Yimuphi lo moya othi masibe nobugwalamaNazaretha, singalwi ukulwa okuhle njengo Sha’ul owagcina esenqunywe ikhanda esikhundleni sokubulawa ngezinye izindlela ngenxa yokuthi wabe eyisakhamuzi saseRoma? Lokhu kwenzeka emihleni kaNero uMbusi waseRoma.
Lo moya wobugwala wavelaphi ngoba phela noYeshua wasiyala ukuba sime isibindi! Ubugwala buhlanganaphi noMoya kaNkulunkulu wethu?
YIMUPHI UMOYA OHLELI KUWE
UMfu. Dr M. Xakaza – 07 December 2024
ISihlabelelo 195
1. Ngiyalithanda ngokulizwa
Lelo lizwe elizayo,
Ngokhululwa ngilibone
We nhliziyo yami.
2. Ngokwenama kangakanani
Uma ngilibona lelo lizwe
Engilithanda ngingalibonanga
We nhliziyo yami.
3. We nhliziyo yami
Ungamdeli uJehova,
Ulidwala lenhliziyo yami,
Ungumthunzi wokuphephela.
4. Nguyena owangithanda,
Ngalithanda ngokulizwa
Lelo lizwe elizayo
We nhliziyo yami.
5. We nhliziyo yami ngisize
Unamathele kuJehova.
Selikhalile elokuqala,
Sengilindele elesibili.
6. Amein, Amein, Amein,
Amein, Amein, Amein, Amein,
Amein, Amein, Amein, Amein,
Amein, Amein, Amein.
1. Ngiyayikhetha iNkosi enguMdali wezulu nomhlaba.
Isihloko sale ntshumayelo sithi: “Yimuphi umoya
ohleli kuwe.”
2. UJohane 14:1 no 23-27: “Inhliziyo yenu
mayingakhathazeki. Kholwani uNkulunkulu
nikholwe nayimi.
3. UJesu waphendula wathi kuye: “Uma umuntu
engithanda uyakugcina izwi lami. UBaba
uyakumthanda.
4. Siyakuza kuye, sihlale naye. Ongangithandiyo
kagcini amazwi ami, nezwi enilizwayo akusilo elami
kepha ngelikaBaba ongithumileyo.
5. Ngikhulume lokho kini ngisahlezi nani kepha
uMduduzi, uMoya oNgcwele uBaba ayakumthumela
egameni lami uyakunifundisa konke, anikhumbuze
konke enginitshele khona.
6. Ukuthula ngikushiya kinina. Ukuthula kwami
nginipha khona. Akunjengokupha kwezwe
ukunipha kwami. Inhliziyo yenu
mayingakhathazeki, ingesabi.”
7. Ngiyajabula ngokuthi sidlule kula mavesi ngoba
kubalulekile ukuba sizwe ukuthi umprofethi
kaNkulunkulu wathini ngoMoya oNgcwele athi
uNkulunkulu uyomthumela kithi egameni lakhe.
8. Uma ngisho umprofethi la, ngisho uYeshua ngoba
thina simazi njengomprofethi; simazi
njengendodana kaNkulunkulu. Simazi
njengoMpristi oMkhulu eNdaweni eNgcwelengcwele
esikholwa ukuthi usekuyo manje.
9. Lapha uYeshua uyagcizelela ukuthi asikholwe
wuNkulunkulu, sikholwe nanguye. Uma ethi
sikholwe nanguye, usho ukuthi sikholwe nayilokho
asifundisa khona ngoba yena uvela ezulwini.
10. Kodwa uma siqhubeka nala mazwi alotshwe
lapha uyasho ukuthi lokhu akukhulumayo
akazikhulumeli yena, kodwa ukhuluma lokho
akuthunyiweyo.
11. Ngiyafisa ke sibuke le ndaba kaMoya
oNgcwele namhlanje, kodwa ngenkathi siqhubeka
siyibuka le ndaba, umuntu nomuntu makazibuze
ukuthi kuye kuhleli muphi umoya. Le ndaba
masingayiqhelisi kithi!
12. Ukuzihlola komuntu ngamunye ngamunye
mayelana nodaba lomoya ohleli kithi
kuyosilungisela leli zwe esithi siya kulo, izwe
elikhazimula ukwedlula ilanga nenyanga yalo
mkhathi.
13. Kulo mkhathi noma igalaxy esikuyo sike
sicabange ukuthi uma sesibone ukukhazimula
kwalezi zinkanyiso sesiyibonile-ke inkazimulo,
kodwa uShembe usitshela ngenkazimulo yezwe
esiya kulo eyokwedlula le yelanga nenyanga ekulo
mkhathi esikuwo.
14. UYeshua uthi-ke uMoya uYise ayomthumela
kithi uyofika asifundise konke lokhu yena
angasasifundisanga khona ngoba bekukuningi
obekufanele akufundise abantu.
15. Ukuze kuphelele lokhu abezokufundisa abantu,
uYeshua wathi kuyothunywa uMoya oyofika
afundise abantu.
16. Abantu abaningi emhlabeni uma bekhuluma
ngoMoya oNgcwele, basuke bengakhulumi
ngomuntu; basuke bekhuluma ngento engathi iyi
substance.
17. Bakhuluma sengathi bakhuluma ngoMoya
ongavela uthululwe kube sengathi kuthululwa
okusuka esitsheni esikhulu esisezulwini, abantu ke
bese bengenwa yilo Moya oNgcwele.
18. Abanye baze bathathe i-entertainment
yasemasontweni abo njengophawu lobukhona
bukaMoya oNgcwele.
19. Kwesinye isikhathi le entertainment ebizwa nge
‘Praise and Worship’ isuke ihambisana nokudansa
kodade abafake iziketi ezimfushanyana, lokho bese
kuhunyushwa njengobukhona bukaMoya oNgcwele
Phakathi kwabantu.
20. Kodwa uYeshua wayekhuluma ngoMoya
owawuyofika emhlabeni ufundise abantu!
Wawuyobafundisa kanjani abantu lowo Moya
ungabanga sesimweni somuntu abantu
abazombona ngenkathi ebafundisa?
21. Lapha uYeshua uthi masingesabi; izinhliziyo
zethu mazibe nesibindi. La wayesebayala abafundi
bakhe, ebazisa ngokwakuyokwenzeka emva
kokwemuka kwakhe.
22. Ngokwejwayelekile, uma sisuke sikhuluma
ngomoya sisuke sikhuluma ngani? Ake sifunde ku
Genesis 2:7, kesibheke ukuthi iNceku yeNkosi,
uMoshe, wasilobelani:
23. “UJehova uNkulunkulu wambumba umuntu
ngomhlabathi, waphefumulela emakhaleni akhe
umoya wokuphila. Umuntu waba kanjalo
umphefumulo ophilayo.”
24. Lo muntu waphila ngoba uNkulunkulu
esephefumulele umoya wakhe kuye. Ngenxa
yokuthi lezi zinto sizibuka ngeso labezizwe, iso
lase-Europe noma kaseNtshonalanga, sike
siziqonde ngendlela abaseNtshonalanga
abaziqonda ngayo.
25. Akuyona indaba ye Biology le esiyikhuluma
lapha. Lokhu kuphefumula kukaNkulunkulu kwakuy
package enkulu kabi kunalokhu esikucabangayo.
Kwakuyi combo egcwele!
26. Umuntu uba wumphefumulo ophilayo ngoba
wuNkulunkulu osuke esephefumulele kuye.
Ngenkathi uNkulunkulu esakhuluma ngokudalwa
komuntu, uthi: ‘…makafane nathi, asifuze.’
27. Uma singayibuka ngendlela ejulileyo le ndaba,
inhloso yokudalwa komuntu akusikho ukuba abe yi
object, noma yirobot nje ngoba umuntu onjalo
akakwazi ukumfuza uNkulunkulu.
28. Umuntu one intellectual power noma
ukuhlakanipha okuphuma kulokhu kuphefumula
kukaNkulunkulu okwazi ukuba umphefumulo
ophilayo.
29. Yingakho kubalulekile ukuthi njengoba
singabantu abafungile ukuthi siyohlala endlini
kaJehova kuze kube sekupheleni kwezinsuku Zethu
siqaphele ukuthi lokhu uNkulunkulu akufaka kithi
kusekhona yini.
30. Sisenayo inhlakanipho yasezulwini?
Sisenakho yini ukuzikhuza, nokuzithiba, nokwesaba
ukwenza izenzo eziyisono noma ukweqa imithetho
kaNkulunkulu?
31. Yilowo Moya-ke okufakele sibeni nawo thina
esithi singabantu abangcwele ngoba njengalokhu
imibhalo le iyimibhalo yamaHebheru, akufanele
sibuke izinto ngendlela yabaseNtshonalanga.
32. Yithina maHebheru okufanele sikhanyise la
kumnyama khona siwukukhanya njengokusho
kukaYeshua.
33. Zonke izizwe mazikubone lokhu kukhanya
okuphethwe yilesi sizwe sikaNkulunkulu, kodwa
umbuzo uthi: ‘Lesi sizwe siyokuphatha kanjani
ukukhanya uma singenawo uMoya kaNkulunkulu
na, uma singaqapheli ukuthi yimuphi umoya ohleli
kithi?’
34. Ake siphinde sibhekeni laphaya encwadini
kaHezekeli 36:26-28 noJobe 32:8: “Ngiyakuninika
inhliziyo entsha, ngifake phakathi kwenu umoya
omusha, ngikhiphe inhliziyo yetshe enyameni yenu,
ngininike inhliziyo yenyama.
35. Ngiyakufaka uMoya wami phakathi kwenu,
ngenze ukuba nihambe ngezimiso zami.
Niyakugcina izahlulelo zami, nizenze.
36. Niyakuhlala ezweni engalinika oyihlo, nibe
ngabantu bami, mina ngibe uNkulunkulu wenu.”
37. UJobe 32:8: “Nokho kukhona umoya kumuntu.
Ukuphefumula kukaSomandla kuyabaqondisa.”
38. “Ukuphefumula kukaSomandla
kuyabaqondisa,” kodwa uSomandla akasiphoqeleli
ukuphefumula kithi uma singawufuni lo Moya
waKhe ukuba asiqondise ngawo.
39. Umuntu wadalwa ngothuli lomhlabathi, kodwa
esedaliwe wayedinga uMoya kaNkulunkulu.
Ngamanye amazwi, uma sithi siyayihamba le ndlela
kaNkulunkulu kepha sizithole siphambuka njalo
njalo, kufanele sihlale sihlola ukuthi usekhona yini
uMoya kaNkulunkulu kithi.
40. Uma sesihlale siphambuka njalo endleleni
kaNkulunkulu ake sitholeni ke ukuthi yimuphi lo
moya osuhleli kithi.
41. Uma uMoya kaNkulunkulu esefikile kithi
uyosiqondisa, sihambe endleleni yaKhe
singagwegwesi, siqonde ngqo!
42. Ake sibhekeni izithelo zobukhona bukaMoya
kaNkulunkulu phakathi kwethu, kumuntu nomuntu.
43. Umuntu nomuntu makazihlole ngalolu daba!
Kukhona yini ukuhlakanipha kwasezulwini okwenza
umuntu athathe izinqumo ezinokuhlakanipha, hhayi
ezikhomba ubuwula.
44. Kuyisinqumo esihle ukukhetha iNkosi
yaseKuphakameni, umuntu aze abhabhadiswe,
ahlale endlini kaYahuah zonke izinsuku zokuphila
kwakhe.
45. Lowo obe nokuhlakanipha okunjalo, ngenxa
kaMoya oNgcwele omholileyo, uyothi uma esemuka
kulo mhlaba aye ezweni elihle elikhazimula
ngaphezu kwelanga nenyanga yalo mkhathi.
46. Kuwukuhlakanipha ukubheka ukuthi izinto
ezifunwa yinyama azingiphambanisi yini nentando
kaYahuah ngaphambi kokuba ngize ngiyiphe lezo
zinto le nyama.
47. Lawula inyama yakho, kungabi yiyo elawula
wena ngoba umuntu onoMoya kaNkulunkulu
uyayilawula inyama yakhe, kodwa hhayi ngamandla
nokuhlakanipha kwakhe.
48. Ngelinye ilanga le nyama ingase ifune utshwala
noma wugwayi noma yizeqamgwaqo! Izokuthuma
inyama ithi hamba uyolala nezeqamgwaqo ukuze
yona ithokoze!
49. Izoke ikuthume inyama ithi ake uyoyifunela
inyama yengulube ukuze idle. Ingcole kabi
ingulube, kodwa inyama ayenqeni ukufuna konke
lokho kungcola esenqatshelwe thini ukukuthinta!
50. Uma inyama yakho isakwazi ukulawula
ngemikhuba nezenzo ezinengekayo phambi
kukaNkulunkulu, ngabe ukhona yini kuwe uMoya
oNgcwele? Yimuphi lowo moya ohleli kuwe?
51. Kodwa uMoya kaNkulunkuku esekhona
ngaphakathi komuntu ulawula unembeza.
Yingakho iNkosi iLanga igcizelela ithi kuzo zonke
izinto esingaziqaphela masiqapheleni inhliziyo.
52. Uma iNkosi ikhuluma ngenhliziyo isuke ingasho
isigaxa lesi; isuke isho ispirit noma iconsciousness
yethu.
53. Abantu-ke baba conscious ngezindlela
ezehlukeneyo, kodwa bengabheki ba conscious
ngendlela efunwa uMdali wezulu nomhlaba na;
uMoya waKhe yini obusa kubo?
54. Ngike ngayithinta indaba ye intellectual power,
hhayi ke iwisdom. Umuntu one intellect enamandla
uyakwazi ukwehlukanisa phakathi kwezwi
likaNkulunkulu nalelo elizenza elikaNkulunkulu
kodwa kube kungesilo.
55. UMoya oNgcwele ophakathi komuntu okhonza
uNkulunkulu uyomsiza ukuba ahlukanise phakathi
kwenkolo yaseSinayi eyehlela kokhokho bethu ngo
1447 B.C., enyangeni kaSivan, nenkolo
eyasungulwa eMbusweni waseRoma ngo 325 A.D.
56. Umuntu onoMoya kaNkulunkulu ozokwazi
ukuzehlukanisa lezi zinkolo ngokuhlola umlando
wokwenzeka kwezinto, ngoba uma singaboni ukuthi
izinto zinemilando yazo, sife sihamba!!
57. Ukwenza nje isibonelo nje: iFeminism nje
inomlando wayo futhi ine agenda yayo! Izinto
zalapha emhlabeni zinemilando nama agenda azo.
58. Nathi sinomlando kanye ne-agenda
yasezulwini okuwukusindisa isintu esonweni ukuze
sizuze ukuphila okuphakade.
59. Kodwa maningi ama agenda aphikisa le ageda
engikhuluma ngayo lapha, futhi ayafundwa
emanyuvesi.
60. Ngiyafisa ukuba intsha yaleli bandla, ikakhulu
leyo eyenza oGrade 12, ukuthi izohlangabezana
nama agenda amaningi laphaya etertiary.
61. Kukhona i-agenda yeFeminism, ne-agenda ye
homosexuality, bese kuthiwa cha, wena wazalwa
emzimbeni owrong; kwakungafanele ube
yintombazane. Kwakumele ube yindoda
62. Ngaso sonke isikhathi uzwa lezo zinkulumo
zenkohliso kufanele uMoya kaNkulunkulu uvuke
phakathi kwakho uma kuyiwo ngempela uMoya
waKhe ohleli kuwe.
63. Uma ungasekho uMoya kaNkulunkulu
phakathii kwakho, leyo mbudane uyoyizwa sengathi
iyiqiniso, uze ukusho nge-English lokho, uthi: ‘Wow,
this professor is telling something that is absolutely
profound!’
64. Ungacabanga ukuthi uma sekufakwe igama
elithi ‘profound’ leyo not isiyiqiniso. Izinto okuthiwa
zi profound lapha emhlabeni kuyenzeka
ziphambane noMoya kaNkulunkulu!
65. Uma uya etertiary, hamba uvule amehlo
kamoya, ungazibuki izinto ngamehlo enyama khona
uyokwazi ukubona into enephunga elibi iseza
laphaya kude, uyibone uma inephunga lesono
nokuthi ingase ikuxabanise noNkulunkulu.
66. UMoya kaNkulunkulu osuke uhleli kumuntu
okhonza uYahuah ngeqiniso usebenza kanjalo nje.
Into eyingozi spiritually umuntu kaNkulunkulu
uyibona iseza kude bese exwaya, aqaphe eqolo
njengonwabu.
67. Zikhona izinto ezingasifaka imimoya
enqatshiweyo ezulwini, kanti thina kufanele sibe
noMoya kaNkulunkulu wethu kuphela. Bona
oFeminism no homosexuality laba sekungeminye
nje imimoya enengekayo kuYahuah.
68. Uma singabantu abanoMoya oNgcwele
ngempela, uMoya kaNkulunkulu wokhokho bethu,
siyoba Nomusa kwabanye abantu ngona
noNkulunkulu wethu unomusa kithi.
69. UYahuah wasithethelela izono zethu ngomusa
nje, hhayi ngoba sasifanele. Wabe esesibeka kule
ntaba yaKhe ephakemeyo eyi NCG. INCG iyintaba
ephakemeyo.
70. Mhlambe ngelinye ilanga siyokhuluma ngodaba
lwentaba ephakemeyo ngoba isengqondweni yami
kakhulu le ndaba.
71. UNkulunkulu wethu akabhekanga ukuthi
besibabi kangakanani, kodwa wasemukela,
wasigeza kukho konke ukungcola esasinakho.
72. Lokhu akwenza kithi uYahuah kufana nse
nomuntu odela isandla sakhe, asifake nase toilet
uma ebona igugu lakhe liphonseke khona.
Wasitakula ngothando olungako-ke uNkulunkulu
wokhokho bethu!
73. Uma le nto uyithanda ngempela, njengoba
nathi sithandwe uYahuah wokhokho bethu,
uyazidela uze ufake isandla sakho endaweni
engcolileyo, uyikhiphe le nto, uyigeze ize ibenhle
impela.
74. UNkulunkulu wethu wenza kanjalo nakithi.
Sesedukile wasithumela abaprofethi abaningi,
kwaze kwafika noMprofethi uYeshua, ekugcineni
waze wathumela uShembe lapha empumalanga
ukuba azositakula ekulahlekeni kwethu.
75. Namhlanjena nje ngikhuluma ngigqoke ingubo
emhlophe, kodwa kungenxa yomusa kaNkulunkulu.
76. UMoya kaNkulunkulu wenza ukuba umuntu
abe nomoya wokubekezela, ungathi uma ubona
ubunzima bese uthi wena usuyaphuma kule nto.
77. Abantu basezweni bayathanda ukuba bethi
beshada six months ago bese bethi bona
sebeyaphuma kule nto ngenxa yokuthi
ayihambisani nama expectations abo!
78. Nokho-ke abazibuzi laba bantu ukuthi ama
expectations ezulu athini ngalesi simo engikuso
manje? Umuntu onoMoya kaNkulunkulu okwazi
ukuzibuza lowo mbuzo onjalo.
79. Umuntu onoMoya kaNkulunkulu uyakwazi
ukuthethelela esikhundleni sokugodla igqubu aze
ayofa nalo ngoba liyophenduka intaba enkulu aze
angakwazi ukuyongena emzini ongcwele.
80. Kumuntu onje kusuke kuhleli umoya
wamagqubu esikhundleni sikaMoya kaNkulunkulu
obuyomemnza ukuba akwazi ukuthethelela.
81. Singavumi ukuhlehliswa yizinto ezinje, sibuyele
emuva esikhundleni sokuphikelela phambili emzini
wabangcwele, umuzi omuhle ngaphezu kwegolide
nesiliva.
82. Kwesinye isikhathi singahlehlela emuva nje
kanti sekuvele uKuphakama. Kodwa ngenxa
yokweswela ihlo likamoya singebone kalula ukuthi
nakhuya uKuphakama; sesiseduze namasango
akhona.
83. Singahlehliswa nayizinto eziyize nje,
njengokuthi kukhona abagcotshwa abakuhlebile,
bese uhlehla, ulahla ukukholwa kwakho!
84. Wena qonda ukuthi labo bakuhletshiswe yilowo
moya ohleli kubo, kodwa wena ngoba unoMoya
kaNkulunkulu bekezela ngoba usuvele manje umuzi
waseKuphakameni, usuyabonakala!
85. Uma sinoMoya kaNkulunkulu ngempela ngeke
sibe nasinye isono esiba yigugu lethu. Kubuhlungu
kabi ukuba uthi ukhonza uNkulunkulu phakathi
kwabangcwele kodwa wena ube nesono sakho osigugushileyo.
86. Noma ngabe awusenzi ngenyama yakho
kodwa enhliziyweni yakho siyigugu, usigugushile
nje, akwehlukaneki naso. Ngamnaye amazwi, lesi
sono usibeke umkhusu. Usufana nosesenzile
ngokwemibhalo yasezulwini; usuweqile umthetho
kaNkulunkulu!
87. Le mithetho nezimiso zikaYahuah sizifunda
ezincwadini zikaMoshe, iNceku yeNkosi, kodwa
uDuteronomi waziwa kakhulu njengencwadi
yomthetho.
88. UMthetho noma iTorah kaNkulunkulu wethu
iyona yardstick yokulunga kwethu phambi kwaKhe.
Kodwa namuhla sekunezimfundiso ezithi asisaphili
ngaphansi koMthetho, kodwa sesiphila ngomusa.
89. NoYeshua, lo abambiza ngoJesu
abangamaKrestu, naye wagcizelela ukubaluleka
kokugcina uMthetho kaYise ukuze umuntu abe
ngomkhulu embusweni wezulu.
90. Kodwa ngenxa yokuphuma kukaMoya
kaNkulunkulu kwase kungena iBabylon kubantu,
abantu sebelalela lo abambiza ngoPawulu, kodwa
uSha’ul abamlaleli, futhi ababoni ukuthi laba
bangabantu ababili abehlukeneyo!
91. Ababoni ukuthi uPawulu uyisakhiwo
samaRoma njengalokhu enezimfundiso
ezingakhombi isimilo nenkambo kaSha’ul lo
esifunda ngaye encwadini yeZenzo. UMoya
kaNkulunkulu ke ongavula abantu amehlo ukuze
babone lobu buqili babezizwe!
92. Abantu abeswele uMoya kaNkulunkulu ababoni
ukuthj uSha’ul wayegcina iSabatha, aze ahlangane
nabantu noma seledlulile iSabatha, ebachazela
ngaleli hlelo okuthiwa liyaphikiswa kakhulu, ihlelo
lamaNazaretha!
93. Lo owayengumholi wamaNazaretha uSha’ul
wangempela ongumHebheru wendlu kaBenjamin,
indoda yaseTarsu eyagogoda emfundweni yayo
ezinyaweni zikaGamaliyeli, usolwazi onohlonze
waseJerusalem.
94. Kodwa lo osethi hamba uye esilaheni
uyothenga noma luhlobo luni lwenyama,
sekunguPawulu ke lo, isakhiwo sabezizwe
abasekele kuye inqubo yenkolo yabo elwa
nekaYahuah!
95. UBaba uMelusi uhlale sikhumbuza ukuthi uthini
uDr C.J. Koster encwadini yakhe ethi COME OUT
OF HER MY PEOPLE (PHUMANI KULO BANTU
BAMI).
96. Ku page 62 waleya ncwadi kubhalwe kahle
ukuthi: “Abezizwe babemfuna umsindisi, kodwa
hhayi lo ongumJuda. Babewazonda amaJuda,
benzonda noNkulunkulu weTestamente Elidala.
Ngakho-ke bancamela umsindisi osamGriki.”
97. Yingakho isikhathi esiningi uma uthi ukhuluma
nomKrestu ngendaba kaNkulunkulu uvele akhombe
iTestamente Elisha isikhathi esiningi.
98. ELidala ucabanga ukuthi alisekho relevant
ngoba limayelana neSivumelwano esidala! Kodwa
abezizwe abathi abamfuni lo Nkulunkulu
weTestamente Elidala!
99. Yimuphi lowo moya owenza umutnu athi
akamfuni uNkulunkulu weTestamente Elidala?
Ngibuza lo mbuza ngoba lo Nkulunkulu
esimkhonzayo wayekhona endulo, ukhona manje
futhi uyoba khona kuze kube phakade!
100. Yimuphi lowo moya ohleli kubantu abakhonza
izitha zethu? Lo Nkulunkulu osekhonzwa abezizwe
usethathe indawo yalo wakwaYisra’el!
101. Yimuphi lo moya othi abasekho abantu
abayizitha zethu ngoba uShembe okhulume
ngezitha zethu? Sesiyamphikisa yini uShembe?
102. Kodwa ebandleni lamaNazaretha ukhona
umoya wokuphikisa uShembe! Yimuphi lowo
moya?
103. Yimuphi lo moya osusifundise ukuthi asisadingi
ukusoka inyama, kodwa sesizosoka inhliziyo?
104. Yimuphi lo moya othi masibe nobugwala
maNazaretha, singalwi ukulwa okuhle njengo Sha’ul
owagcina esenqunywe ikhanda esikhundleni
sokubulawa ngezinye izindlela ngenxa yokuthi
wabe eyisakhamuzi saseRoma? Lokhu kwenzeka
emihleni kaNero uMbusi waseRoma.
105. Lo moya wobugwala wavelaphi ngoba phela
noYeshua wasiyala ukuba sime isibindi! Ubugwala
buhlanganaphi noMoya kaNkulunkulu wethu?
106. USamsoni nje wayengenasikhathi se Praise
and Worship futhi wayengashumayeli epulpit,
kodwa kwakuthi uma sekwehle uMoya
kaNkulunkulu abulale amaFilisti nangomhlathi
wembongolo!
107. KwaYisra’el kwakuba nezikhathi zokuhlaselwa
yizitha, bese uYahuah ekhetha iqhawe elizolwela
abantu, linqobe ngoMoya kaNkulunkulu.
108. Ukulwa okuhle kungaba nangezikhali uma
kusho uNkulunkulu, kufe abantu impela ukuze
kuqedwe izitha zaKhe, njengasezimpini nama-
Amaleki emihleni kaMoshe nasemihleni eNkosi
uSawulu!
109. Ukulwa kwangaleya mihla kwakumayelana
nokubhekana noMbuso wamaRoma owawusophe
ukuqeda ngenkolo yamaHebheru. Kwakubhekene
umbuso osenyameni nalowo osemoyeni
owawethusa kakhulu amaRoma.
110. Kodwa ngenxa yokuba colonized nokuba
pacified, abantu abayiqondi le ndaba; baze
baphikise nokulotshiweyo, belandela inkohliso
yama missionaries amaKrestu!
111. Namuhla sinawo yini lowo Moya othi
masishaye izitha zikaNkulunkulu wethu? Uma
singenawo lo Moya, pho yimuphi ohleli kithi?
112. Naye uSamsoni, ekugcineni, waphinda
wabulala inqwaba yama Filisti nakuba
wayeseyisiboshwa, engasenamehlo. Naye wafela
kuleso sigameko esewabulele amaFilisti amaningi
ayehlupha uYisra’el.
113. Yebo, uSathane akaqapheli uma sezikhula
izinwele zomuntu abemgunde ngenhloso
yokumnqoba nokuhlekisa ngoYahuah!
114. UJohane 16:8-11: “Lapho esefikile yena
uyakuqondisa izwe ngesono nangokulunga
nangokwahlulela. Ngesono ngokuba bengakholwa
yimi, ngokulunga ngokuba ngiya kuBaba ningabe
nisangibona. Ngokwahlulela ngokuba umbusi
waleli zwe wahlulelwe.”
115. Abantu bake bacabange ukuthi uMoya uyinto
evele ithululwe bese kuthiwa abantu sebegcwele
uMoya, kodwa la uYeshua ukhuluma ngomuntu
owabe eyofika asifundise.
116. Akekho umuntu, kuwo wonke umlando
wakwaYisra’el kuze kube namuhla, ongafaniswa
noShembe othe uma efika wasiqondisa ngesono,
ukuthi ngempela isono siyini.
117. Isizathu sokuba abantu abaningi bangabi nawo
uMoya kaNkulunkulu ukuthi babalekela uShembe
othunyiweyo ukuba azosifundisa.
118. Uma sithi uShembe unguMoya oNgcwele kuye
kuzwakale sengathi sithuka inhlamba; yingoba
abantu bacabanga umuntu owazalwa
eNtabamhlophe, waphila, wasebenza emaplazini
eNtabazwe.
119. Bacabanga ngomuntu uma sithi thina uShembe
unguMoya kaNkulunkulu, unguMoya oNgcwele.
Ababoni ukuthi uShembe onguMoya oNgcwele
wayehlezi enyameni yalo mprofethi owazalwa lapha
emhlabeni waba yinyama phakathi kwethu.
120. Kodwa ngike ngizwe abantu bethi uMoya
kaNkulunkulu ubakhanyiselile, baliqonda iZwi
likaNkulunkulu ukuthi lithini, kodwa basuke bengazi
ukuthi bakhuluma ngobani.
121. Noma sibhala ngoMoya kaNkulunkulu asibhali
sengathi sibhala ngento (it), kodwa sibhala
ngomuntu (he, him).
122. Thina siyaqonda ukuthi lapha kusuke
kukhulunywa ngomuntu, ispiritual entity, hhayi
isubstance nje. Lo uMprofethi Womkhathi
onguMoya oNgcwele.
123. Manje uma sibuka izithelo zemimoya
engahlambulukile, imimoya enqatshiweyo ezulwini,
singake sibheke esi esibhekene naso kulezi nsuku.
124. Silwa nomoya wokuthakatha; asiqedile,
sisazoqhubeka! Abelungu bake bathi owesifazane
othakathayo uyi witch, bese bethi owesilisa uyi
wizard.
125. Kodwa ngifisa ukucacisa lokhu: Isikhathi
esiningi abelungu uma bekhulu ngomthakathi
abakwenzi lokho in a negative sense; bathi nje
ungumuntu osebenzisa ama supernatural powers.
126. Kwi culture yabo kwaziwa ukuthi lowo muntu
usuke engahlosile ukuthakatha abantu, kodwa
banamanga ngoba bakhona abathakathi babelungu
esengike ngababona abathakathela ukubulala
abantu!
127. Ukhona umuntu wesifazane
waseMgungundlovu owenza iziphonso kumyeni
wakhe owathi ehamba ngemoto nje eMsinga
kwavele kwavuka abantu eceleni komgwaqo
bamdubula bambulala.
128. Vele umkakhe unesimo sikaJezebel usambuka
nje. Akabanga nandaba nokuthi base benezingane
ezinhle ezimbili, kodwa waba nesibindi sokubhekisa
iziphonso kumyeni wakhe, ngokusho komphakathi
wakhona omhlophe!
129. Yimuphi lowo moya owenza abantu baphonse
abanye abantu? Yimuphi lo moya osenza sifise
ukwenza iziphonso kubaholi bethu? Selokhu
kwaqala kubaholi bakudala sekuhlupha laba
esinabo namhlanje!
130. Njalo uma kunezehlakalo zeziphonso ngabe
yimuphi lowo moya? KusengokaNkulunkulu wethu
njalo noma sesibuthe eminye imimoya esithumayo
ukuba senze lezi ziphonso?
131. Kunombhalo ongaveziwe umbhali wawo othi,
uma ephawula ngokuthakatha: “Witchcraft is the
worship and seeking of natural powers other than
God…”
132. Ku supernatural kabi ukuthi umuntu angakhwifa
nje athi abafe abaholi, kodwa lowo muntu angene la
esegqoke ingubo emhlophe, esemoyizela, abeke
iminikelo yakhe engcolileyo la! Kubi kabi lokho!!
133. Umnikelo womthakathi ungcolile!! Akakwazi
umthakathi ukungabi yinto engcolile ngenxa
yemimoya yobuthakathi, imimoya yowesifazane
wase-Eni Dori iNkosi uSawulu eyaya kuye mhla
ifuna ayibhulele ngedlozi, ayikhuphulele uSamuweli
kwabafileyo!!
134. Ukuthakatha, nokubhula nokwenza imilingo,
konke lokhu kuse classini elilodwa ngokwasezulwini
ngoba konke lokhu kusebenza ngamandla eminye
imimoya, hhayi lo kaNkulunkulu wethu!
135. Kwi Zikronike zokuqala isahluko 10:13,
kukhulunywa ngokuthi uSawulu wafa kanjani bese
kubekwa isizathu salokho!
136. Wayeye kobhula esangomeni sase-Eni Dori,
isangoma isangoma esabe sicashe emgedeni
ngoba uSawulu wayezixoshile zonke izangoma
ezweni!
137. Kodwa kuthe uma esehluphekile wangabuza
kuYahuah, waya kobuza esangomeni esibhula
ngdlozi, umoya osebenza emkhathi odinga igazi
njalo njalo.
138. Ngokwe Theocracy bekufanele abantu
bakaNkulunkulu babe nesivivane samatshe ukuze
kukhandwe abatholakala bethakatha, kodwa
singaphansi kwe Roman-Dutch Law manje.
139. Sengathi izulu lingenza lokho kufanele kulabo
bantu abasebenzisa le mimoya engcole kanje
phakathi kwethu. Ukuthi abafuneki abathakathi
kusembhalweni ongcwele!
140. ISambulo 21:7-8: “Onqobayo uyakulidla ifa
lalezo zinto futhi ngiyakuba uNkulunkulu kuye, yena
abe yindodana kimi, kepha amagwala,
nabangakholwayo, nabanengekayo, nababulali,
nezifebe, nabathakathi, nabakhonza izithombe,
nabo bonke abaqamba amanga isabelo sabo
siyakuba sechibini elivutha umlilo nesibabule,
okungukufa kwesibili.”
141. Lo moya ohleli ngabe ukuholela kuphi?
Ukuholela ekuphileni kwaphakade noma ukuholela
echibini lomlilo ongacisheki?
142. Ngaphandle komuzi wabangcwele kukhona
konke ukungcola; la kubalwa nabathakathi!
Umuntu oyiNazaretha makawuqaphele lo moya!
143. Ngeke simbone thina ngoba kuthakathwa
spiritually, hhayi ngenyama. Yingakho noma
ungambamba umthakathi kodwa noma ngeke
umbambe ngoba kusuke kuwumoya wakhe lowo.
144. Nezalukazi ezindala zibaleka zishiye isithunzi,
kodwa azibambeki uma sezibanjwa oqotsheni.
Wumoya ongcolileyo lo!
145. INkosi mayibusise enikuzwile.