Encwadini ebhalwe ngu-Arthur Koestler, oliJuda, esihloko sithi: THE THIRTEENTH TRIBE, lombhali uyachaza ukuthi ama-Askenaz Jews akasiyo inzalo ka-Israel oseBhayibhelini, kodwa azalwa ngama Khazars okungumbuso owawuphakathi kwe Black Sea ne Caspian Sea e-Eastern Europe.
Isihlabelelo 181.
1.Phakama kuPhakama
Ngegama leNkosi
Zivuse zonke izizwe,
Izizwe zakithi.
Zisese’buthongweni
Ngegama leNkosi
Zivu’kele kuwe
WeKuphakama.
2.Sino’sizi
Ngesizwe sakithi
Siha’wukele Nkosi
Sizi’ntandane
Asi’namkhululi
Ngaphandle kwakho
Ong’asikhulula
Ekuboshweni.
3.Usidele ngani
Nkosi kangaka
Buyela kithi
Usithethelele.
Obaba bethu
Bona abasekho
Sithwele-ke thina
Izono zabo.
4.Shaya Nkosi uphozise
Wena sonile
Siyavuma
Ebusweni bakho
Singakabaka bani
Uma silahlwa nguwe
Buyela kithi
Nkosi yoxolo.
SIYISIWE ESISEBUMNYAMENI NGOMLANDO WETHU.
1.Lesi sihlabelelo singumthandazo kaShembe ebalisa ngesenzo sethu sokuhlubuka uJehova.
2.Ngalesi senzo uJehova wasehlisela iziqalekiso njengoba zibhaliwe kuDutoronomi 28 nezadala ukuthi uJehova asidele, sase siba zigqila zezinye izizwe!
3.Ngalomthandazo uBabamkhulu uyanxusa kuJehova ukuba asithethelele lezo zono zethu nezokhokho bethu abazenza kusukela sisekwa-Israel.
4.Ngaphambili ngangingakaze ngizihluphe ngokucwaninga ngomlando wethu njengesizwe esimnyama.
5.Kodwa kwathi mhla ingelosi ingitshela ukuthi yithina amaJuda, lokhu kwangihlupha kakhulu, ngagcina sengithathe isinqumo sokuthi lomlando angizifunele ngokwami!
6.Engikutholile ukuthi kungakathaleki ukuthi abantu abamnyama bafunde kangakanani, kodwa ngaphandle kolwazi abaluthole kuyizitha zabo, abanalwazi ngemvelaphi yabo!
7.Kulentshumayelo ngizogxila kumlando wethu ngokobuzwe nezenkolo, ikakhulukazi lapha eMzansi ne-Afrika.
8.Umlando-ke yinto ehlale inokuphikisana, nalapha-ke ngicela labo abawuphikisayo lomlando, bachaze kabanzi ukuthi siphikisana kuphi.
9.Njengoba ngihlale ngichaza, lolulwazi ngiluthathele emibhalweni eminingi yoProfesa noDokotela bezomlando nabezenkolo.
10.Ngakho-ke kubalulekile ukuthi nawe uma uphika, ukwenze lokho ngokolwazi olwakheke ocwaningweni, ungalandeli imizwa ngokwezinhloso zakho!
11.Thina sizwe esimnyama esise Mzansi ne-Afrika abezizwe abasibiza ngokuthi singama Bantu, siyinzalo kaJakobe obizwa ngokuthi ngu-Israel, ngakho-ke yithina isizwe sikaJehova.
12.Ukuhlakazeka kombuso wakwa-Israel kwenzeka emva kokubusa kwenkosi uSolomon eminyakeni yo 1450 B.C.
13.Lombuso wehlukana kabili, kwaba ngumbuso wakwa-Israel onezizwe ezilishumi, bese kuba ngumbuso wakwaJuda onezizwe ezimbili.
14.Umbuso wakwa-Israel yiwona owaqala ukuhlubuka uJehova ngezindlela eziningi.
15.UNkulunkulu ku Dutoronomi 28 wayeshilo ngaphambili ukuthi uma isizwe sakwa-Israel simhlubuka, uyosuka kuso, bese sinqotshwa yizo zonke izizwe, zigcine ngokubathumba zibasuse ezweni labo.
16.Nempela ubukhosi bakwa-Israel bamhlubuka uJehova, kwagcina ngokunqotshwa ngabezizwe, zase zibathumba ezweni labo zibasa emazweni azo!
17.Emva kwalokho ama-Israel ahlakazeka, baphela ubukhosi nenkolo kaJehova eyayibizwa ngokuthi iMosaic faith!
18.Ubukhosi bakwaJuda yibo bodwa abasimama iminyaka engu 150 ubkhosi bakwa-Israel sebaphela.
19.Yikho-ke ekugcineni sizithola sesikhuluma ngamaJuda, ngoba lo kwakungumbuso wakwaJuda okuyiwo owasala usuphelile umbuso wakwa-Israel.
20.UYeshua wazalelwa embusweni wamaJuda, kodwa nawo wabe usuyi Colony yamaRoma, njengoba nathi lapha KwaZulu sibe iiColony yamangisi iminyaka eminingi. Bekuthi silapha eNatal kodwa sibe siphethwe e-England!
21.Kodwa ngo 70 A.D kwaba nempi phakathi kwamaRoma namaJuda, njengoba nathi saba nempi namaNgisi empini yaseSandlwana.
22.AmaJuda agcina ngokunqotshwa, emva kwalokho ke amaRoma ayesechitha okokugcina inkolo yamaHebheru, i-Mosaic Faith, okwakuyinkolo kaMose ekhonza uJehova.
23.Ekunqottshweni ngamaRoma, amaJuda abalekela kuyi Sothern Afrika, ngoba ngaleso sikhathi iMiddle East esibizwa ngePalestine kwakuseyilizwe elilodwa ne Afrika, ibizwa ngokuth yi North East Afrika.
24.Abakwa-Israel ababethunjwe ngaphambili, abanye babe sebanzinze kwamanye amazwe ase-Afrika njengaseTopiya.
25.Abantwana bakwa-Israel ababethunjwe eminyakeni engu 150 edlule, babengazi lutho ngoYeshua, ngoba uYeshua wazalwa embusweni wamaJuda, kodwa bonke babemunye ngobuzwe nangenkolo kaMose, okuyi Mosaic Faith!
26.Ku Mathewu 10:5-6 mhla uYeshua ethuma abafundi bakhe simuzwa ethi! “Ningayi kwabezizwe, ningayi nasemzini yamaSamariya, kodwa YANINI EVIMVINI EZILAHLEKILEYO ZENDLU KA-ISRAEL.”
27.Kanjalo nakuMathewu 15:24, kuthi: “Kepha uJesu waphendula wathi: “Angithunyelwa kwabanye, kodwa kuphela eimvini ezilahlekile zendlu yakwa-Israel.”
28.Sekukaningi sichaza ukuthi uyaye uthi ulandela inkolo yobuKrestu uthole ukuthi ifundisa okuphambene nokwakufundiswa nguYeshua!
29.AmaKrestu ayaye afundise ukuthi uYeshua wathunyelwa nguNkulunkulu ukuba abe ngumhlatshelo wokuhlanza izono zabantu bonke, okungasahambisani namazwi kaYeshua akulezi zincwadi esizicaphunile! UYeshua uthi uJehova wamthuma ukuzoqoqa abantwana baka-Israel kuphela!
30.Ngakho-ke kuyacaca ukuthi imfundiso kaYeshua iyaphikisana nezimfundiso sobuKrestu ngokuza kukaYeshua emhlabeni!
31.Ngeshwa amaKrestu esizwe esimnyama akaboni ukuthi kungani abezizwe befundise ngezinto eziningi ezisusa amakholwa ezimfundisweni zikaYeshua nezabafundi bakhe!
32.UYeshua wabe engaphansi kweMosaic Faith, kanjalo nabafundi bakhe.
33.Ngakho-ke kwabaluleka ukuthi zishawe indiva zonke izimfundiso zikaYeshua nezabafundi bakhe, bese kulandelwa izimfundisa zikaPaul owabe akhiwe yibo, ngoba vele ubuKrestu base buyichithile iMosaic Faith!
34.Isizwe esimnyama ke naso siyaye sithi sikholwa kuJesu noma kuYeshua, kodwa uma abezizwe bezichitha izimfundiso zikaYeshua, bezakhela eyabo inkolo!
35.Nathi-ke, sesizichithile izimfundiso zika Yeshua, bese silandela izimfundiso zabezizwe, kungakhathaleki ukuthi ziphambene kangakanani nomthetho kaJehova oseBhayibhelini!
36.Ngaphambili sakuveza ukuthi kulempi ka 70 A.D amaRoma abulala amaJuda acishe abe yisigidi, amanye abaleka abheka e-Afrika aze ayozinza e West Afrika.
37.Ngake ngachaza ukuthi ngathola imephu yase West Afrika eyenziwa eminyakeni yo 1700 A.D. Kulemephu kunendawo enkululu ebizwa ngokuthi iNegroland.
38.Lapha eNegroland kunezindawo okuthiwa iKingdom of Judah, nezinye zo Naftali kanye nenye inzalo kaIsrael.
38.Zimbili izinto esaziqaphelisisa kule map. Okokuqala ukuthi njengoba inzalo kaJakobe yabe ise Palestine, manje isiqhamukaphi e West Afrika, ikakhulukazi iKingdom of Judah ivelaphi eWest Afrika?
39.Okwesibili, njengoba kuyacaca ukuthi laba kwakuyinzalo kaJakobe, esifundiswe ukuthi yisizwe esimhlophe, pho baba ngamaNegro kanjani, ngoba igama elithi Negro lisho into emnyama?
40.Kodwa kwathi uma ngiqhubeka nocwaningo, ngathola ukuthi lana ngamaNegro ayebaleke ePalestine ngesikhathi benqotshwa ngamaRoma ngo 70 A.D.
41.Okunye okwacaca ukuthi lapha eWest Afrika kwasekukhona nama-Israel ayeduke kudala, ngoba kwakukhona nezindawo zenzalo kaNaftali. Zonke lezi zizwe zakwa-Israel zasezibizwa ngamaNegro!
42.Sabuya sathola ukuthi akugcinanga lapho, kodwa amanye amaJuda awela ugwadule aze azofika eSouth Afrika. Laba abezizwe bawabiza ngokuthi ngamaBantu!
43.Ocwaningweni lwethu sathola ukuthi amaNegro namaBantu isizwe esisodwa esivela kwa-Israel, kodwa ngoba basebeyizigqila, abezizwe base bebabiza ngamagama aqanjwe yibo!
44.Umprofethi-ke kumaHubo 83:3-4 uthi: “Ngobuqili benza uzungu ngabantu bakho, baceba ukulwa nabafihliweyo bakho, bathi: “wozani sibaqothule, bengabe besaba yisizwe, negama lika-Israel lingabe lisakhunjulwa.”
45.Nempela-ke kusukela sehlulwa ngo 70 A.D, abezizwe basihlakaza, asabe sisaba yisizwe esisodwa sakwa-Israel, sonke asabe sisakwazi ukuthi siyinzalo ka-Israel, njengoba namanje abanye bekuphika lokho!
46.Abantu abaningi abamnyama baphika ngisho sekunobufakazi be DNA ukuthi amaNegro nama Bantu yinzalo ka-Israel!
47.Kwaba nabamhlophe ababephika ukuthi siyinzalo ka-Israel, kodwa iDNA enziwa yibo kumaLemba, ngoba bengakholwa ukuthi amaLemba ngama-Israel, bachithwa yiDNA!
48.Emva kwalokho base benza iDNA yamaNegro namaBantu, nalawo maDNA afika avuna thina!
49.Esinye isizwe esikwazi ukulandela umlando waso kuze kufike kwa-Israel ngama Beta Israel aseTopiya.
50.Umlando waseTopiya nakwa-Israel uqondile ngoba iNdlovukazi yaseTopiya yathandana nenkosi uSolomoni baze bathola umfana owedwa, naye owaba yinkosi eTopiya!
51.Lobo ubufakazi obuqanda ikhanda ukuthi ama-Israel kwakungabantu abamnyama, ngoba inkosi uHaile SeLase uyisizukulwane senkosi uSolomon!
52.Namanje amaBeta Israel asebenzisa iTorah njengencwadi yabo yokukholwa. Bangaphansi kweMosaic Faith ngokuphelele!
53.Nalapha eSouth Afrika kunobufakazi obucacile ukuthi thina siyisizukulwane sakwa-Israel, nokuthi iziqalekiso eziku Dutoronomi 28 uJehova wabe ezibhekise kithi!
54.Kungani kubalulekile ukuthi bonke abantu abamnyama bewazi lomlando? Uma ungayazi imvelo yakho, ayikho into yakho ekuhambela kahle!
55.Ungabona zonke izinto zakho zingaqondi, kanti uthwele isiqalekiso sabazali bakho ongasazi. Ungazi ukuthi siqalekiso sabazali bakho sehlela kuwe!
56.Into yokuqala ukuba uqonde ngabazali bakho. Uma usubatholile, bese ubheka noma banesibusiso, noma banesiqalekiso. Uma benesiqalekiso, ufune ukuthi ungasisusa kanjani.
57.Thina nzalo ka-Israel sinesiqalekiso, futhi lesi siqalekiso sasithola kuNkulunkulu.
58.Uma lesi siqalekiso singakasuki kithi, akukho okuzosilungela, sizolokhu siziqhili zezinye izizwe!
59.Kodwa namuhla ngifisa ukucacisa ngomlando wamaJuda amhlophe osekuyiwo aseJerusalema, kwaIsrael.
60.Okokuqala angisho ukuthi ayikho into engamaJuda amhlophe namaJuda amnyama, ngoba amaJuda kwakuyinzalo yamadodana alishumi nambili ka-Israel, babeyisizwe esisodwa, bengamaHebheru!
61.Eminyakani yo 7 century ezweni elalibizwa ngokuthi iKhazaria, eliphakathi kwe Black Sea ne Caspian Sea ku-Eastern Europe, kwakunesizwe esibizwa ngokuthi amaKhazars, inkosi yabo kunguBulan, kuyi Bulan Empire.
62.Leli lizwe alisekho kuyimap, njengoba izindawo eziningi zahamba zahamba zabe sezithola amagama amasha.
63.Lesi sizwe sasingabaHedeni, kodwa inkosi uBulan wabe esefuna ukuba isizwe sakhe sikholwe, kodwa kwatholakala ukuthi izinkolo ezimbili okungamaKrestu nama Moslems, ziyalwa.
64.UBulan wabe esebona ukuthi uma ethatha ubuKrestu uzohlaselwa ngamaMoslems, kanjalo uma ethatha ubu-Islam uzohlaselwa ngamaKrestu. Wabe esefuna inkolo engazukumfaka ezinkingeni.
65.UBulan wamema amaJuda aseBabylon ukuba ezomchazela ngenkolo yabo ebizwa ngokuthi iTalmudism esondelene nenkolo kaMose, kodwa eyagcina isibizwa ngeJudasm.
66.Okubalulekile ukuthi namanje amaJuda amhlophe incwadi yabo engcwele iTalmud, hhayi leTorah eyayisetshenziswa ngabantwana bakwa-Israel.
67.ORabi baseBabylon bayifundisa iTalmudism kumaKhazars okwagcina le kuyinkolo yabo.
68.Noma ngenqubo iTalmud ingabukeka ifana neTorah, kodwa akuseyiyo iTorah, okuyincwadi kaMose!
69.Ngalokhu ngicacisela laba okuyaye kuthi uma kukhulunywa ngamaJuda akwa-Israel bese becabanga ukuthi yilamaJuda ngobuzwe ayisizukulwane sikaJakobe!
70.Ngokwenkolo kungashiwo ukuthi lamaJuda angaphansi kwe Mosaic Faith, kodwa ngokobuzwe abasiwo ama-Israel! Ama-Israel kwakuyisizwe esimnyama!
71.Sengibuyela-ke endabeni yokuhlala kwama Khazars ePalestine.
72.Ngaphambili izwe lasePalestine uNkulunkulu walethembisa u-Abraham. Ngaleso sikhathi lalibizwa ngokuthi iKhenani.
73.Ngenkathi abantwana bakwa-Israel belandwa nguNkulunkulu eGibhithe, ehamba nabo iminyaka engamashumi amane, wayebasa kulelizwe! I-Jerusalema ekulo!
74.Njengoba sesichazile, ekunqotshweni kwamaJuda ngo 70 A.D, bayishiya iPalestine, babalekela e-Afrika!
75.Ngenkathi ama-Israel esethunjwa yizizwe eziningi zase-Europe, babeba thumba bese-West Afrika!
76.IPalestine yaqala yadliwa iRoman Empire. Kodwa ekuweni kwe Roman Empire, lelizwe laphathwa yizizwe eziningi ngezikhathi ezahlukene.
77.Ekugcineni lelizwe laphathwa yisizwe lama-Arab, nawo agcina ngokuhlaselwa, anqotshwa ngamaNgisi. Leli lizwe lase liphathwa e-England.
78.Ekupheleni kwe Halocaust, okwakuyimpi eyabulala kakhulu lamaJuda ngokwenkolo, abezizwe bavumelana ne-England ukuthi lelizwe ledluliselwe kulamaJuda!
79.Ukufika kwamaKhazars ePalestine kuyafana nokufika kwamaBhunu eSouth Afrika.
80.Esese Afrika amaBhunu,
okwakungamaDutch, abe esezibiza ngokuthi angama-Africans, noma Afrikaners, baba nolimi okuthiwa yi-Afrikaans, laba yi-official language okumele ifundwe yithi sonke.
81.Kwathi thina esingama-Africans ngempela, kwathiwa singamaNatives, kwagcinwa kuthiwa singamaBantu. Ukuthi singama-Africans ulimi oluqale sesikhululekile!
82.Kanjalo-ke nasePalestine, kwathi uma lesi sizwe esimhlophe sinikwa ngezinye izizwe ezimhlophe lelizwe, base bethi yibo amaJuda ayinzalo ka-Israel asuka eGibhithe behamba noJehova!
83.Njengokujwayelekile, basephuca umlando wethu! Namuhla akuseyithi esasihamba noJehova sisuka eGibhithe!
84.Lokhu babekwenzela ukuba kuthathwe ngokuthi leli yizwe labo, kodwa okuseqinisweni babeqhwaga izwe lethu esalinikwa nguJehova ngesihle!
85.UBulan wayecele lamaJuda aseBhabhilona ukuba afundise amaKhazarians isiHebheru, okwathi emva kwesikhathi uma sebefika ePalestine isiHebheru basihlanganisa nolimi lwabo, okuyisi Yaddish, sebethi ulimi lwabo isiHebheru!
87.Kafuphi, yilendlela ke ama -Askenaz Jews aqhwanga ngayo izwe, inkolo kanye nobuzwe bethu! Nalama-Arab akusilo izwe lawo leli. Kodwa lokho sokuchaza ngokuzayo!
88.Kuyi Sambulo 3:9 uYeshua wayeshilo ukuthi kuyoba khona isizwe esiyozenza amaJuda singasiwo. Nanka amazwi kaYeshua:
89.“Lalela-ke, ngiyakubakhipha esinagogeni likaSathane labo abazishaya amaJuda bengesibo,kodwa beqamba amanga.
90.Ngiyakubenza ukuba bakhuleke phambi kwezinyawo zakho, bazi ukuthi ngikuthandile!”
91.Okubuhlungu ukuthi sekungamaKrestu amnyama asemukele lesi sizwe esaphikwa nguJesu ukuthi singamaJuda!
92.Ilishwa lethu ke lelo, ukuthi samukele njengeqiniso noma yini esiyifunzwa ngabamhlophe, ngaphandle kokuthi esikutshelwayo sibe nesiqiniseko sakho!
93.Kunobufakaza obanele kumlando obhalwe yiwo amaJuda ukuthi bona abasiyo inzalo ka-Israel
94.Encwadini ebhalwe ngu-Arthur Koestler, oliJuda, esihloko sithi: THE THIRTEENTH TRIBE, lombhali uyachaza ukuthi ama-Askenaz Jews akasiyo inzalo ka-Israel oseBhayibhelini, kodwa azalwa ngama Khazars okungumbuso owawuphakathi kwe Black Sea ne Caspian Sea e-Eastern Europe.
95,Encwadini ka Prof. Shlomo Sand, ethi THE INVETION OF THE JEWISH PEOPLE, naye oliJuda, uthi lelilumbo lamaJuda amhlophe alisuselwa eBhayibhelini, kodwa lisuselwa eminyakeni yo 19th century.
96.Ngakho-ke ayikho into ehlanganisa lamaJuda namaJuda aseBhayibhelini okwakungabantu abamnyama! Okuyikho ukuthi bona bemukela inkolo yamaJuda.
97.Uthi uProf. Sand, kwasayena njengoba ebizwa ngeJuda nje, wazalelwa eLinz e-Austria, ezalwa ngabazali ababesinde kuyi Haulicaust, ababedabuke ePoland, khona e-Europe.
98.LomJuda ukubeka ngokusobala ukuthi nesiHebheru akusilona ulimi lwase-Europe, kodwa basifundiswa nje ngoba sebekwa-Israel.
99.Kuyadabukisa-ke ukuthi ngokungazi, iningi labantu bakithi, ngoba ngokungazi bavele bavune laba babulali abaseJerusalema, ngoba becabanga ukuthi bahlangene nabantwana bakwa-Israel!
100.Angazi ukuthi thina sizwe esimnyama sohlakanipha uma kwenze njani, ngoba kuba zifundiswa zakithi ezidukisa isizwe!
101.Ngike ngezwa uRev. Meshoe we-ACDP, evuna ama-Israel ukuhlasela ebulale amaPalestines ngoba ethatha ngokuthi lamaJuda yiwo la aseBhayibhelini.
102.Umuntu onguSopolitiki, kodwa akazi ukuthi amaJuda kwakungabantu abamnyama!
103.Kodwa ukuba amaKrestu ayanaka, ngabe ayazi ukuthi amaJuda akwa-Israel akahlanganise lutho nenkolo yobuKrestu.
104.Okuseqinisweni ubuKrestu bayichitha inkolo kaJehova, le amaKrestu angaphansi kwayo ngomlomo!
105.Ngonyaka odlule, u2023, kwa-Israel kwashawa umthetho ochitha inkolo yobuKrestu. Uma ukwa-Israel utholakala ushumayela ngobuKrestu noJesu, uyaboshwa. Namanje lowo mthetho umile!
106.Manje ungasho kanjani ukuthi unobuhlobo nenkolo engayivumeli inkolo yakho ezweni layo?
107.Kunensizwa ehlale ikhuluma ngezipoki zomgede, igama lalensizwa ngu Pyramid Mthethwa.
108.Ithi ke lensizwa ayikholelwa eBhayibhelini ngoba ngisho amaJuda okuthiwa uJesu wayezalwa yiwo, kodwa ayakuphika ukuthi uJesu wake waba khona!
109.Noma lenkulumo ingabukeka iliqiniso, kodwa kuyadinga ukuthi iqondiswe, ngoba uma siyishiya inje izofaka abantu abaningi ehlathini!
110.UYeshua, amaKrestu athi nguJesu, wabakhona, eliJuda, unina kunguMaria, uyise kunguJosefa, unkosikazi wakhe kunguMagdalena.
111.NgokobuKrestu uJesu wayengaganiwe, kodwa uYeshua owayeliJuda wayeganiwe!
112.UYeshua wazalwa cishe ngo 6 A.D, wabethelwa ngamaJuda cishe ngo 33 A.D, eseneminyaka cishe engamashumi amathathu.
113.Njengoba sesike sachaza, amaJuda abulawa ngamaRoma ngo 70 A.D, ngama Creeds base beyiqeda inkolo yamaHebheru, okuyiMosaic Faith!
114.Ngo 325 A.D, amaRoma asungula inkolo yawo ebizwa ngokuthi ubuKrestu, kwase kuthi eminyakeni yo 690 A.D, amaRoma akha incwadi yabo abayibiza ngokuthi iNew Testament.
115.Lokhu kusho ukuthi iNew Testament yaba khona sekuphele iminyaka engamakhulu amathathu ubuKrestu babakhona, kodwa inkolo kaMose yabe seyaqedwa kudala.
116.AmaRoma azishisa izincwadi zamaHebheru, ikakhulukazi le eyayibhalwe ngabafundi bakaYeshua eyayibizwa ngokuthi THE GOSPEL OF THE 12 APOSTLES!
117.Njengoba echaza uDr Koster encwadini yakhe, uthi abezizwe, okuyiwo amaRoma, babewazonda amaHebheru, bemzonda noNkulunkulu oku-Old Testament, kodwa nabo bemfuna umsindisi, kodwa hhayi lo oliJuda!
118.Ngaleyo ndlela-ke amaRoma azakhela umsindisi wawo, kodwa base bemakha ngomlando woMprofethi wamaJuda, uYeshua, onguMesaya, futhi owaziwa ngoMsindisi ngoba wayedume kakhulu ngokusindisa! Lomsindisi wabo base bethi nguJesus Christ. Ngolimi lwesiGriki uChrist usho ukuthi Mesaya!
119.Kwaba lula ukukwenza lokho ngoba amaJuda basebewa nqobile, sebazi ukuthi akukho muntu oyobuye azi ngomlando kaYeshua!
120.Ngakho-ke kuliqiniso ukuthi loJesu amaKrestu akhuluma ngaye akaze abekhona, kodwa abakwenza ukwakha isithixo sabo ngomlando womuntu owaba khona esizweni samaHebheru!
121.Inkolo yamaHebheru yavuswa ilamaJuda amhlophe, ayeyifundiswe ngamaJuda abe esehlala eBabylon, kodwa engaseyiyo ncamashi inkolo kaMose eku Torah!
122.Mina nginama Bhayibheli amabili, elobuKrestu nelamaHebheru!
123.LamaBhayibheli yonke inumbering yawo iyefana, kodwa okuphakathi akufani!
124.IBhayibheli lesi Hebheru alinalo igama elithi “Jesus Christ,” kodwa esikhundleni lino Yehushua the Mesaya, ngoba u “Jesus Christ” wavela nenkolo yamaRoma sekwaphela 100 uYeshua wahamba emhlabeni!
125.Igama lalesi sithixo ekuqaleni ngesi Latin kwakungu IESIS, okwathi ekufakelweni kwa letter J, kwase kuba ngu JESUS.
126.Kodwa lo “Jesus” wavela enkolweni yamaRoma, akahlanganise lutho noYeshua owayezalwa nguMaria noJosefa enkolweni kaMose, nowalethwa kithi nguJehova, okunguNkulunkulu abezizwe abathi bayamenyanya!
127.Ngakho-ke amaJuda aqinisile uma emphika uJesu okhonzwa ngamaKrestu, yikho lenkolo beyichithile ezweni labo, ngoba bathi ithuka inkolo kaJehova. (Funda incwadi ethi: THE NAZARENE, betrayed, betean, begotten. Ebhalwe ngu Rav Sha’ul, naye oliJuda!).
128.Sesichazile ukuthi ngokomlando kwenzeka kanjani ukuthi kuthi siyinzalo ka-Israel, sikhonza uJehova, bese siyilahla lenkolo yethu, sithatha ubuKrestu, inkolo ngokomlando echitha inkolo kaJehova!
129.Kodwa akupheli lapho, namuhla sinenkolo yomdabu, esithi inkolo yokhokho bethu, kodwa ngokomlando inkolo yokhokho bethu inkolo kaMose ehamba ngokwezimiso zikaJehova!
130.Pho kwenzeka kanjani ukuba sibe nenkolo yomdabu, kodwa lenkolo, njengobuKrestu, iphikisana nenko kaMose? Lencazelo soyinika ezinkonzweni ezizolandela.
Isihlabelelo 17.
1.Oshawayo akalahlwa
Makangazideli.
Chorus: Phaphamani phaphamani
Nina ma-Afrika.
2.Izimbombo zokhothama
Zidumisa wena.
Chorus.
3.Izitha zikaJehova
Zivukela wena.
Chorus.
4.Abemukela ubukhosi
Phezu kwentaba.
Chorus
5.Sebefuna ukukwephuca
Ubukhosi baphakade.
Chorus.
INkosi ibusise enikuzwile.