KuMathewu 7:21-23, uYeshua ukubeke kwacaca ukuthi noma ungahlala umdumisa, ukhipha amadimoni, wenza imisebenzi emikhulu ngegama lakhe, kodwa uma ungawugcini umthetho kaNkulunkulu, kwelizayo uYeshua uyokuphika athi ungumenzi wobubi ongafanele ukuzihlanganisa naye!
1.Imini yeSabatha ayibenhle kwabangcwele. Isihloko sale nkonzo sithi: SIBUYELA KANJANI KUJEHOVA UNKULUNKULU WETHU?
2.Ngike ngathola ivideo lapho bekukhuluma khona umlungu wase-Amerika. Lo mlungu ukhulume kanje:
3.“My testimony is how I, gentile white male, who grew up in a conservative evangelical community; became a wagon to who the true chosen people of God are, the true Hebrew Israelites are!
4.To share the whole story, I asked the question (from God), and He said: “My son, they are my true chosen children, they are the true chosen people of me!
5.And to back up that Voice, He led me to Deuteronomy 28, when the first time in my life those words bounced off and penetrated in my heart, and I wept!
6.When finally, after all these years, I got an understanding as to why black brothers and sisters in this country and around the world are so mistreated, and especially in this country are so much oppressed?
7.It is because they are the true children of the Most high God, they are the true Hebrew Israelites!
8.They are in another Egypt of Amerika, under a four hundred years curse due to disobedience of their forefathers!
8.And that the Jews we thought have been fooled by, are not the true chosen people, but as what the revelation talks about as the impostors, Jewish – like something, but not the real something!
9.But the Hebrew Israelites of today are the black brothers and sisters, and the answer finally came!
10.I was not brain-washed, I was not coerced and I was not in a camp!”
11.NgesiZulu lo mlungu uthi: “Ngalobu bufakazi ngiveza ukuthi kwenzeka kanjani ukuthi mina owezizwe omhlophe nokhulele emphakathini wevangeli, ngizithole senginikezwa umthwalo wokuthi ngichaze ukuthi ngobani amaHebheru angama-Israel ngempela!
12.Ukunazisa indaba yonke, kwaba nombuzo engilokhu ngiwubuza, kodwa kwase kuvela iZwi likaNkulunkulu lithi: “Ndodana yami, laba ibona bantwana bami, bangabantu abakhethwa yimi!
13.Ukwenanela engangikutshelwa, leli lizwi lathi angifunde uDuteronomi 28, okwathi ngokokuqala ngifunda lencwadi, lamazwi angenza ngagxuma, angena enhliziweni yami, ngazithola sengilokhu ngikhala ngingaqedi!
14.Ngangikhaliswa ukuthi kuyo yonke le minyaka, ekugcineni ngiqonde ukuthi kungani abafowethu nodadewethu okuthiwa bamnyama behlukunyezwe kangaka kuleli lizwe nasemhlabeni wonke, nokuthi kungani, ikakhulukazi lapha kithi, bona behlale becindezelwa kangaka!
15.Lithi-ke ilizwi: “Kungenxa yokuthi laba bayisizwe esikhethiwe sikaNkulunkulu oPhezukonke!
16.Laba yiwona ama-Israel angempela; lapha e-Amerika kusafana nokuthi bathunjwe eGibhithe lapho bahlala khona iminyaka engamakhulu amane.
17.Bathwele isiqalekiso sokhokho babo abasenza ngokuhlubuka uNkulunkulu!
18.Laba ebesihlale sikhohliswa ngabo kuthiwa bangamaJuda, abayiso isizwe esakhethwa nguNkulunkulu, kodwa, njengoba isambulo sikhuluma ngabo, bangaba qambi manga, bazenza amaJuda bengesiwo!
19.Kodwa amaHebheru angama-Israel namuhla yilaba bafowethu nodadewethu abamnyama. Ileyo mpendulo engagcina ngiyinikiwe!
20.Angizange ngifunzwe lokhu kukhuluma, noma ngiphoqwe ukuba ngikukhulume!”
21.Le nkulumo yalo mlungu ayiqali ukuvela ngaye, kodwa yena ufakaza ngeqiniso esilaziyo, kodwa singalemukeli! Mhlawumbe manje sesizo lemukela ngoba sekukhuluma umlungu!
22.Entshumayelweni kaShembe uBabamkhulu eRosboom ngo 1933, wathi: “Fundani nizwisise kahle sizwe sakithi, ningakhonzi izitha zenu.
23.Leli lizwi elathi: ‘UJehova uyakukulethela isizwe sakude ekugcineni komhlaba, nolimi lwaso ongayikulizwa,’ (Duteronomi 28:49),
24.‘Lesi sizwe siyakudla inzalo yezinkomo zakho nenzalo yezimvu zakho, singakushiyeli nammbila.’ (Ves. 51).
25.Nina-ke ndlu kaSenzangakhona, hlolisisani enikufundayo, nizwisise, ningakhonzi izitha zenu akhuluma ngazo uJehova KININA EMANDULO, wathi uyonilethela isizwe sakude (Duteronomi 28:48).
26.Wathi uJehova kuleso sizwe niyakukhonza izithixo zemithi namatshe. (vesi 36). Wathi uJehova kuwe, kuleso sizwe akulethele sona uyakuba isimangaliso nesiga; ukuthi isiga kusho into yokuhlekisa.”
27.Akugcinanga ngoBabamkhulu ukuveza ukuthi lesi sizwe uJehova okhuluma ngaso kuDuteronomi 28, yithi, kodwa nengelosi ifike yagcizelela lokho kithi!
28.Ngaphandle kwalokho, kunemibhalo eminingi efakaza ngalokhu okushiwo yilomlungu.
29.Sesikuveze kaningi ukuthi ngisho abamhlophe ebebekuphika lokho, bagcina ngokwenza iDNA Test eyafika yavuna thina, ukuthi yithina inzalo ka-Israel!
30.Uma kunjalo-ke, inkinga yethu ikuphi ukuba singabuyeli kuJehova, ukuze sibuyele ebuhleni esasinabo singakayephuli imithetho?
31.Angazi noma lobu buwula esinabo kudalwa yilesi siqalekiso esisithwele yini, ngoba ngisho kungathiwa sifunde kanjani, sihlakaniphe kanjani, sivele sishiye esikufundiswe nguJehova eBhayibhelini, samukele lokho esikufundiswa ngabezizwe!
32.Akukhathaleki ukuthi iBhayibheli esihlale siliqhakambisa lithini, siyidinsila phansi imibhalo yalo, bese sithatha esikufundiswa yizitha zikaJehova!
33.KuJeremiya 31:31-32 kuthi: “Bheka izinsuku ziyeza, kusho uJehova, lapho ngiyokwenza isivumelwano esisha nendlu ka-Israel, nendlu kaJuda, esingafani nesivumelwano sokhokho babo, mhla ngibabamba ngesandla ngibakhipha eGibhithe, isivumelwano sami abasephula noma ngangiyiNkosi yabo!”
34.Okokuqala siyakuphika ukuthi siyindlu ka-Israel noJuda, kodwa uma abezizwe sebechitha umthetho kaJehova, sithi lesi sivumelwano ngesikaJehova nabantu bonke!
35.Sichitha ngaso umthetho kaJehova esesiwubiza ngesithunzi! Abezizwe baphumelele ukusihlubula kuJehova!
36.Sichitha umthetho kaJehova, siphikisa uYeshua othi kuMathewu 5:17-19 umthetho kaJehova umi nguna phakade, nokuthi ongawugcini, abuye afundise abantu ukuthi bengawugcini, angenke angene ezulwini.
37.Le nkulumo iphambi kwabantu abathi bangaba khonzi bakaJesu!
38.Ungasho kanjani ukuthi umuntu uyamkhonza, kodwa ungazamukeli izimfundiso zakhe?
39.Ekufeni kukaYeshua, abafundi bakhe babhala incwadi okuthiwa THE GOSPEL OF THE 12 APOSTLES, kuyo abaqoqa zonke izimfundiso zikaYeshua. Le ncwadi amaRoma ayishisa!
40.Njengoba laba kwakungabafundi bakaYeshua, amaRoma ayishiselani imibhalo yabo?
41.Kwakungenxa yokuthi abezizwe bechithe uYeshua owabe eliJuda, kodwa bazakhela owabo umsindisi okwakufanele ukuthi ehambisane nenkolo yabo!
42.KuMathewu 7:21-23, uYeshua ukubeke kwacaca ukuthi noma ungahlala umdumisa, ukhipha amadimoni, wenza imisebenzi emikhulu ngegama lakhe, kodwa uma ungawugcini umthetho kaNkulunkulu, kwelizayo uYeshua uyokuphika athi ungumenzi wobubi ongafanele ukuzihlanganisa naye!
43.Uthi uYeshua abangawugcini umthetho kaJehova, bangabenzi bobubi!
44.Kodwa abantu abamnyama bazichithile izimfundiso zikaYeshua, bathatha ezezitha zikaJehova ezithi umthetho kaJehova uyisithunzi!
45.Okokuqala, abezizwe baba nama Creeds ayechitha inkolo kaMose, bebulawa abantu abagcina iSabatha, ngoba le ngokwabo kuyinkoloze yamaHebheru!
46.Kuthe uma sebebona ukuthi umbuso wabo usuyawa, base lama Creeds sebewaqinisa ngencwadi abathi ingcwele, ukuze sicabange ukuthi inkolo kaJehova ichithwa nguYeshua, ngakho-ke nathi kumele sibalekelele ekuchitheni inkolo yethu!
47.Nathi-ke sizwe esimnyama sakwemukela lobu buqili bokuthi abezizwe basebenzise thina ukuchitha umthetho uJehova owubekela thina!
48.Sinjani ke manje, njengoba washo uJehova, sizidwedwe zazo zonke izizwe, ngoba samhlubuka uJehova salandela onkulunkulu bezinye izizwe!
49.KuMathewu 15:24 kuthi: “Kepha uJesu waphendula wathi: “Angithunyelwanga kwabanye, kodwa kuphela ezimvini ezilahlekile zendlu yakwa-Israel”
50.KuMathewu 10:5-6 kuthi: “Laba abangu abalishumi nambili wabathuma, wabayala wathi: “Ningayi kwabezizwe, ningangeni nasemizini yamaSamariya, kodwa yanini ezimvini ezilahlekileyo zendlu ka-Israel.”
51.izimvu ezilahlekile yithi, kodwa ukuze singakholwa ngokwezimfundiso zikaYeshua, kwathi lokhu esikufundiswa nguYeshua bakuchitha, base bethi asikholwe ukuthi uNkulunkulu ulethe iNdodana yakhe ezelwe yodwa ukuba izofela izono zethu!
52.Kodwa leli vesi lingumfakela, alikho ezincwadini zamaHebheru iTestamente Elisha elasuselwa kuzo, abezizwe balakhela ukusisusa emthethweni kaJehova ukuze silandele inqubo yenkolo yabo!
53.KumaHebheru 10:26-28 uSha’ul uthi: “Ngokuba uma sona ngamabomu, emva kokuba sesilwamukele ulwazi olupheleleyo lweqiniso, akusekho mhlatshelo ongenziwa ngenxa yezono.
54.Kepha kuphela ukulindela ukwehlulelwa okwesabekayo nomlilo ozongqongqisa amaphika nkani!
55.Noma ngubani ophula umthetho kaMose uyakufa engenakuhawukelwa ngezwi lofakazi ababili noma abathathu!”
56.Le ncwadi eku New Testament, kuyo uSha’ul ukhuluma ngokuthethelelwa kwezono ngomhlatshelo wezilwane njengoba sifundiswa liTestamente eElidala, hhayi ngokufelwa nguYeshua!
57.Le nkululumo isiphikisa imfundiso ethi ngokubethelwa kukaYeshua esiphambanweni izono zethu sezigeziwe, kungakhathaleki ukuthi isono usenze usukholiwe!
58.La mazwi akhulunywa nguPaul, yena lo ofundise ukuthi ngokufelwa nguYeshua esiphambanweni asisenasono!
59.Kodwa thina asiboni ukuthi lapha sinoPaul ababili, owokuqala yilo oliJuda, owayezingela amakholwa, ku-Izenzo 24:5 owagcina esengumholi wamaNazaretha.
60.Owesibili yilo owakhiwa ngabezizwe ngenhloso yokuthi ngezimfundiso zakhe sichithe umthetho kaJehova!
65.Abantu abaningi abamnyama bazi ukuthi iBhayibheli incwadi yabelungu, kodwa akunjalo!
66.Lonke iTestamente Elidala, okuyi Torah, labhalwa ngabantu abamnyama!
67.Nezincwadi zeTestamente Elisha zazibhalwe ngamaHebheru, kodwa okwathi lezo abazishicilelayo, abezizwe bazihlanakezela ekuzihumusheleni ezilimini zabo, isiGriki nesiLatin, ukuze zihambelane nenkolo yabo!
68.Ezinye izincwadi, njenge GOSPEL OF THE 12 APOSTLES, bazishisa ukuze ngazo singalazi ivangeli labafundi bakaYeshua ngezimfundiso zakhe!
69.Sesinobufakazi obanele ukuthi yithina amaHebheru, nokuthi lokhu kuhlale sihlukunyezwa, sithunjwa yizo zonke izizwe, kungenxa yesiqalekiso esasehlela ngokuhlubuka uJehova njengoba kubhaliwe kuDuteronomi 28!!
70.Pho singabuyela kanjani kuJehova kanye nenzalo yethu? Inkinga enkulu ukungafuni ukufunda!
71.Ngokomlando sesinobufakazi nobe DNA ukuthi inkolo yokhokho bethu yinkolo kaMose.
72.Kodwa esikufundiswayo ukuthi inkolo yokhokho bethu yinkolo yomdabu!
73.Njengoba inkolo kaJehova indala kunenkolo yomdabu, thina sasichitha isivumelwano esasenza noJehova, sase samukela imikhuba yezinye izizwe njengokubhaliwe kuDuteronomi 18:9-14!
74.Ngaphandle kokuba sibuyele kuJehova, kumele sazi ukuthi lesi siqalekiso ngenke sisuke kithi, sohlale sizigqila zezinye izizwe, sihlupheka ngezindlela eziningi, kanti sithwele izono zokhokho bethu!
INkosi ibusise lokho enikuzwile.
Le nkonzo iyatholakala ku YouTube othi Rev Mpanza NCG.