Uma eqala eshumayela umprofethi, uthi: “Nina-ke ndlu kaSenzangakhona, hlolisisani enikufundayo,nizwise, ningakhonzi izitha zenu akhuluma ngazo uJehova KUNINA EMANDULO, wathi UYONILETHELA ISIZWE SAKUDE(Dutoronomi 28:48).
Wathi uJehova kuleso sizwe niyakukhonza izithixo zemithi namatshe.”
Isihlabelelo 180
1.Wozani nonke zizwe
Selibasiwe lelo zinko
Ziyalotha zonke izizwe
Yizani badingayo.
2.Bamenywa wozani
Ifa lenu livuthiwe
Nikhalelani niliphethe
Sekwanele lidlenini.
3.Lincishwa abangalithandi
Abalithandayo wozani
Amasango alelo lifa
Avulelwe nina.
4.Lelo lifa ligciniwe
Ligcinelwe nina
Izulu nalomhlaba
Lalingakabi bikho lona.
1.Hoseya 4:6. “Abantu bami bayabhujiswa ngokweswela ulwazi, njengoba ulwenqabile ulwazi, nami ngiyenqaba ukuba ube ngumpristi wami.
2.Ukhohliwe ngumthetho kaNkulunkulu wakho, nami futhi ngiyakuba khohlwa abantwana bakho.” Amein!
3.Ekuhlaleni kwami nabantu abamnyama ngithole ukuthi abanalo ulwazi ngomlando wesizwe sabo. Kodwa okukhulu kakhulu ukuthi abazi ukuthi abazi, abakufuni nokwazi!
4.Kunalokho bagcina bebe ngabantu abaphoqa wena owaziyo ukuba wamukele ukungazi kwabo!
5.KumaHubo 83:2-5, kuthi: “Ngokuba bheka, izitha zakho ziyaxokozela, nabakuzondayo bayakuvukela. Ngobuqili, benza uzungu ngabantu bakho, BACEBA UKULWA NABANTU BAKHO, BATHI: WOZANI SIBAQOTHULE, BENGABA BESABA ISIZWE, NEGAMA LIKA-ISRAEL LINGABE LISAKHUNJULWA.” Amein!
6.Lesi siprofetho senkosi uDavide sijule kakhulu ngoba senzeka kusasele mhlawumbe inkulungwane yeminyaka singakenzeki, kodwa kwagcina kwenzeke lokho umprofethi owakusho!
7.Kunabantu ke abayaye bedaze inkani, bakhulume noma yini ngomlando wesizwe esimnyama.
8.Angazi ukuthi bangaki esizweni sakithi abake bajula ngalesi siprofetho esithi:
“Ngobuqili, benza uzungu ngabantu bakho, BACEBA UKULWA NABANTU BAKHO, BATHI: “WOZANI SIBAQOTHULE, BENGABA BESABA ISIZWE, NEGAMA LIKA-ISRAEL LINGABE LISAKHUNJULWA.”
9.Ngazijwayeza ukufunda kwase buntwaneni bami, kodwa ngingafundi wona amaNovel; angikaze ngiyifunde iNovel, angikaze ngiyifundi i-fiction empilweni yami, kodwa ngiyaye ngifunde into engumlando nenginika ulwazi ngezinto ezikhona nezake zaba khona.
10.Uma sekuza enkolweni, ukuze ngithi into ikhona, ngaqale ngayi landele ngokwezomoya, (spiritual knowledge), uma sengine spiritual knowledge yaleyonto, bese ngiyilandela ngokomlando (historical knowledge.) Angikaze ngilubone lolulwazi lushayisana!
11.Njengamanje sesinama DNA test, okuyi scientific knowledge! Kodwa umuntu ongazi lutho, nonenkani yokwamukela okufundiswayo, uvele ephike ngisho into isitholwe yiDNA!
12.Ngake ngafunda enye incwadi lapho kwakunaba mhlophe bezomlando, ama historians, kodwa bephika bema ngentaba ukuthi isizwe sama Lemba siyinzalo ka-Israel.
13.Bethi ama-Israel abantu abamhlophe, ngakho ke akukwazi ukuthi umuntu omnyama engazalwa nomuntu omhlophe!
14.Kwenziwa amaDNA tests beneqholo elikhulu lokuthi bazowabamba lamanga abantu abamnyama!
15.Ingakenziwa iDNA test, omunye umlungu wayebeke isithombe somlungu nomuntu omnyama ndawonye, lomlungu ehleka ethi kakukwazi ukuthi u-Israel, owayethi wayemhlophe, wayengazala umuntu omnyama!
16.Kodwa kwaba yisimanga ukuthi uma sekuyiwa kuDNA test, iDNA yafike yathi u-Israel kwakungu muntu omnyama, amaLembe iwona ayinzalo kaJakobe.
17.Engakuthanda ngalama historians kwaba ukuthi babonisa ukuthi baneqiniso, ngoba abazange baba benza umkhonyovu, kodwa kwaba yibona abathi lento ebebethi bayayazi ayikho!
18.Bedlulela phambili, base benza iDNA test yamaNegro nama Bantu, bathola ukuthi njengama Lemba, ama Bantu nama Negro inzalo kaJakobe!
19.Kodwa umuntu ongazi lutho, nongafuni ukufunda, umuzwa ngoba ephikisa ngisho iDNA evuna yena, eme ngokuthi ngoba yena ubazi ukuthi lento imi ngendlela abecabanga ngayo, i-scientific test ayisho lutho, okuyikho ilokhu okwaziwa nguye!
20.Sengiba lalele kakhulu abantu abangazi lutho ngomlando wesizwe esimnyama.
21.Okokuqala ubona ngokuthi uthi ukhuluma ngamaHebheru, isizwe esadaleka ngo 1647 B.C, sanqotshwa okokugcina ngo 70 A.D, bese yena ezokuphikisa ngesizwe sakwaZulu esingakayiqedi ngisho iminyaka engu 200 sabakhona!
22.Bese uyazibuza ukuthi ngizokhulumani nalomuntu, ngoba ngendlela ongazi lutho ngayo, nongazi ukuthi akazi, ukuchitha iusikhathi ukuphikisana naye!
23.Kusukela kwaba nezimpi zenkosi uShaka, ezinye izakhamuzi zabaleka KwaZulu zaya kwamanye amazwe, njengoSoShangane nabanye.
24.Lapho abazinza khona baba yisizwe, bagcina sebenolimi lwabo okungaseyiso isiZulu!
25.AmaNguni kwakuyisizwe esisodwa esabakhona mhlawumbe kusukela ko 1500 A.D.
26.Kodwa namuhla sesiyizizwe eziningi ezikhuluma izilimi ezahlukene, njengamanje asazi ukuthi abanguni babekhuluma lulimi luni, ngoba amaZulu, amaXhosa, amaSwati, nezinye, ekuqaleni babeyisizwe esisodwa esikhuluma ulimi olulodwa.
27.Manje ke isizwe esaqedwa eminyakeni yo 70 A.D, ngokuthunjelwa, emazwenikazi naseziqhingini ezahlukene umhlaba wonke, asikwazi ukuba ngabe sisakhuluma isiHebheru!
28.Kodwa ngenxa yokuziqhenya ngalolu limi lwesizwe sikaJehova, zisekhona izizwe ezimnyama ezisakhuluma isiHebheru njengoba sinjalo.
29.Mina sengake ngahlangana nabantu abamnyama abasala ePalestine emva kokunqotshwa kwamaJuda. Laba bantu bahla ezintabeni angenke uzwe kukhulunywa ngabo.
30.Okwaba buhlungu kakhulu kimi kwaba ukuthi bathi ama-Arab abahlukumeza ngaphezu kokuba wona ehlukunyezwa ngama Jewish Ashkenazi.
31.Uthi ke lomHebheru, thina silwela ama-Arab ahlukunyezwa ngama Juda, kodwa asinendaba nabantu bakithi abahlukunyezwa ngama-Arab ezweni labo! Bona basezigqili zama-Arab!
32.Ngisho ukuthini uma ngithi into ngiyaye ngiyifune spiritually? Sasinomprofethi u-Isaya Shembe owayephila kusukela ko 1865 kuya ku 1935.
33.Lomprofethi ezi ntshumayelweni zakhe, njenge ntshumayelo yase Rosboom, wakubeka ngokusobala ukuthi uDutoronomi 28 ukhuluma ngesizwe esimnyama.
34.Uma eqala eshumayela umprofethi, uthi: “Nina-ke ndlu kaSenzangakhona, hlolisisani enikufundayo,nizwise, ningakhonzi izitha zenu akhuluma ngazo uJehova KUNINA EMANDULO, wathi UYONILETHELA ISIZWE SAKUDE(Dutoronomi 28:48).
35.Wathi uJehova kuleso sizwe niyakukhonza izithixo zemithi namatshe.”
36.Lentshumayelo inde, kodwa lapha ngiveza ukuthi uMprofethi wakucacisa ukuthi uDutoronomi 28 ukhuluma ngokhokho bethu!
37.Kusihlabelelo 74:4 uShembe uthi: “Imbangi yokusa YOMNDENI KAJUDA, ibasindisile abaningi, wozani nisindiswe.”
38.Kulesi sihlabelele uMprofethi uthi yena uvela endlini kaJuda. Ngalesi sihlabelelo umprofethi wabe efakazisa ukuthi thina maZulu siyinzalo yenddlu kaJuda!
39.Kusihlabelelo 77:4 uShembe uthi: “Ningabi njengo yihlo benu ababulala abaprofethi ababethunyelwe kubo.”
40.Nakulesi sihlabelelo uShembe wayefakazisa ukuthi siyinzalo yesizwe samaHebheru, ngoba AmaZulu akazi lutho ngaba profethi esizweni sakithi, ngakho ke abakaze babulale mprofethi!
41.Isihlabelelo 106:7 sithi: “Imikhosi edumileyo yaba postoli, yabafela izwi lakho, ize phakathi kwakho Kuphakama ize ukudumisa uJehova.”
42.Umbuzo uthi, njengamaZulu, abapostoli bakwaJuda bayobe bezokwenzani eKuphakameni uma singayiyo inzalo yamaHebheru?
43.Kuvesi 16 womthandazo wesabatha uShembe uthi: “Ekusihawukeleni kuka Jehova ekwedukeni kwethu emthethweni wakhe, wasibuyisela kuye ukuba sibuyele SIBE NGABANTWANA BAKHE NJENGOBA SINGABANTWANA BAKHE KAKADE!”
44.Njengesihlabelelo esithi sabulala abaprofethi, njengesizwe samaZulu sasihlanganaphi noJehova, imiphi imithetho kaJehova esahlubuka uJehova kuyo?
45.Kusobala ukuthi uShembe ukhuluma ngesizwe samaHebheru lapho ethi: “Wasibuyisela kuye ukuba sibuyele SIBE NGABANTWANA BAKHE NJENGOBA SINGABANTWANA BAKHE KAKADE!”
46.Ngibala izinto ezimbalwa lapho umprofethi wayesho ngeqholo ukuthi yithina isizwe sakwaJuda!
47.Ngiyaye ngingazike ukuthi uma umuntu engumNazaretha ephika ukuthi singamaJuda, umNazaretha umphikisa kanjani uShembe?
48.Inkinga ukuthi omunye umuntu uphika into ngisho eyibona ukuthi iliqiniso, kodwa bese ethi, mina angisoze ngavumelana nesitha sami, noma esikushoyo kwashiwo nguBabamkhulu!
49.Ukugcizelela ukuthi siyinzalo kaJakobe, akugcinanga ngoBabamkhulu, Kodwa ngelinye ilanga ibandla laseKuphakameni nelaseBuhleni babe banga igama lekomkhulu lamaNazaretha phakathi koBuhleni naseKuphakameni.
50.Ingelosi yabe isithi: “Ngiyabezwa nje laba ababanga ikomkhulu ezulwini phakathi kwase Kuphakama nase Buhleni, kodwa umuzi oykomkhulu lamakholwa onke ezulwini kuseJerusalema.
51.Kuza isikhathi lapho okothi uma abantu sebeyazi indaba kaNkulunkulu, njalo ngonyaka amabandla omhlaba wonke ayohlanganela eJerusalema ukuyokhonza uJehova!”
52.Lenkulumo ayizange yehla kahle kimi, ngazibuza ukuthi thina sihlanganiswa yini neJerusalema? Kodwa angaze ngasho lutho.
53.Ngelinye ilanga ingelosi yavele yakhuluma yaqonda, yathi: “AmaJuda ngabantu abamnyama, wena nje uzalwa ngaphansi kwendlu kaJuda!
54.Yangethusa kakhulu lenkulumo, ngaqala lapho ukwenza ucwaningo ngomlando wesizwe samaHebheru, ngoba ngazi ukuthi ingelosi angenke ilikhulume iphutha.
55.Noma kunjalo, kodwa nganginenkinga yokuthi abantu abaningi babengakholwa nokuthi ikhona lengelosi, kangakanani ke ukuthi ngifakaze ngento bonke abantu ababeyoyithatha ngokuthi imbudane!
56.Kodwa kwenzeka isimanga, ngoba ngathola ukuthi wonke umuntu usenocwaningo ngesizwe samaHebheru, ukuthi yithina labo.
57.Lenkulumo yayisi gcwele ezinkundleni ikhulunywa ngaba mnyama nabamhlophe befakaza ukuthi amaHebheru ngabantu abamnyama!
58.Kungani kumaHubo 83 kuthi: “BACEBA UKULWA NABANTU BAKHO, BATHI: WOZANI SIBAQOTHULE, BENGABA BESABA ISIZWE, NEGAMA LIKA-ISRAEL LINGABE LISAKHUNJULWA.”
59.Ngesikhathi isizwe sakwa-Israel sisahamba noJehova, asikho isizwe esasimelana naso. Kwagcina kudume ezizweni zonke ukuthi uNkulunkulu wama-Israel akamelani nasizwe.
60.Abezizwe babazi ukuthi isizwe sakwa-Israel sinemithetho esiphila ngayo, okuyaye kuthi uma singasayigcini loNkulunkulu wabo abashiye, bese lezi zizwe zikwazi ukusehlula.
61.Abezizwe babazi ukuthi ukunqotshwa kobukhosi bakwa-Israel ngama-Asiriya kwakungenxa yokuhlubuka uJehova.
62.Manje ukuze lesi sizwe basinqobe okokugcina kwakufanele ukuba basisuse kuNkulunkulu waso.
63.Kodwa lokho kwakungalula ngoba kwakuyothi njalo ekuhluphekeni kwamaHebheru bese bebiza uNkulunkulu wabo ukuzobalwela, bese uyabaxolela, abuyele kubo!
64.Yinye into eyayingenza ukuthi amaHebheru anqotshwe unomphela, ukuthi kwenziwe inzalo yabo ingayazi imvelo yazo, ikakhulu ukuthi bayinzalo ka-Israel!
65.Yikho kuthi: “BATHI: WOZANI SIBAQOTHULE, BENGABA BESABA ISIZWE, NEGAMA LIKA-ISRAEL LINGABE LISAKHUNJULWA.”
66.Ukungazi ukuthi bayinzalo ka-Israel kwakuzokwenza ukuthi ngisho ekuhluphekeni kwabo, bengakwazi ukuthi “Jehova Nkulunkulu kakhokho wethu u-Israel!”
67.Kwakubalulekile ukuthi abezizwe basinqoba ngokusenza singazi ukuthi singabantwana bakaJehova, ngakho ke asingamkhonzi uJehova ozosenza ukuthi singanqotshwa sizwe!
68.Nempela ke bakwenza lokho. Ngo 70 A.D kwaba nempi yamaRoma namaHebheru, ngaleso sikhathi amaHebheru ayesaziwa ukuthi bangamaJuda!’
69.Kulempi amaJuda anqotshwa, amaRoma ayesewenza izigqila. Angagcina ngalokho, kodwa amaRoma ayeseba nama Creeds, ngawo ababechitha inkolo yamaHebheru. Sekukaningi sichaza ngalamaCreeds!
70.Babe sebephoqa amaHebheru ukuthi alandele inkolo yamaKrestu, abangayilandeli bebulawa!
71.AmaJuda amaningi abalekela eSouth West Afrika. Sebese West Afrika, abanye emva kwesikhathi ababange besazi ukuthi bangamaJuda ngoba basebeyizugqila ezaziwa ngokuthi ngamaNegro! Ukuthi “nigger” ngesiLatini kusho ukuthi “Black”
72.Kwabe sekunezwe lamaHebheru eWest Afrika eyaziwa ngokuthi i-Negroland okuyizwe lamaNegro! Namanje leyo map ikhona, enendawo ebizwa ngokuthi “Kingdom of Judah, nekaNaphtal, okuyinzalo ka-Israel!
73.Uma uthi uyalandela ukuthi i-Kindom of Juda izofunani e-Afrika, impendulo ithi bafuduka besuka ePalestine!
74.Umlando uthi abanye banqamula i-Sahara Desert baze bafika eMzansi ne-Afrika. Labo abezizwe base bebizwa ngama Bantu!
75.Lokhu ukubizwa ngama Negro nama Bantu kwakucishwa igama lemvelaphi yabo ukuthi bangamaJuda, noma amaHebheru!
76.Kodwa uma usufunda izincwadi zomlando, iningi lazo ezibhalwe yibo abamhlophe, kubonisa ngisho imizila abamnyama abayithatha besuka enhla nezwe bebalekela isizwe samaRoma.
77.Kunezincwadi ezichaza kahle ukuthi eminyakeni yo 1850, amaZulu ayaziwa ngokuthi ngamaJuda!
78.Nengonyama yamaZulu, inkosi uZwelithini, ngake ngamuzwa ekhuluma ngokuthi amaZulu angamaJuda, yikho usiko lwethu oluningi lutholakala eBhayibhelini!
79.Ayikho into eyinkinga njengokuthi ufike ungazihluphi ngokufunda, kodwa bese uphikisa izinto ezicwaningiwe!
80.Kuyi-Afrika yonke iTopiya kuphela izwe elingakaze libe ngaphansi kwe Colony yabamhlophe.
81.Kodwa akekkho umuntu omnyama engike ngimuzwe ezihlupha ngolwazi lokuthi kwenzeka kanjani ukuthi i-Itopia yona yodwa ingaba yi Colony yabamhlophe?
82.Isizwe samaRoma sazinqoba zonke ezinye izizwe, nezimhlophe, sase saziwa ngokuthi i-Roman Empire.
83.Kodwa sehluleka sancama ukuthi sinqobe izwe laseTopiya! Iningi lethu alazi ukuthi iTopiya yona yodwa ineBhayibheli elehluke kakhulu kuleliBhayibheli esilifundayo, iKing James version!
84.LeliBhayibheli linezincwadi ezingu 88, kanti elethu linezingu 66. LeliBhayibheli linezincwadi ezinjenge ncwadi ka-Enock, incwadi iJubilee, iShepherd of Hermas, The book of Adam and Eve, okuyizincwadi ezinokuhlakanipha okujulile nangokozomoya, ngezimangaliso zezulu, zomhlaba nangezingelosi, nokuthi umuntu uyophela kanjani.
85.LeliBhayibheli liqukethe izinto ezinkulu esafihlelwa zona ngokukholwa okwehlukile kulokhu kwase West! Kodwa leliBhayibheli lenqatshelwe ukufundwa enkolweni yobuKrestu!
86.Kungani amaTopia enaleliBhayibheli eliphethe yonke iTorah nezinye izincwadi zeBhayibheli uma iBhayibheli lingabhalwangwa ngabantu abamnyama; futhi senqatshelelwani ukulifunda?
87.Isizwe esimnyama ngokungafundi semukela noma yini esiyitshelwa isizwe esimhlophe, ngisho leyonto ingacaca nakanjani ukuthi ayisilona iqiniso.
87.Kunesizwe esimhlophe esizizibiza ngokuthi singamaJuda. Yebo siyavuma ukuthi singamaJuda ngokwenkolo, noma lenkolo ingafani ncamashi nenkolo yokhokho bethu.
88.Kodwa abasiyo inzalo kaJakobe, yikho bebizwa ngokuthi ama-Ashkenazi Jews, ngoba bayinzalo ka-Ashkenazi, okhona naye eBhayibhelini njengo Shem.
89.Sake sachaza ukuthi eminyakeni yo 700 A.D, inkosi yama Khazars, uBulan, wathuma isizwe sakhe eBabylon ukuba siyofuna inkolo ehlukile kweyobuKrestu neyobu-Islam, ngoba zombili lezi zinkolo zazilwa. Ngakho ke lenkosi ingafuni isizwe sayo sibe kulezi zimpi.
90.Lokhu kubonisa ngokusobala ukuthi iJewish Faith yama Ashkenazi intsha ngisho enkolweni yama Moslems!
91.Lesi sizwe eBabylon sahlangana nesizwe sakwa-Israel esasinqotshwe ngabezizwe, nababengasayi sebenzisi iTorah ekuthunjweni, kodwa sebene Talmud. Lenkolo yabe isibizwa ngokuthi iTalmudism.
92.Emva kwesikhathi yashintsha lenkolo, kwase kuthiwa yi Judaism, isuselwa esizweni samaJuda.
94.Lama Khazars akagcinanga ngokuthatha inkolo yesizwe esimnyama, kodwa bathatha nobuzwe baso, sebethi yibo abangabantwana bakwa-Israel.
95.Lokho kwazijabulisa izizwe ezimhlophe, ngoba kwakuzinika ithemba lokuqeda isizwe nenkolo ka-Israel, amaHebheru ayeziqhenya kakhulu ngayo!
96.Kwase kuba yinkolo yama-Ashkenazi, sekucishwa ukuthi inkolo yethu!
97.Sabe sesiyafezeka ke isiprofetho esikumaHubo 83:3-5 sokwenza inzalo ka_Israel ingazazi ukuthi yiyo engamaHebheru!
98.Kodwa uYeshua wayewaphike engakabi bikho lamaJuda, naye ewaphika ngesi profetho. Okuse qinisweni ngokomlando akaze abekhona amaJuda amhlophe!
99.Encwadini yeSambulo 2:9 uYeshua uthi: “Ngiyakwazi ukuhlupheka kwakho, nobumpofu bakho, kodwa ube ucebile, nenhlamba yalabo abathi bangamaJuda bengesiwo, kodwa beyiSinagogue likaSathane!”
100.Lapho sesinobufakazi ngisho be DNA ukuthi kwakungabantu abamnyama amaHebheru, ngabe asisekho isidingo sokuthi siphikisane ngento esinobufakazi ngisho besayensi ukuthi amaHebheru ngabantu abamnyama!
101.Okukhulu kakhulu ukuthi le DNA yenziwa ngabamhlophe ababekuphika ukuthi amaHebheru ngabantu abamnyama.
102.Lapha e-Afrika, ngaphandle kobufakazi bamaLemba, kunezizwe eziningi eTopia, eGhana, eNigeria ezaziwa njengenzalo yamaHebheru!
103.Manje umuntu osaphika ukuthi amaHebheru ngabantu abamnyama usuke esichithela isikhathi!
104.Kodwa okukhulu kakhulu kithi akukho kuphela ukuthi siyinzalo ka-Israel, kodwa ukuthi siyisizwe esikhethwe nguJehova ukuba yisizwe sakhe!
105.Kodwa onke amakholwa angafuni ukuphila ngaphansi komthetho kaJehova, nabenkolo yoMdabu asebe nababo onkulunkulu, uhlobo lwabantu olulwela ukuthi inkolo iphele, abaphatheki kahle uma bethola ukuthi ngokwemvelo siyinkolo kaJehova.
106.Ngaphambi kwamasiko osekuthiwa ngawomdabu, abantwana bakwa-Israel, okuyithi, sasibuswa ngumthetho kaJehova!
107.Kodwa ngokuhlubuka uJehova, sawulahla umthetho wakhe, sase sizakhela amasiko esasihamba siwaqoqa ngendlela yonkulunkulu esesiba khonza, abanjengoMkhubulwane, njengoba namanje eMsinga ngizwa kuthiwa sebekhonza inyoka yamanzi. Lenyoka esikhonzwa, ingomunye unkulunkulu!
108.Kodwa okudabukisayo ukuthi baqala ukukhonza abanye onkulunkulu ngezinsuku zokugcina!
Isihlungo sozihlunga!
Inkosi ibusise enikuzwiule.