Inkolo yethu thina sizwe esimnyama inomlando oqondile, okuseqinisweni uNkulunkulu onguMdali wezulu nomhlaba, ogama lakhe nguJehova, wehlela esaizweni esimnyama, khona lapha e-Afrika!
Manje ke usungakuphika kanjani ubukhona bomlando kaNkulunkulu ekhipha abantwana bakwa-Israel eGibhithe?
Isihlabeleelo 181
1.Phakama kuphakama
Ngegama leNkosi
Zivuse zonke izizwe zakithi
Zisese buthongweni
Ngegama leNkosi
Zivukele kuwe kuPhakama.
2.Sinosizi
Ngesizwe sakithi
Sihawukele Nkosi
Sizintandane
Asinamkhululi
Ngaphandle kwakho
Ongasikhulula
Ekuboshweni.
3.Usidele ngani
Nkosi kangaka
Buyela kithi
Usithethelele
Obaba bethu
Bona abasekho
Sithwele ke thina
Izono zabo.
4.Shaya Nkosi uphozise
Wena sonile
Siyavuma
Ebusweni bakho
Singaba ka bani
Uma silahlwa nguwe
Buyela kithi
Nkosi yoxolo.
ISIBANI SE AFRIKA NGUJEHOVA KUPHELA
Isihlabelelo samaNazaretha 120.
1.“South Afrika vuka, zokhele izikhuni zakho zisondele zonke izizwe ziwothe umlilo wakho.
2.South Afrika vuka, ulibase iziko lakho, uJehova uThixo wakho akunike elakho iziko.
3.Asikho esinye isisekelo kuwena Afrika, uJehova kuphela oyisibani sakho.
4.Ngiphelele ngiyethemba liyophuma bengathandi ilanga lakho Afrika. Zolotha zonke izizwe.”
5.Kwesinye isikhathi ngiyaye ngibone sengathi emhlabeni ababaningi abantu abanenhlanhla njengami, ngoba uNkulunkulu uyaye angibonise izinto abantu abaningi abangaziboni.
6.Umama wami wakhula eyintandane, wabe esekhuliswa nguBabamkhulu emenza ingane yakhe.
7.Ekuhambeni kwaBabamkhulu umama wabe esehlala eNkosini iLanga, kwaze kwafika isikhathi sokogana kwakhe kwaMpanza.
8.Ngaleyo ndlela ke ngakhuliswa nguntu ukukholwa owakuncela kuShembe ngokuphelele!
9.Ekuqaleni kwami ukufunda nganginga phansi kwemishini yaseLuthela, ngoba ngaleso sikhathi izikole eziningi zaziphethwe zimishini.
10.Ekhaya ngingumNazaretha, kodwa esikoleni ngingumLuthela, ngoba ngangiyilandela cishe yonke indlela yokukholwa kwaseLuthela.
11.Sengise High School, ngahlala eBoarding School iminyaka emine, ngisalokhu ngingaphansi kweBandla lamaLuthela. Lapha esikoleni ngaba lilungu le SCM (iStudent Christian Movement), kodwa ngingumNazaretha.
12.Kodwa engekho esikoleni owayazi ukuthi ngingumNazaretha, ngoba ngaleso sikhathi ezikoleni zezi mishini ukuba ngu mNazaretha kwakuyi nhlekisa, ngakho ke sesaba ukuhlukunyezwa ngothisha nabafundi!
13.Ngagcina sengiwusihlalo we SCM, ngikhethwe ngabantwana abasindisiwe, ngoba bengithanda futhi bengethemba kakhulu!
14.Isikhathi esiningi ngangisiphila njengomKrestu, ikakhulukazi sengise Boardingi School. Nokho inkolo yobuKrestu ayizange ingingene neze. Engangku thanda khona kwakunguku hlabelela kuphela.
15.Kwakunezinto eziningi ezenziwa khona, okwakuthi uma ngiziqhathanisa nobuNazaretha, ngibone ukuthi kukhona okungangicaceli!
16.Kodwa ngaphezu kwalokho, nganginesimo sokukholwa engiye ngizwe namuhla besibiza nge Spiritualism.
17.Umehluko kungukuthi mina angikaze ngibe nomoya wabaphansi, kumbe wamadlozi. Kodwa kwasekukhuleni kwami ngangixhumana noNkulunkulu ngezindlela eziningi!
18.Ngangiyimonitor esikoleni, ngakho ke ngihlale ngibheka ukuthi abanye abantwana baziphatha kanjani. Ebusuku sesilala, yimina owayebheka ukuthi silala sithandazile.
19.Kodwa ngangiyaye ngiqoke omunye umfana ukuba athandaze, mina ngingathandazi. Kothi uma sekucishiwe bese ngiphuma ngiya etoilet lapho ngizothandaza khona ngingedwa!
20.Lokho ngikwenziswa ukuthi ngangingayemukeli indlela abathandaza ngayo, kodwa ngingakuvezi lokho!
21.Ngo 1973, ngifunda uMatric, kwaba nesiteleka esikhulu sabafundi esikoleni, nami ngazimbandakanye kulesi siteleka.
22.Kodwa kwathi ngobunye ubuku sitadisha nabanye abafundi, ngabona sekukhona iNkosi iLanga khona eklasini, kodwa abanye abafundi bengayiboni. Ngasukuma ngaphuma, ngase ngiya esiguqweni sami esasise toilet.
23.Ngathi ngiyizwa iNkosi yabe isikhuluma iqondize kimi khona lapha etoilet, kodwa ngingayiboni.
24.UBaba wabe esingibuza ukuthi ngizihlanganiselani nalesi siteleka?
25.Waqhubeka wathi: “Uyazi yini ukuthi othisha basengozini yokubulawa ngabafundi, kodwa bangasindiswa nguwe kuphela, ngoba nguwe wedwa umNazaretha esikoleni sonke?”
26.Wabe esethi angiphume eklasini ngiyothandaza, ukuze ngivikele othisha ukuba bengabulawa ngabafundi! Lendaba ke inde, kodwa ngiyayifinqa!
27.Kusukela kwasekukhuleni kwami ngangingenakho lokhu kukholwa ngemizwa, engingathi iFanatism!
28.Yonke into ngangiyilandela ngesineke, futhi ngikukhonzile ukufunda, ngenze ucwaningo ngayo yonks into engiyifundayo!
29.Kulesi simo into eyangihlupha kakhulu ukuthi kwenzeka kanjani ukuthi uShembe efike ethi angivikele abantu abangamaKrestu ukuthi bangabulawa ngabafundi, yize bona bengazi lutho ngoShembe?
30.Okwesibili, angizange ngiqonde ukuthi kwenzeka kanjani ukuthi uShembe iNkosi iLanga afike kimi, hhayi ngephupho, kumbe ngesibonakaliso, ngoba ngaleso sikhathi iNkosi iLanga yayisekhona emhlabei?
31.Njengomuntu okhule ngiphakathi kwezinkolo ezimbili, ubuKrestu nobuNazaretha, ocwaningweni lwami ngathola ukuthi abantu abamnyama abazi lutho ngenkolo abayilandelayo, bathatha lokho nje abakufunzwe ngabamhlophe, kungakhathaleki ukuthi akuwakhi kangakanani umqondo!
32.Kulabo ababonayo ukuthi kukhona okungaqondile lapha, bevele bephike ubukhona bayo yonke inkolo, baphike noNkulunkulu ngaphandle kokwenza a fair assessment kwabakufundile!
33.Ngicabanga ukuthi the so called African Spiritualsm isukela ekufundeni ngemizwa, ungajuli ngento oyifundayo!
34.Inkolo yethu thina sizwe esimnyama inomlando oqondile, okuseqinisweni uNkulunkulu onguMdali wezulu nomhlaba, ogama lakhe nguJehova, wehlela esaizweni esimnyama, khona lapha e-Afrika!
35.Manje ke usungakuphika kanjani ubukhona bomlando kaNkulunkulu ekhipha abantwana bakwa-Israel eGibhithe?
36.Ngisho abaseGibhithe bayawazi lomlando. Yikho uPresident waseGibhithe wathi kumaJuda amhlophe, kuyaxaka ukuthi amaHebheru aphuma eGibhithe engabantu abamnyama, kodwa asebuya esengabelungu?
37.Kungumlando oqondile ukuthi abantwana bakaJakobe, okungama-Israel, bakhishwa nguNkulunkulu onguJehova eGibhithe, okwathi besendleleni wabanika inkolo yakhe ngomprofethi wakhe uMose!
38.Lenkolo kaJehova amaHebheru aphila ngaphansi kwayo kwaze kwazalwa uYeshua onguMesaya esizweni samaJuda. Igama elithi Mesaya lisho ukuthi umgcotshwa kaNkulunkulu!
39.UYeshua wazalwa cishe ngo 6 A.D, wabethelawa esiphambanweni ngo 33 A.D!
40.Abafundi baqala ukushumayela ngevangeli likaYeshua onguMesaya besuka eJerusalema cishe ngo 55 A.D.
41.Lo umlando wesizwe samaHebheru, abagcina sebebizwa ngokuthi ngabantwana bakwa-Israel!
42.Ngokomlando uYeshua akaze ahlangane nesizwe samaRoma, kodwa cishe ngo 55 A.D, uYeshua engasekho, ngabafundi bakhe abahlangana nesizwe samaRoma sebehamba beshumayela besuka eJerusalema!
43.Abafundi bakaYeshua abakaze babizwe ngabapostoli besahamba noYeshua, yikho leligama ungenke ulithole kumaGospel amane omlando ngoYeshua!
44.Sengake ngakuchaza ukuthi eminyakeni yo 7000 A.D amaKhazas aya kanjani eBabylon eyofunda ngenkolo kaMose kumaJuda ayesehlala khona eBabylon.
45.Ngachaza ukuthi inkosi yamaKhazas yakhetha iJudaism ngoba yayingafuni ukuzihlanganisa nezimpi ezaziphakathi kwamaKrestu namaSulumane!
46.Kubalulekile ke ukuthi wazi ukuthi ngoYeshua noJesu, sikhuluma ngabantu ababili, abavela ezizweni ezimbili ezahlukene!
47.Indodana kaMaria igama layo kwakunguYeshua onguMesaya. kodwa okwathi leligama enkolweni yamaRoma, selishintshwa, esebizwa ngo “Jesus Christ!” Igama elithi “Christ”, ngesiHebheru lisho uMesaya.
48.ENkolweni yakhe, okuyinkolo kaMose, uYeshua wayebizwa ngomprofethi, kodwa enkolweni yobuKrestu, okuyinkolo yamaRoma, uJesu kuthiwa iNdodana kaNkulunkulu!
49.Kodwa yena uYeshua, hhayi uJesu, wayezibiza ngokuthi uyisithunywa sikaJehova!
50.Enkolweni kaMose ayikho imfundiso yokuthi uYeshua wafela izono ngendlela okuchazwa ngayo ngamaKrestu, nokuthi uYeshua uzobuya!
51.Kodwa enkolweni yobuKrestu ukufela izono kukaJesu kunomphumela wokuchitha umthetho kaNkulunkulu, futhi isiprofetho sokubuya kweNdodana yomuntu kuyinkolo ebuKrestwini.
52.Njengomuntu womthetho, nothethe amacala isikhathi eside, angikwazi ukwamukela inkulumo okucacela noma ngubani ukuthi inamaqiniso afihliwe ngayo!
5.Kubalulekile ukuthi uma inkulumo ixoxwa, ihlangane, uma ingahlani, kufunwe ukuthi iphutha likuphi?
54.Kungumlando oqondile ukuthi uYeshua waba khona emhlabeni, eyindodana kaMaria noJosefa esizweni samaJuda. Wazalwa cishe ngo 6 A.D, wahamba emhlabni ngo 33 A.D!
55.Kodwa asinawo umlando wokuthi njengoba amaRoma namaJuda kwakuyizizwe ezizondanayo, uYeshua washintshwa nini, ngubani ukuba abe nguJesu?
56.Nokuthi njngoba uYeshua wahamba emhlabeni eliJuda, kwenzeka kanjani ukuthi engasekho etholakale esengu Jesu, futhi esesnkolweni yamaRoma, okuyisizwe owayengakaze azihlanganise naso esaphila?
57.Uma sithi igama elithi “Jesus” liyitranslation kaYeshua, njengoba uYeshua wahamba emhlabeni ngo 33 A. D, engakaze ahlangane nenkolo yamaRoma, lashintswa nini, lishintshwa ngubani igama lika Yeshua eseba nguJesus.
58.Uma amaRoma ake amemukela uYeshua, pho amaCreeds amaRoma ayichitha kanjani inkolo kaMose, kuhlanganisa uJehova kanye naye uYeshua, njengoba nje engekho kuyiTestamente Elisha?
59.Kuyinto esobala nasencwadini yeZenzo ukuthi abafundi bakaYeshua baphuma eJerusalem beyoshumayela bengaphansi kwenkolo kaMose, kanjalo nokuthi noYeshua wahamba emhlabeni engaphansi kwenkolo kaMose!
60.Noma amaRoma aba ne New Testament, nalo lisakhiwe ngezincwadi zamaHebheru, kodwa esezi hlakenezelwe yiwo amaRoma, ngoba amaJuda abe sekukudala anqotshwa!
61.Uma singathi akukho ubuqili ekubhalweni kweTestament Elisha, pho amaRoma azishiselani izincwadi ezazibhalwe ngabafundi okuyibona ababehamba noYeshua ezibizwa ngokuthi. THE GOSPEL OF THE TWELVE APOSTLES, nale ethi THE GOSPEL OF THE NAZAREENS?
62.Kusobala ukuthi amaRoma azishisa lezi zincwadi ngoba kukhona okufihlwayo nokungafuneki sikwazi ngempilo kaYeshua. Yikho kwavezwa okuthiwa zabhalwa nguPaul, kwayena ongazange ambone uYeshua!
63.Oncwaningweni lwami inkinga yokuqala engaba nayo ukuthi ngathi uma ngifunda iBhayibheli ngathola ukuthi izimfundiso zeTestamente Elisha ziyaphikisana nemfundiso-nkolo yobuKrestu!
64.Kodwa ngekaShembe imfundiso-nkolo elandela imithetho kaMose neyabo bonke abaprofethi nabapostoli bakaYeshua eseBhayibhelini!
65.Awusoze wayithola imfundiso yobu Nazaretha ephambana nokubhalwe eBhayibhelini.
66.Ngiyafisa ukugcizelela umlando ngenqubo yokukholwa kwesizwe sikaJehova, nokucacisa ukuthi ngumprofethi u-Isaya Shembe(ukuthula kube kuye), ofike wakuvuselela lapha South Afrika lokhu kukholwa!
67.Inkolo kaJehova eyaziwa ngeMosaic faith yaqedwa yinkolo yamaRoma ngamaCreeds. Kwathi eminyakeni yo 700 A.D, amaKhazas amukela lenkolo kaMose, kodwa eseyemukela kumaJuda abe asathunyelwa eBhabhiloni.
68.Le nkolo yama Juda amhlophe yabe okokuqala ibizwa nge Talmudism, yabuye yashintshwa kwathiwa yiJudaism, kodwa yona yakhelwe kuyisisekelo senkolo kaMose, okuyi Mosaic Faith!
69.Umbuzo ke uthi njengomNazaretha, kumele ngilandele okushiwo liBhayibheli, noma kumele ngilandele imfundiso-nkolo yama Krestu eyakhelwe phezu kwemfundiso yamaRoma, kodwa echitha inkolo eseBhayibhlini?
70.Akugcini lapho, nakulo iTestament Elisha, ngithole imfundiso-nkolo okuthiwa ngekaPaul, kodwa ephikisa umthetho kaMose ogcwaliswe nguYeshua!
71.Manje uma uthi ufuna iqiniso lomlando, kodwa lingavezwa eBhayibhelini, kuphoqa ukuba ufune ezinye izincwadi ezizohlanganisa lamaqiniso!
72.Akakho umbhali owacacisa lomlando wobuKrestu njengo Dr Kotze, naye ongumKrestu, lapho ethi: “ABEZIZWE BABEMFUNA UMSINDISI, KODWA HHAYI OLIJUDA, NGOBA BABEWE NYANYA AMAJUDA. BABE SEBEZAKHELA UMSINDISI WABO OKWASAMGRIKI!”
73.Lencazelo kaDr Kotze iqeda konke ukuqagela kokuthi kwenzeka kanjani ukuthi uYeshua egcine enkolweni yamaRoma esenguJesus, yize esaphila engakaze ahlangane namaRoma!
74.Ngokwama Roma uJesu ungunkulunkulu wama Krestu, obuye echazwe ngokuthi ungunkulunkulu oyiziqu zintathu!
75.Kodwa ngokwenkolo kaJehova uYeshua ngumprofethi wokugcina enkolweni kaMose, okuyinkolo yesizwe sakwa-Israel esiku yiTestamente Elidala!
76.Igama elithi JESUS lisuselwa enkolweni yesizwe samaRoma, okungu nkulunkulu wabezizwe, okuthiwa ngokubethelwa kwakhe kwaqedwa umthetho kaJehova!
77.Cishe ngonyaka odlule uhulumeni wakwa-Israel washaya umthetho ochitha uJesu nenkolo yobuKrestu ezweni labo.
78.Lomthetho wawadida kakhulu amaKrestu, ngoba abecabanga ukuthi iChristianity neJudaism inkolo eyodwa, ekhonza uJesu!
79.Kodwa inkinga yamaKrestu amaningi ukuthi akafundi, akawazi umlando wenkolo yawo!
80.Njengoba sesichazile, iJudaism yakhelwe phezu kwenkolo ehamba ngokomthetho kaMose, iTorah, le eyachithwa yinkolo kaConstantine, okungubuKrestu!
81.Yikho kuyiJudasm begcina iSabatha kanye nayo yonke imiththetho kaJehova etholakala kuyiTorah.
82.AmaJuda amhlophe akasibo abalandeli bakaJesu, lo ongumGriki, kodwa balandela uYeshua osenkolweni kaMose, ongumJuda, noyiNdodana kaNkulunkulu! Ngisho eBhayibhelini labo bakhuluma ngo Yeshua!
83.Njengoba sesichazile, kukhona uMesaya wangempela no Mesaya-mbumbulu. Uma uYeshua noJesu kungabantu abehlukene ngobuzwe, nangayo yonke into, kusobala ukuthi phakathi kwabo kukhona onguMesaya-mbumbulu!
84.AmaJuda amhlophe ayazi ukuthi uJesus uvela enkolweni yamaRoma eyachitha inkolo kaJehova, bona abangaphansi kwayo!
85.Manje abangabalandeli benkolo eyachithwayo bangazihlanganisa kanjani nenkolo eyaqeda inkolo yabo? Yikho nami ngiba nenkinga yokwamukela lenkolo kaConstantine!
86.Njengoba sesichazile, mina ngizihluphile ngokucwaninga konke ngalezi zinkolo, okungubuKrestu, iJudaism nobuNazaretha.
87.Noma ngingagxilanga ocwaningweni lwami nge-Islam, kodwa ngiyasazi isisekelo senkolo yabo, okungukukhonza uJehova yedwa! Nokuthi uMahomed ngumprofethi kaJehova!
88.Ngakho ke iJudasm, i-Islam namaNazaretha bakholwa kuNkulunkulu oyedwa, onguJehova!
89.Kodwa enkolweni yobuKrestu kuthiwa uJesu ngunkulunkulu, kubuye kukhulunywe ngonkulunkulu omthathu emunye!
90.Kodwa ngaloJesu abasho yena uYeshua, lo ongumJuda nozalwa nguMaria, noyiNdadana kaNkulunkulu, basho isithixo samaRoma!
91.Kusukela ku 2025 kuqala isikhathi sokwahlulela, lapho uJehova ezocacisa khona ukuthi kanti okuseqinisweni ikuphi ukukholwa okwamukelekile ezulwini?
92.Kulenkulumo ngizoveza izimfundiso zikaYeshua, ngoba cishe sonke nguyena esimamukelayo!
93.Mhla uJehova elethe inkolo yakhe emhlabeni, umthetho wokuqala, nobaluleke kunayo yonke, ngothi UNGABI NABANYE ONKULUNKULU NGAPHANDLE KWANKULUNKULU OGAMA LAKHE NGUJHOVA!
94.KUZOCACA KE UKUTHI KANTI ONKULUNKULU BANGAKI, NOKUTHI UMA UJESU NAYE ENGUNKULUNKULU, ENGUMSINDISI, AKASICHAZELANGA NGANI LOKHO UJEHOVA? KANTI UNKULUNKULU UYAKHULUMA YINI ABUYE AZIPHIKISE?
95.KuMathewu 5:17-19 uYeshua uthi umthetho kaNkulunkulu umi nguna phakade, uma kuba khona ongawugcini, futhi abuye afundise abantu ukuthi abangawugcini, angenke angene ezulwini.
96.Kodwa lowo umthetho kaJehova owugcinayo, abuye afundise abantu ukuthi abawugcine, nguyena oyobona umbuso wezulu!
97.KuMathewu 7:21-23 uYeshua uthi noma ungahlale umbiza, kodwa uma ungawugcini umthetho kaNkulunkulu njengoba sawunikwa nguMose, ngenke uwubone umbuso wezulu!
98.Uthi ke uYeshua ekufeni kwakho, kothi usumkhumbuza ukuthi wawuprofetha ngegama lakhe, wenza imisebenzi emikhulu ngegama lakhe, kodwa uma ubungawugcini umthetho kaJehova, uyokuxosha, athi “:Suka kuye menzi wobubi, akakwazi!”
99.Ku Johane 14:15 uYeshua uthi: “Uma ningithanda nogcina imiyalo yami.”
100.KuJohane 17:3 uYeshua uthi: “Ukuphila okuphakade yilokhu ukuba BAZI WENA NKULUNKULU WEDWA OQINISILEYO, NOMTHUMILEYO, UJESU KRESTU.”
101.Kuvesi 8 uYeshua uthi: “NGOKUBA AMAZWI ONGIPHE WONA NGIBAPHILE WONA, BAWEMUKELA, BAZI ISIBILI UKUTHI NGAVELA KUWE, BAKHOLWA UKUTHI WANGITHUMA!!!!!
102.Ivangeli likaYeshua lisafana nelikaMose, nelikaMahomed nelika Shembe, ukuthi UMPROFTHI UYISITHUNYWA SIKAJEHOVA!!!!
103.ABANYE BATHI AKEKHO UNKULUNKULU! SIZOBONA KE UKUTHI LONKULUNKULU OKUTHIWA AKEKHO AKAZUKUVELA YINI, NOKUTHI EKUZIVEZENI KWAKHE KUZOBA MNANDI YINI?
104.Ngenyanga edlule kwakunomcimbi omkhulu wosaziwayo eLos Engels. Kulomcimbi kwase kuba nomcintiswano wokuthi ngobani abakholwa kuNkulunkulu. Umphumela wathi 0!
105.Kwabe sekuhlekwa kakhulu, umphathi wohlelo wathi lapha eLos Engels asikholwa nguNkulunkulu!
106.Kodwa kwathi kungakapheli no24 hours, iLos Engels yabe isha! Namanje isasha, ayicimeki!
107.Okuyisimanga ukuthi sekunezinyoni ezitholakala kuyizona ezishisayo! Imizi eko 30 000 ebiza o 9 million dollars ishile, izitimela namabhanoyi kuyasha!
108.Okuxakayo ukuthi sekunemiyalezo ethi PRAY FOR LOS ENGELS! Ungafike uhlekise ngoNkulunkulu, kuthi uma esephendula bese uthi asikuthandazise? Sikuthandazise kubani?
109.Iyangijabulisa lento eyenzeka eLos Engeles, because many people in this world have mocked God, saying He does not exist.
110.They were busy learning about African Spiritualism and other gods which our God Jehovah has never taught us about!
111.We reject any other gods except God Jehovah, the God of our ancestors!
112.Now, the world will know in grief that men cannot mock God and walk free! What is coming for all nations is too ghastly to contemplate!
113.I-Amerika izoba yiGomora yesibili! Ingcono iGomora ngoba abantu bashiswa bafa, kodwa i-Amerika uNkulunkulu uzohlekisa ngayo emhlabeni wonke!
114.Lesi sizwe asizukufa kangako, kodwa sizohlupheka ngendlela eyisimanga, sibe yinhlekisa emhlabeni wonke! Konke lokhu kuhlukumenza abebekwenza ezizweni eziningi, manje kuzoba kubo!
115.Mina lokhu kwathi nhlo ngilalela umyalezo kaJehova njengoba esuke ewedlulisa kithi ngo Sister Celestial! Ngiyazi ukuthi yonke lento uNkulunkulu oseyikhulume ngo Celestial izokwenzeka, uyobe uNkulunkulu akekho!
116.Okuzolandela ukufa kwa Donald Trump, bese kuba neCivil war e-Amerika! Emva kwalokho i-Amerika izonqotshhwa yiRussia ihlangene neNorth Korea, neChina ne-Iran kanye namanye amazwe!
117.Kodwa akuzukugcina lapho, bonke abaprofethi bamanga, namabandla athwele, isikhathi sabo sesiphelile, usefikile uJehova!
118.Bonke laba bantu abathi uNkulunkulu akekho, abathi asibuyele ukukhonza izithixo zabo namadlozi, lesi yisikhathi sikaJehova, sizoke sibone labo nkulunkulu okuhlale kuthiwa asibuyele kubo, sebebhekana noJehova!
119.AmaNazaretha kaNkulunkulu akanamathele encwadini esiyinikwe yingelosi, okungamaHubo 22:3-5, lapho kuthi: “Kepha wena ungongcwele, uhlezi ezibongweni zika-Israel.
120.Obaba bethu babekwethemba, wena wabakhulula. Bakhala kuwe, bakhululwa ngokwethemba wena, abaze bajabha!” Amen!
121.Nathi ke loNkulunkulu wokhokho bethu uzosisindisa kulezi zibhicongo uJehova ozoze hlisela labo abamklolodelayo!
INkosi ibusise izwi layo!