likaJehova sikhonze ngeSonto likaBhali.
104.Nempela ke abamnyama benza njengokuyala kuka Constantine!
105.Inkolo kaConstantine isibizwa ngenkolo kaJesu ukuze sisanganiswe ilomkhohlisi wesizwe samaRoma! Shame on us!
106.Kulenkolo yamaRoma uBhali ubizwa ngenkosi, noJesu uyinkosi njengoBhali, ngakho ngokukhonza ngeSonto sikhonza ngosuku lukaBhali! Akusho mina, kepha kusho amaCreeds ka Constantine!
107.Emva kwaJesu nabapostoli, enkolweni yobuKrestu laphela igama likaJehova, njengoba lingekho nje nakuyi New Testamente.
108.Lesi senzo sifakazela uDr Kotze othi abezizwe babemenyanya uJehova, okunguNkulunkulu we-Old Testamente, bemenyanya no Yahusha, okungumprofethi wamaHebheru!
109.Emva kwalokho bantshontsha konke ngempilo kaYashua ongumprofethi wamaJuda, base bethi uJesu okuyisithixo esakhiwe yibo, sekunguye uYahusha! What a blue lie!
110.Alikho iqiniso lokukholwa kuJehova elabuye labakhona emva kokufa kukaYahusha.
111.Kodwa umprofethi owabuye wafundisa ngoJehova uMahomed we-Islam, emva kwakhe kwaba nguMprofethi u-Isaya Shembe wamaNazaretha(Ukuthula kube kuye)!
112.Njengoba sike sasho, namaNazaretha anamuhla ayafana nje namaKrestu, ngamakholwa asezakhele onkulunkulu babo, babakhonza!
113.NgeSabatha bayaye behlabelele bethi: “Bongani uJehova maNazaretha nezizukulwane zenu.”
114.Ekuqedeni kwabo ukufunda lomthandazo kaBabamkhulu ngokudumisa uJehova, lencwadi bayibeke eceleni babuyela ekushumayeleni ngokukhonza izithixo zabo! What a shame!
INkosi ibusise enikuzwile!