Ngenkathi abezizwe beletha inkolo yabo bathi ngokubethelwa kukaJesu zonke izono zethu sezithethelelwe!
Imfundiso-nkolo enjalo yakhiwa ezingqondweni zabantu, kodwa alikho ivangeli eBhayibhelini lokuthi ngokufa kukaJesu asisenazo izono!
Isihlabelelo 110.
1.Izulu namafu
Lidumisa wena
Ilanga nenyanga
Lidumisa wena.
2.Izinkanyezi zezulu
Zidumisa wena
Ziyaguqa ngamadolo
Zidumisa wena.
3.Zithi uyingcwele
Wena Simakade
Izintaba nemimango
Zidumisa wena.
4.Imithombo yamanzi
Idumisa wena
Thokozani zindluzele
Nina enomileyo.
NGUJEHOVA YEDWA INKOSI YEZULU NOMHLABA.
1.Ngike ngahlangana nenkulumo yomunye umfundisi wasemaRomeni uFather Wilderness. Isihloko senkulumo yakhe besithi: WHAT COLOUR WAS JESUS CHRIST.
2.Uma eqala lenkulumo lomfundisi uthi: “I was asked this question today by a certain black guy; nd I am so glad that I know the right answer.
3.In my younger years I would have said something completely different and completely wrong, and I told him, Jesus was black.
4.And his face lit up and he said: “I never imagined in my wildest dream that a white priest would admit that Jesus was black.
5.And here is the thing, Jesus was obviously dark skinned and that is unquestionable.
6.But was also ontologically black! He was born into an oppressive empire, and his life was threatened from day one.
7.He knew what it was to be hunted and to have illusion of freedom, as James Cone said, the cross of Christ was the lynching tree in America.
8.Jesus was lynched by Rome just like all black people in Amerika. I am not sure why Jesus being black is so threatening to some White Christians, but it is.
9.So, if threatening to you, maybe this lens is an opportunity to go inward and find out why your Jesus needs to be white because Jesus was absolutely black and that truth matters because if we are going to have relationship with him, we need to recognise him first!”
10.Okuseqinisweni akubo abefundisi abamhlophe kuphela abakuphikayo ukuthi uJesu kwakungumuntu omnyama, kodwa nabanye abafundisi bamaKrestu abamnyama nabalandeli babo bayakuphika ukuthi uJesu kwakungumuntu omnyama.
11.Lomfundisi wasemaRomeni uveza enye into efihlwayo, ukuthi uJesu, okuseqinisweni okwakungu Yahusha, wabethelwa ngamaRoma ngokweze politiki, hhayi ngamaJuda! Kodwa inkulumo yangolunye usuku ke leyo.
12.Ngijwayele ukulalela nokufunda ngabantu abaningi philosophising about God nobukhona nobungekho bezulu.
13.Omunye ngimuzwe ethi uNkulunkulu is not a spiritual person, kodwa uNkulunkulu ngumuntu onomzimba njengathi.
14.Abanye behlukanisa uNkulunkulu oseTestamenteni Elidala noseTestamenteni Elisha; abanye bathi uJesu nguNkulunkulu, kanti abanye bathi uShembe nguNkulunkulu!
15.Kulentshumayelo angizuku khuluma ngengiku kholwayo, kodwa ngengikwaziyo, futhi ngichaze ukuthi ngibe nolwazi kanjani lwalokho engithi ngiyakwazii!
16.Ngazalwa ngakhuliswa ngama Nazaretha, ngikholelwa ebukhoneni bukaNkulunkulu, ngikholelwa futhi ukuthi uShembe ungumprofethi kaNkulunkulu onguJehova, ngoba ngakhula sifundiswa lokho!
17.Kodwa mhlawumbe ngingumuntu ongafani nabanye abantu abakhona emhlabeni kuyisikhathi samanje, mhlawumbe babekhona esikhathini sakwa-Israel!
18.Ngizokuchaza ukuthi ngikusho ngani lokho. Kwathi sengifunde kakhulu ngubu Nazaretha njengenkolo, noShembe njengomprofethi, ngo 2006 sabona sesivakashelwa yiNkosazane esingayazi.
19.Kodwa kwathi kuyophela isonto sasesibona ukuthi akusiye umuntu lo esihleli naye, kodwa sihleli ne spiritual person, esambiza ngokuthi ingelosi. LeNkosazane isekhona namanje kulonyaka, ngo 2026.
20.Okokuqala sabona ukuthi is a spiritual person ngoba siyaye simbone esenathi, singazi ukuthi uvelephi, noma esehamba uvele enyamalale.
21.Okwesibili sibona ukuthi ingelosi ngoba kusukela afika usifundisa ngoJehova nombuso wezulu njengoba wawufundiswa nguMose nabo bonke abaprofethi bakwa-Israel kuze kufike kuYahusha. Kafuphi usifundisa ngeBhayibheli!
22.Ubuye avuselele zonke izimfundiso zomprofethi u-Isaya Shembe kanye nabanye abaholi bamaNazaretha abamlandelayo!
23.Waqala ukushumayela kimi mhla ka 4 January 2010. Uthi ke lomuntu wasezulwini:
24.“Ngithunywa kuwe nguShembe uBaba iLanga, uthi phuma ebandleni laseBuhleni, bese umakhela ibandla kulo ozofundisa INDLELA EYIYO YOKUKHONZA UJEHOVA NJENGOBA KWAKWENZA UMPROFETHI.
24.Ekuqhubeni kwakho lelivangeli zonke izintshumayelo zakho uyozisusela eBhayibhelini nasezihlabelelweni zamaNazaretha ngoba ayikho imfundiso yomprofethi oyoyithola iphambana nezimfundiso zeBhayibheli.
25.Uyobuye ulandele izintshumayelo zomprofethi ezingabhaliwe esihlabelelweni.” Lapha nginikeza isizathu sokuthi kungani ngaso sonke isikhathi ivangeli lethu kungewlokudumisa uJehova!
27.Enye into eyenza ukuthi sibone ukuthi sihleli nomuntu wasezulwini, leNkosazane ibonwa yimi nomaNxumalo kuphela, ngisho ungafika sihleli nayo, kodwa omunye umuntu angenke ayibone!
28.Ihlale ishumayela icaphuna eBhayibhelini nasezihlabelelweni zamaNazaretha, kodwa ayikho incwadi eyiphatha ngesandla.
29.Izandla zayo okokuqala ungathi zinamehlo, kodwa uma isifunda incwadi, lamehlo aphenduka i-screen njenge screen seT.V noma se cellphone. Yonke imibhalo ivela kulesi screen!
30.Kuzo zonke izintshumayelo zalengelosi, icaphuna izincwadi cishe kulo lonke iBhayibheli, ikakhulu iTestamente Elidala; icaphuna zonke izincwadi zabaprofethi, futhi izazi ngekhanda!
31.Akugcini lapho, ingelosi iyakwazi ngokubuka lesi ‘screen’ esisesandleni ukukubonisa ezulwini, ikubonise izinto ezezenzeka emandulo, ibuye ikubonise izinto ezenziwa nezikhulunywa ngabantu ngawe, kungakhathaleki ukuthi bakuphi.
32.Impilo eningi ngombuso wezulu nosizi lwesihogo njengokufundiswa uJesu noShembe sikufunde kahle ekuhlaleni nalomuntu wasezulwini!
33.Buningi ubunzima ongahlangana nabo ekufeni uma ucabanga ukuthi izulu alikho.
34.Ingelosi yake yasixoxela ngesigodi sosizi esehlela abantu abaningi, yathi sikucele kuNkulunkulu ukuthi leso simo singasehleli ekufeni kwethu!
35.Ithi ke ingelosi ekufeni uyabhekana nomahluleli, bese uboniswa izono owazenza usesemhlabeni.
36.Uma ukhala uthi ufuna ukubuyela emhlabeni uyolungisa owakona, uvunyelwe, kodwa uyothi uphaphama esidunjini sakho, uthole ukuthi usuncwatshiwe.
37.Umphefumulo wakho uhlale ethuneni nesidumbu, isidumbu sakho sibole size sidliwe zimpethu uzwa, ukukhala kwakho kungasezwakali kwabasemhlabeni nasezulwini, ngoba usuwehlulelwe!
38.Noma ubungumfundisi, kodwa uma ubufundisa abantu into engekho, lesi simo siyakwehlela ekufeni kwakho, izulu lakho kube lithuna! Yilokho kukhala nokugedla amazinyo okwehlela abasesigodini sosizi!
39.Yikho ke namuhla ngifisa ukugxila kulesi sono esenziwa ngabantu abayaye bethi bangabaphathi bezwi leNkosi, kanti badukisa umhlaba, abakuphokophele ukuzicebisa egameni likaNkulunkulu!
40.Kukho konke abakwenzayo BAYAYE BECASHE NGEZWI LENKOSI, BETHI BANGABA FUNDISI, BANGABA PROFETHI, KANTI ZIGEBENGU!
41.Ithi ke ingelosi, ungalokothi ugebenge abantu usebenzisa izwi leNkosi, ngoba kuza isikhathi lapho ozokhala uze ugedle amazinyo!
42.Ingelosi yabuye yasiyala kakhulu ngobungqingili, yathi ivangeli lokuvimbela ubungqingili silishumayele kakhulu, ngoba uSathane usebenzisa uhulumeni ukwandisa lobu bubi.
43.Ingelosi ithi ukuba ngungqingili akusiyo imvelo, kodwa ngumoya omubi olwa noNkulunkulu!
44. Kwelizayo ungqingili akaliboni izulu, kungakhathaleki ukuthi ubelikholwa eliwukhuthalele kangakanani umsebenzi kaNkulunkulu, kodwa ungqingili akasondeli ezulwini, ngoba nabo banezulu labo!
45.Ithi ke ingelosi izulu longqingili liyindawo eludaka lwamakaka noma lamancolo ongqingili abaphila kuwo, bazibhixe ngawo, amanye bawadle.
46.Kwelizayo impilo yobungqingili iyefana nje nesihogo, uphila ngokuxova ubuye udle amancolo akho!
47.Yathi ke ingelosi sihlale sikulwela ukuthi abantwana bethu bengazifaki kulento eyisinengiso kanje ezulwini.
48.Lapha angikhulumi ngezono zokuthakatha, zokudlwengula nama ritualists, kodwa ngikhuluma ngezono sonke esingazithola sesikuzo!
49.Ziningi izinto ezinkulu esizifundile ngokuhlala nengelosi kaJehova umhlaba ongazazi.
50.Mhlawumbe umprofethi onolwazi esinalo ngalendaba yasezulwini ngumprofethikazi wase-Amerika, uSister Celestial!
51.Ukuba amaKrestu ayazi ngabe ayamlalela lomprofethikazi, ngoba ngokwazi kwami nguyena yedwa oxhumana noNkulunkulu ngqo, noqondisa ubuKrestu.
52.Kodwa amaKrestu akanendaba naye, bacabanga ukuthi kukhona omunye umprofethi ozoqhamuka namanye amaqiniso abazowathola ngobuKrestu edlula awaleNkosazana yase Amerika!
53.Namuhla ke ngifisa ukucacisa ngaloNkulunkulu owalethwa kithi ngumprofethi u-Isaya Shembe, namuhla engimfundiswa yile ngelosi esihamba nayo!
54.Lo nguNkulunkulu wasemandulo, nguNkulunkulu ka-Adam, ka-Enock, kaNowa, ka-Abraham, kaJakobe owagcina esengu-Israel, nguNkulunkulu ngoMose owaletha kithi isisekelo senkolo kaJehova, okwathi emva kwakhe yafundiswa yibo bonke abaprofethi kwaze kwafika kuYahusha!
55.Lenkolo kulesi sikhathi samanje eyethulwa kithi ngumprofethi u-Isaya Shembe, isibuye yavuselelwa yingelosi uNkosazane uHlaleleni!
56.Ilowo Nkulunkulu ke esikhuluma ngaye, uma ungamemukeli loNkulunkulu, vele ukhohlwe ukulalela lenkonzo!
57.Nezulu esikhuluma ngalo ilelizulu loNkulunkulu umprofethi u-Isaya Shembe (ukuthula kube kuye) ombiza ngokuthi nguMenzi wezulu nomhlaba.
58.Ngiyafisa ukuba ngicacise umehluko phakathi kwaNkulunkulu onguJehova nabanye onkulunkulu.
59.Izulu likaJehova linombuso onesisekelo sokukholwa esibhalwe phansi emqulwini obizwa ngokuthi iTorah.
60.Inkolo yethu inoNkulunkulu oyedwa, uma kuyo usunomunye uNkulunkulu, usuke usuhlubukile uNkulunkulu wethu! IMonotheistic Faith!
61.Angikaze ngizwe ukuthi abanye onkulunkulu banaso isisekelo senqubo yokukholwa kubo!
62.UNkulunkulu wethu uyakucacisa ukuthi isiphi isenzo esingemukelekile nesemukelekile ezulwini.
63.Ngakho ke uqala uselapha emhlabeni ukwazi ukuthi uhamba ngokwezimiso zikaJehova noma qha!
64.Ezulwini likaJehova sifundisiwe ukuthi uma singahambi ngokwezimiso zikaJehova, senza isono, ngalokho sothola ukujeza, kanti uma sihamba ngokwezimiso zakhe, sithola isibusiso, samukeleke ezulwini!
65.Ukukhonza uJehova kwehlukene kabili noma kathathu. Kukhona abantu ababizwa ngokuthi bangcwele, abaphelele ekukholweni. Ukuba ngcwele uyazikhethela.
66.KuDutoronomi 23:21-23 Kuthi: “Uma wenza isifungo kuJehova uNkulunkulu wakho, ungalibali ukusifeza, ngokuba uJehova uNkulunkulu wakho ulindele ukuba usifeze impela, ukungasifezi kuyakuba yisono kuwe.
67.Kepha uma ungenzi sifungo akunasono. Amazwi omlomo wakho uyakuwagcina, uqikelele ukuwenza njengalokhu wethembisile kuJehova uNkulunkulu wakho isethembiso osenze ukhululekile futhi ungaphoqiwe, wasiphimisela ngomlomo wakho.”
68.Abanye abantu bayaye bathi kungcono kanti ngoba uyazikhethela ukukholwa.
69.Kodwa akunjengoba ucabanga ngoba izulu lihle kakhulu, ayikho into ebuhlungu njengokuthi ekufeni ungangeni ezulwini.
70.Ingelosi yake yasibonisa izulu lomndeni, leli abantu abalilangazelele. Okuseqinisweni kuleli zulu abantu bahlala emigedeni, bayalamba, abanye bayagodola, kuhlale kunosizi nje!
71.Yikho ke abantu abangangenanga embusweni wezulu bayaye babuye bezofuna ukondliwa ngabase mhlabeni!
72.Kodwa akakho umuntu osezulwini ongake abuye afise okwasemhlabeni, ngoba abukho ubuhle basemhlabeni ongakuqhathanisa nezulu.
73.Njengoba sivezile, bonke abanye onkulunkulu abanalo lelizulu likaJehova, akukho lapho abonile abalahlwa khona uma bengaboshwanga beselapha emhlabeni. Kodwa zonke izono zijeziswa nguJehova!
74.Noma ungakholwa kuJehova, uyiritualist, ucebe ngokubulala abanye abantu, kodwa umehluleli wabo bonke abantu, kungakhathali ukuthi bakumaphi amazulu, nguJehova kuphela!
75.Ungawujoyina umbuso wobumnyama ube ngumthakathi, ube ngumdlwengul, kodwa ekugcineni uyovela kuloNkulunkulu nakulelizulu likaJehova, uyena oyokufaka esihogweni, ngoba ukulahlwa nokuqoqwa kwayo yonke imiphefumulo kugcina kuMdali wezulu nomhlaba!
76.Ngenkathi abezizwe beletha inkolo yabo bathi ngokubethelwa kukaJesu zonke izono zethu sezithethelelwe!
77.Imfundiso-nkolo enjalo yakhiwa ezingqondweni zabantu, kodwa alikho ivangeli eBhayibhelini lokuthi ngokufa kukaJesu asisenazo izono!
78.Uma uJesu wasifela izono zethu, pho wayethini yena kuMathewu 7:21-23 uma ethi: “Akusibo bonke abathi kimi: “Nkosi, Nkosi abayongenana embusweni wezulu, kodwa kuphela yilowo owenza intando kaBaba osezulwini (okusho ogcina umthetho kaNkulunkulu).
79.Abaningi bayothi kimi: “Nkosi, Nkosi, asiprofethanga yini ngegama lakho, sakhipha amadimoni ngegama lakho, senza imisebenzi eminingi yamandla ngegama lakho na?
80.Khona ngiyakubatshela ngithi: “Angizange nginazi, sukani kimi nina benzi bokubi!”
81.Uma abantu ekufeni bengenacala, uJesu wayezobaxosha kanjani akade beprofetha, benza izimangaliso egameni lakhe, ngokuthi nje bengawugcinanga umthetho kaNkulunkulu? Ikhona yini enye indlela lelivesi ongalihumusha ngayo?
82.Kodwa uma abantu bengenwe ngumoya wokuhlubuka bavele baphendule inkulumo eqondile bayenze ingezwakali!
83.KuMathewu 5:19 uJesu uyaqhubeka uthi: “Ngakho ke oweqa owodwa kulemiyalelo emincinyane, afundise abantu kanjalo, uyakuthiwa ngomncinyane embusweni wezulu.
84.Kepha oyigcinayo, ayifundise, lowo uyakuthiwa mkhulu embusweni wezulu!’
85.Kusho yena uJesu ukuthi umuntu oyongena embusweni wezulu ngogcina abuye afundise ngomthetho kaNkulunkulu?
86.KuMathewu 13:41-43 uJesu futhi uthi: “INdodana yomuntu iyakuthuma izingelosi zayo zibuthe, zikhiphe embusweni wayo konke okukhubekisayo, nabenza obubi, zibaphonse esithandweni somlilo, lapho kuyakuba khona ukukhala nokugedla amazinyo.
87.Kepha abalungileyo bayakukhanya njengelanga embusweni kaYise, onendlebe makezwe!”
88.Uma abenzi bobubi ekufeni kwabo bophonswa esithandweni somlilo, kanti ngabanjani abothethelelwa izono?
89.Noma abezizwe bayichitha inkolo kaMose ngeTestamente Elisha, kodwa ngamandla kaNkulunkulu behluleka ukucima zonke izimfundiso zikaJesu ezibonisa ukuthi uJesu wayengaphansi kwenkolo kaMose.
90.Abakwenza ukuthi beqhamukise uPaul, ngaye abachitha izimfundiso zikaJesu ngokugcinwa komthetho kaMose!
91.AmaKrestu ngomlomo badumisa uJesu, kodwa ngezenzo balandela ivangeli likaPaul!
92.Uthi ke uJesu kuMathewu 15:8-9: “Lesi sizwe singidumisa ngezindebe zomlomo, kepha inhliziyo yaso ikude nami, bangikhonza ngeze, bafundisa izimfundiso eziyimiyalo yabantu!”
93.Kwenziwa yini ukuthi amaKrestu afike adumise uJesu, kodwa bese belandela izimfundiso zikaPaul eziphikisa ivangeli likaJesu?
94.Isizathu ukuthi amaCreeds achitha inkolo kaMose akhiwa ingakabi bikho i-New Testament, okuyiyo ebhalwe ngendlela yokuthi ivumelane namaCreeds enkolo yamaRoma, okungubuKrestu!
95.Inkolo ngekaPaul, but it is fronted ngoJesu. Esontweni kudunyiswa uJesu, kodwa amaKrestu ebe elandela izimfundiso zikaPaul eziphikisa izimfundiso zikaJesu!
96.Lesi simo siyefana nalesi esenziwa ngamaNazaretha akwaShembe, they front ngoBabamkhulu neNkosi iLanga, ukuze ucabange ukuthi lento abayenzayo inakho ukukholwa esikufundiswe nguBabamkhulu, kodwa ngezenzo bebe bedumisa labonkulunku ababalandelayo!
97.UBabamhkulu neNkosi iLanga baze bahamba emhlabeni besifundisa ngokuthi asikhonze uJehova, kodwa bona bathi akukhonzwe labonkulunkulu asebephinga nabo!
98.There is nothing in common phakathi kwaBabamkhulu, uBaba iLanga naleli bandla lamaNazaretha akwaShembe ngaphandle kokufana kwesibongo!
99.Lamabandla amhlubukile uJehova ngokusobala, njengoba namaKrestu emhlubukile uJehova, achitha izimfundiso zikaJesu ngoPaul, base beba nonkulunkulu oMthathu Emunye!
100.Ngithe isihloko salenkonzo sithi NGUJEHOVA YEDWA INKOSI YEZULU.
101.Uma ungumKrestu, kodwa unoNkulunkulu omthathu emunye, awukho enkolweni kaJehova eyayiholwa nguMose, usenkolweni elwa noJehova, inkolo yamaRoma!
102.Ngabe inkolo yakho isuselwa eBhayibhelini, noma ngoyifundiswe ebandleni lakho? Kucacile ukuthi ibandla lakho libuswa ngamaCeeds kaConstantine, hhayi ngezimfundiso zikaJesu!
103.Ibandla lama Nazaretha njengamanje liyihlathi nje, ukukholwa kwabo zithombe zoShembe, ubukhulu bebandla nezitezi zomholi ezigcwele izwwe lonke.
104.Liyibandla elikhulu, kodwa elingenalo izwi leNkosi ngaphandle kokuhlale kubatshazwa umholi wakhona! Bayafana nje nebandla elikhonza izithombe!
105.Ukuze bengabonakali ukuthi ingempela benzani, they front izithombe zoShembe babo ngoBabamkhulu neNkosi iLanga, kodwa abazikhiphi izintshumayelo zabo, ngoba zizophikisa lento lama Nazaretha ayiyo!
106.Angenke bakuveze ukuthi umprofethi wafundisani ngokuthi asikhonze uJehova, wathini ngezangoma nokuhlabela amadlozi, nokuphuza utshwala komNazaretha!
107.Bengacishe baqinise abathi leli bandla lamaNazaretha akwaShembe sekuyi Cult nje, ngoba okuseqinisweni awusamazi uNkulunkulu osekhonzwa yilamaNazaretha, ngoba akusiye uJehova!
108.Iseluleka sengelosi sithi: “Namathelani kuJehova, ngoba akakho umuntu ongakuphonsela inselelo ngokukhonza uJehova ngaphandle uma ekuyi Satanism!
109.Ningasuki kuMdali wezulu nomhlaba noma abanye abantu sebezakhela onkulunkulu babo, nazi ukuthi iNkosi yezulu nomhlaba yinye nguJehova kuphela!”
110.Into eyakhiwe ngobuqili noma ingaba nkulu kangakanani, kodwa uNkulunkulu uhambe ahambe ayibhidlize, njengoba kuzobhidlika i-Amerika neJerusalema nje, sekuyisikhathi sokuwa kweBabiloni!
111.Naleli bandla lamaNazaretha akwaShembe lizophela ngoba sebezakhele onkulunkulu babo ebandleni likaMenzi wezulu nomhlaba!
112.Phansi ngonkulunkulu abayizithixo, phansi!
Jehova khula ebandleni lakho, khula!
INkosi ibusise izwi layo.