UKUZE UKUKHOLWA KWETHU KULENKOLO YOBUNAZARETHA KUZINZE, KUMELE SILIFUNDE SILIQONDE IBHAYIBHELI.
LITHINI IBHAYIBHELI NA?
INTSHUMAYELO YASEKUSENI NGESABATHA LOMHLAKA 23 MARCH 2024! NGU REV DR MABASO.
ISIHLABELELO 13.
AMATHALENTE NEZIPHIWO
MAKUSETSHENZIZWE NGUWE NKOSIKUNGIFUNE KUNGITHOLE EBUNINGINI BESISA SAKHO.
UKUNXANELA KOMOYA WAKHO
MAKUNGIFUNE KUNGITHOLE,
EBUMPOFINI BOMOYA WAMI
MANGITHOKOZE NAMUHLA WENKOSI.
YIZANI BANTU NONKE
SONDELANI NGASEMTHONJENI
LOWO MTHOMBO KAJAKOBE
LAPHO KWASINDA KHONA AMASAMARIA.
1. ISISEKELO SENKOLO YETHU – THINA MANAZARETHA
KANKULUNKULU – (NAZARITES CHURCH OF GOD – NCG)
a. YIBHAYIBHELI KANYE
b. NEZIHLABELELO ZAMANAZARETHA.
2. MHLAZANE BETHUNYWA ABAHOLI UKUBA BASIFUNDISE
INDLELA OKUYIYONA EQONDILE YOKUDUMISA UJEHOVA,
KWATHIWA ABOTHATHELA EBHAYIBHELINI KANYE NEZIMFUNDISO ZOMPROFETHI U-ISAIAH SHEMBE EFUNDISA AMANAZARETHA.
3. IBHAYIBHELI LINEZINCWADI EZINGU 66.
4. LEHLUKANISWE KABILI – OLD TESTAMENT KANYE NE NEW TESTAMENT.
5. OLD TESTAMENT LINEZINCWADI EZINGU 39.
6. NEW TESTAMENT LINEZINCWADI EZINGU 27.
7. IBHAYIBHELI LIKHULUMA NGEZINTO EZININGI, KODWA KONKE KUNOMONGO OWODWA WOKUDUMISA UJEHOVA – UMDALI WEZULU NOMHLABA.
8. UKUZE UKUKHOLWA KWETHU KULENKOLO YOBUNAZARETHA KUZINZE, KUMELE SILIFUNDE SILIQONDE IBHAYIBHELI.
9. IZINCWADI EZININGI ZEBHAYIBHELI ZINGO JEHOVA OWADALA IZULU NOMHLABA.
10. KWI OLD TESTAMENT – IZINCWADI EZINHLANU ZOKUQALA ZAZIWA NGOKUTHI ITORAH, NOMA IZINCWADI ZIKA MOSE.
11. NGOKULANDELANA KWAZO ZIMI KANJE:
a. GENESIS (50 – ISAHLUKO / CHAPTERS) 1533 VERSES
b. EXODUS (40) – 1213
c. LEVITICUS (27) – 859
d. NUMBERS (36) – 1288
e. DEUTORONOMY (34) – 959
12. OLD TESTAMENT EZILANDELA LEZI EZINHLANU, IZINCWADI EZINGU 12 ZIKHULUMA NGOMLANDO WABANTWANA BAKA ISRAEL SEBEPHUMILE EGIBHITHE.
13. NGOKULANDELANA KWAZO ZIMI KANJE
(a) JOSHUA (24)
(b) ABEHLULELI (21)
(c) RUTH (4)
(d) 1 SAMUEL (31)
(e) 2 SAMUEL (24)
(f) 1 AMAKHOSI (22)
(g) 2 AMAKHOSI (25)
(h) 1 IZIKRONIKE (29)
(i) 2 IZIKRONIKE (36)
(j) EZRA (10)
(k) NEHEMIA (13)
(l) ESTHER (10)
14. EZILANDELA LEZI EZINGU 12 EZIBALWE NGENHLA EZINHLANU ZIKHULUMA NGOBUNKONDLO, UBUHLAKANI, NEZELULEKO (KONKE KUSEKUDUMISENI UJEHOVA). YILEZI:
a. JOBE (42)
b. AMAHUBO (150)
c. IZAGA (31)
d. UMSHUMAYELI (12)
e. ISIHLABELELO SEZIHLABELELO (
15. EZILANDELA LEZI EZINHLANU, EZINGU 17 EZIKHULUMA NGABA PROFETHI BAKA JEHOVA.
a. ISAYA (66)
b. JEREMIYA (52)
c. ISILILO (5)
d. HEZEKELI (48)
e. DANIYELI (12)
f. HOSEYA (14)
g. JOWELI (3)
h. AMOSE (9)
i. OBADIYA (1)
j. JONA (4)
k. MIKA (7)
l. NAHUME (3)
m. HABAKUKI (3)
n. ZEFANIYA (3)
o. HAGAYI (2)
p. ZAKARIYA (14)
q. MALAKI (4)
16. I- OLD TESTAMENT LINEZAHLUKO (CHAPTERS) ANGU 929
– NAMA VESI ANGU 23 148. I- NEW TESTAMENT LINEZAHLUKO
(CHAPTER) ANGU 260 NAMA VESI ANGU 7959.
INCWADI KA GENESISI
17. GENESIS 1 VERSI 1 – EKUQALENI UNKULUNKULU WADALA IZULU NOMHLABA. KU VERSE 26 KUTHI – UNKULUNKULU WATHI: “MASENZE ABANTU NGOMFANEKISO WETHU, BASIFUZE, BABUSE PHEZU KWEZINHLANZI ZOLWANDLE, NEZINYONI ZEZULU, NEZINKOMO, NOMHLABA WONKE, NEZILWANYANA ZONKE EZINWABUZELAYO EMHLABENI.
18. VERSE 27 UTHI UNKULUNKULU WAMDALA UMUNTU NGOMFANEKISO WAKHE; WAMDALA NGOMFANEKISO KANKULUNKULU, WABADALA OWESILISA NOWESIFAZANE
19. VERSE 28 UNKULUNKULU WABABUSISA; UNKULUNKULU WATHI KUBO: “ZALANI NANDE, NIGCWALISE UMHLABA, NIWUNQOBE, NIBUSE PHEZU KWEZINHLANZI ZOLWANDLE, NEZINYONI ZEZULU, NEZILWANYANA EZINWABUZELAYO EMHLABENI.
20. INCWADI KA GENESISI IKHULUMA NGOKULAMANA KWEZIGAMEKO EZIBALULEKILE EKUQONDENI UKUTHI UNGUBANI UJEHOVA, IPHINDE ISICACISELE NGOKUVELA KWESIZWE SIKA ISRAELI.
21. SIYATHOLA UKUTHI UNKULUNKULU NGESIKHATHI EDALA IZULU NOMHLABA KUKHONA OWAYENABO.
22. KWISIHLABELELO 71 SAMANAZARETHA, SIYATHOLA UKUTHI UMPROFETHI U-ISAIAH SHEMBE UTHI UNKULUNKULU
WAMDALA NGAPHAMBI KWENDLELA YAKHE, WAMDALA NGAPHAMBI KOKWENZA IZULU NOMHLABA, NGAPHAMBI
KOKWENZA ILANGA NE NYANGA.
23. KU-GENESISI SIYATHOLA UKUTHI UNKULUNKULU WADALA U-ADAMU NO EVA NJENGOMFANEKISO WALABO AYENABO UJEHOVA NGESIKHATHI EBADALA.
24. NGOKWEPHULA UMYALELO WOKUNGASIDLI ISITHELO ESITHILE, ENSIMINI AYEBEKWE KUYO U-ADAMU WABE
ESEJEZA NGOKUTHI ADLE IZITHUKUTHUKU ZOBUSO BAKHE AZE AFE.
25. KUMTHANDAZO WOKUVUKA UMPROFETHI U-ISAIH SHEMBE UYAGCIZELELA UKUTHI SINGAVILAPHI, ABANTU ABAKHUTHALE BALIME.
26. SIYATHOLA FUTHI UKUTHI KWABE KUKHONA UMUTHI WOKUPHILA INGUNAPHAKADE KULENSIMU OWAYEBEKWE KUYO U-ADAMU NGESIKHATHI EWELA ESONWENI SOKUDLA
UMUTHI OKWATHIWA AKANGAWUDLI.
27. KU-GENESISI 3 VERSE 22 UJEHOVA UTHI “BHEKA U-
ADAMU USENJENGOMUNYE WETHU, UYAKWAZI OKUHLE
NOKUBI, KEPHA MANJE MAKANGELULI ISANDLA SAKHE, ATHATHE NAKUWO UMUTHI WOKUPHILA, ADLE, APHILE KUZE KUBE PHAKADE”
28. INCWADI KA GENESISI KWI SAHLUKO 6 ITHI ABANTU BANDA EMHLABENI, BAQHUBEKA NOKUBA BONE PHAMBI KUKA NKULUNKULU.
29. UNKULUNKULU WATHUKUTHELA WANQUMA UKUBA AWUBHUBHISE UMHLABA NGOZAMCOLO
30. UNKULUNKULU WATHUMA U-NOWA UKUBA AKHE UMKHUMBI ANGENE KUWO YENA NOMNDENI WAKHE OKUBALWA AMADODANA AKHE AMATHATHU KA NAMAKHOSIKAZI AWO.
31. U-NOWA WAYEHAMBA KAHLE PHAMBI KUKA NKULUNKULU.
32. AMADODANA KA NOWA KWABE KUNGO SHEM
(OKUNGUYISE WABAHEBHERU NEZINYE IZIZWE EZITHILE) HEM
(OKUNGUYISE WEZIZWE EZIMNYAMA NGAPHANDLE KWALABA ABABIZWA NGAMA NEGREO – ABANEZINWELE EZIQINILE ABAMNYAMA) KANYE NO JAFETHE (OKUNGUYISE WEZIZWE EZIMHLOPHE NAMANDIYA)
33. NGEMUVA KUKAZAMCOLO WAPHUMA U-NOWA KANYE NOMDENI WAKHE. AMADODANA AKHE AZALA BANDA ABANTU.
34. UJEHOVA NGEMUVA KUKAZAMCOLO WENZA ISETHEMBISO PHAKATHI KWAKHE NO-NOWA ENAMADODANA AKHE LAPHO KHONA UJEHOVA ATHI – KU GENESISI 9 VERSE 11 “NGIZAKUMISA ISIVUMELWANO SAMI NAWE; AKUSAYIKUBHUJISWA NYAMA NGAMANZI KAZAMCOLO; AKASAYIKUZA UZAMCOLO UKUBA ACHITHE UMHLABA.” VERSE 13 KUTHI “NGIZAKUMISA UTHINGO LWAMI EMAFWINI LUBE UPHAWU LWESIVUMELWANO PHAKATHI KWAMI NOMHLABA
NANAHLANJE LESISIVUMELWANO SISAMILE UJEHOVA AKAKASIGUQULI, SISALUBONA UTHINGO UMA IZULU
LIGUQUBALA LINA.
35. KWINZALO KA SHEM KWAZALWA UBRAMA OWASHINTSHA WABA NGU ABRAHAMA NGEMUVA KWESIVUMELWANO ASENZA NOJEHOVA. U-ABRAHAMA WAYEGANWE USARA.
36. KUNESIKHATHI LAPHO KHONA U-ABRAMA ALWA KHONA IMPI NO-KEDORLWOMERE, LAPHO ANQOBA KHONA U- ABRAMA. (GENESISI 14 VERSE 17 NO 20). UMELKISEDEKI INKOSI YASESALEMA WALETHA KU-ABRAMA ISINKWA NEWAYINI; WAYENGUMPRISTI KANKULUNKULU OPHEZUKONKE. U-ABRAMA WAMNIKA OKWESHUMI KWAKHO KONKE.
37. ENCWADINI KA ADVOCATE THEMBA MNYANDU ETHI *IBANDLA LAMANAZARETHA* *IZINTSHUMAYELO ZENKOSI ILANGA 2ND EDITION
38. PAGE 79, PARAGRAPH 3 KUTHI “NGIHLALE NGIKHULUMA KUBEFUNDISI UKUTHI INKOSI YASEKUPHAKAMENI YATHI *SEKUKANINGI NGIFIKA PHAKATHI KWENU LAPHA EMHLABENI* *LOKHU KUBA KHONA KWAMI EMHLABENI
KUNGOKWESIHLANU* AYIQALI UKUFIKA SEKUKANINGI IFIKA. SEYINGUMUNTU OMDALA.”
39. KU PAGE 80 PARAGRAPH 4 UTHI “KWA-ISRAYELI BALOBILE UKUTHI KWAKUKHONA UMUNTU OKWAKUTHIWA *UMELKIZEDEKI*, OWAYENGAZIWA UKUTHI UVELAPHI. AKEKHO OWAYAZI YISE NONINA. LO MUNTU WAYEHLALE AHLALE AVELE KWESINYE ISIKHATHI AHLALE NABANTU IMINYAKA EMIBILI, EMITHATHU ABUYE ANYAMALALE ANGAVALELISI ANGAZIWA UKUTHI USHONEPHI. ANGASHO NOKUTHI UVELAPHI, BANGAMBUZI FUTHI.
40. WAYEFIKA AQONDISE IZINTO EZININGI ZIKA NKULUNKULU EZIPHAMBENE ABUYE AHAMBE NOMA ZINGAKALUNGI NOMA SEZILUNGILE, AHAMBE ANYAMALALE FUTHI.”
41. KU-PARAGRAPH 5 – “KUTHIWA AKWAZIWA UKUTHI LOWOMUNTU WENZENJANI. NOMA USHEMBE NGUYE, ASAZI NGOBA LAPHO AVELA KHONA USHEMBE ASIKWAZI.”
42. EBHAYIBHELINI KULAPHA SIQALA UKUZWA NGO MELKISEDEKI – KULENCWADI KA-GENESISI.
43. UBRAMA WAYENENGANE IGAMA LAYO KUNGU ISHMAYELI. WAYENGAYIZALI KUSARA. KODWA OWAYIZALA KWINCEKUKAZI KA-SARA EYABE INGUMGIBHITHE. UMAMA KA- ISHMAYELI KWABE KUNGU HAGARI.
44. NGESIKHATHI U-ABRAMA ENEMINYAKA ENGU 99 UJEHOVA WAZIVEZA KUYE WATHI “NGINGU NKULUNKULU USOMANDLA; HAMBA PHAMBI KWAMI UNGENACALA.
NGYAYAKWENZA ISIVUMELWANO SAMI PHAKATHI KWAMI NAWE, NGIKWANDISE KAKHULU. (GENESISI 17 VERESE 1 AND
2)
45. UNKULUNKULU WATHI KU-ABRAHAMA “USARAYI UMKAKHO AWUSAYIKUMBIZA NGEGAMA LOKUTHI USARAYI, KEPHA IGAMA LAKHE ALIBE NGU SARA. NGIYAKUMBUSISA, NGIKUNIKE INDODANA NGAYE; YEBO NGIYAKUMBUSISA ABE
YIZIZWE KEVELE KUYE AMAKHOSI ABANTU” (GENESISI 17
VERSE 15)
46. EKUGUGENI KWAKHE USARA WABUSISWA NGENDODANA
OGAMA LAYO KWAKUNGU ISAKA. U-ISAKA KWABE KUYINDODANA KA ABRAHAMA NO SARA.
47. EKUKHULENI KWAKHE, U-ISAKA WAGANWA U-REBHEKA, BABUSISWA NGAMADODANA ANGAMAWELE U-ISAWU NO
JAKOBE.
48. KULAMAWELA NGU-ISAWU OWABE EMDALA, UJAKOBE WAYEMNCANE. NGOKWENZEKA KWEZINTO EZIMPILWENI ZALAMAWELE, UJAKOBE WATHOLA UBUZIBULO
BUKAMFOWABO U-ISAWU, WAPHINDA FUTHI WATHOLA ISIBUSISO KUYISE U-ISAKA OWABE ESIQONDISE ESABELA U-
ISAWU NJENGENDODANA YAKHE ENDALA. UNINA WAKHE U- REBHEKA WADLALA INDIMA ENKULU EKUTHENI UJAKOBE ANTSHONTSHE OKANYE ATHOLE ISIBUSISO SIKA ISAWU.
49. NGOKUHAMBA KWESIKHATHI U-JAKOBE WASHINTSHA WABA NGU ISRAEL NGEMUVA KWESIGAMEKO ESITHIZE LAPHO KHONA ABAMBANA KHONA NONKULUNKULU UBUSUKU BONKE.
50. U-JAKOBE WAZALA AMADODANA ANGU 12. ENYE YAWO KWABA NGU JOSEFA.
51. NGUJOSEFA OWAQALA UHAMBO LOKUYA EGIBHITHEKWABANTWANA BAKA JAKOBE.
52. UJOSEFA WABE ENESIPHIWO SOKUHUMUSHA NOMA UKUCHAZA AMAPHUPHO.
53. UJOSEFA WAKWAZI UKUCHAZA AMAPHUPHO KAFARO, NOKWENZA UKUBA UFARO AMTHANDE, WAZE WAMUPHA NESIKHUNDLA ESIKHULU EGIBHITHE. (LOKHU KUTHOLAKALA KU GENESISI 41 VERSE 41 KUYA KU 44)
54. ABAFOWABO BAKAJOSEFA BAMDAYISELA ABANTU BAKWA ISHMAEL KWA MIDIYANI BONA ABAMEDLULISELA EGIBHITHE.
55. ABANTU BAKA ISRAYELI BANDA EGIBHITHE NGOBA UYISE KAJOSEFA UJAKOBE / ISRAYELI EKANYE NAMADODANA AKHE NENZALO YAWO BEHLELA EGIBHITHE BAYOHLALA KHONA.
(KU-GENESISI 46 VERSE 2 KUTHI “UNKULUNKULU WAKHULUMA
KU-ISRAYELI NGEMIBONO YAEBUSUKU WATHI “JAKOBE,
AKOBE!” ‘WATHI NGILAPHA’ VERSE 3 WAYESTHI “NGINGUNKULUNKULU, UNKULUNKULU KAYIHLO, UNGESABI UKWEHLELA EGIBHITHE NGOKUBA NGIYAKUKWENZA KHONA ISIZWE ESIKHULU. VERSE 4 UTHI ‘MINA NGIYAKWEHLA, NGIYE NAWE EGIBHITHE; IMPELA NGIZAKUBUYE NGIKUKHUPHULE
FUTHI, UJOSEFA UYAKUBEKA ISANDLA SAKHE PHEZU KWAMEHLO AKHO’ – OKUCHAZA UKUTHI UYENA OYOMGCWABA.
56. AMADODANA KA JAKOBE YILAWA
a. RUBENI – IZIBULO – (NGESIKHATHI UJAKOBE EBUSISA AMADODANA AKHE UTHI KU-RUBENI (GENESISI 49 VERSE
3 “RUBENI USIZIBULO WENA, AMANDLA AMI, UKUQALA KWEZOKHWEPHA ZAMI, INGQONGQO NGESITHUNZI, INGQONGQO NGAMANDLA.” VERSE 4 “UYACHICHIMA NJENGAMANZI, AWUYIKUBA NABUNGQONGQO, NGOKUBA WAKHWELA EMBHEDENI KAYIHLO, WAWONA; WAKHWELA OKHUKWENI LWAMI”
b. SIMEYONI
c. LEVI
d. JUDA – (GENESISI 49 VERSE 8 “JUDA, ABAFOWENU BAZAKUKUDUMISA WENA; ISANDLA SAKHO SIYAKUBA SESIJINGWENI SEZITHA ZAKHO; AMADODANA KAYIHLO AYAKUKUKHOTHAMELA.
e. ZEBULONI
f. ISAKARE
g. DANI
h. GADI
i. ASHERI
j. NAFETALI
k. JOSEFA
l. BENJAMINI
57. ABANTWANA BAKA ISRAYELI EKUQALENI BAPHATHEKA KAHLE NGOBA UJOSEFA WAYEYISETHENJWA SOMBUSI WAKHONA EGIBHITHE UFARO.
58. KWAHAMBA ISIKHATHI ABANTWANA BAKA ISRAYELI BAHLUKUNYEZWA EGIBHITHE. BAKHALA KAKHULU ABANTWANA BAKA ISRAYELI EGIBHITHE NGENXA YOKUHLUKUNYEZWA, UJEHOVA WAKUZWA UKUKHALA KWABO.
59. KUBANTWANA BAKA ISRAYELI KWAZALWA UMOSES OKUNGUYENA UJEHOVA AMSEBENZISA UKUKHIPHA ABANTWANA BAKA ISRAYELI EGIBHITHE.
60. UJEHOVA WAFIKA KUMOSES ELUSE IZIMVU ZIKA MUKHWE WAKHE, WAKHULUMA NAYE UKUBA UZOYOKHULULA ABANTWANA BAKA ISRAYELI EGIBHITHE.
61. ENCWADINI KA-EKSODOSI 4 VERSE 22 – UYAKUTHI KUFARO: “USHO KANJE UJEHOVA, UTHI “U-ISRAYELI UYINDODANA YAMI, UYIZIBULO LAMI. VERSE 23 NGIYAKUTSHELA: “YIYEKE INDODANA YAMI UKUBA IHAMBE INGIKHONZE” KEPHA AWUYIYEKANGA; BHEKA,
SENGIYAKUBULALA INDODANA YAKHO IZIBULO LAKHO”
62. KANTI UNKULUNKULU UNAYO INDODANA YENA UNKULUNKULU ATHI IYIZIBULO LAKHE?
63. KANTI KUSUKE SEKWENZENJANI UMA SEKUTHIWA
UJESU UYINDODANA KANKULUNKULU EZELWE IYODWA? UMBUZO NJE ENGIYAYE NGIZIBUZE WONA.
INCWADI KA EKSODOSI
64. UMOSES UTHUNYWA UJEHOVA UKUBA AYOKHULULA ABANTWANA BAKA ISRAYELI EBUGQILINI BAMAGIBHITHE.
65. EKODODOSI 2 VERSE 11 UTHI – “KWATHI NGALEZO ZINSUKU UMOSE ESKHULILE, WAPHUMA, WAYA KUBAFOWABO,
WABUKA IMITHWALO YABO; WABONA OWASEGIBHITHE ESHAYA UMHEBHERU, OMUNYE WABAFOWABO.”
66. VERSE 12 ‘WAPHENDUKELA NGALAPHA NANGALAPHA;
ESEBONILE UKUTHI AKUKHO MUNTU WAMBULALA OWASEGIBHITHE, WAMTHUKUSA EHLABATHINI’
67. UJEHOVA UYAZIKHETHELA UMUNTU AZOMSEBENZISA
EKWENZENI UMSEBENZINI WAKHE. UMOSE WABE ENGUMBULALI KODWA UJEHOVA AKAKUBHEKANGA KONKE
LOKHO, WAMTHUMA KHONA ENJALO.
68. UMOSE WAHLANGANA NO NKULUNKULU ENTABENI I- HOREBE, LAPHO KHONA UMOSE ABONA ISIHLAHLA SIVUTHA, WATHI UYAPHAMBUKA UKOSIBONA UKUTHI PHO ASISHI NGANI WABE ESEYAMEMEZA UNKULUNKULU WATHI “MOSE, MOSE, UNGASONDELI.”
69. UJHOVA WAYESETHI KUMOSE – EKSODOSI 3 VERSE 7 – “NGIBONILE NOKUBONA UKUHLUPHEKA KWABANTU BAMI
ABASEGIBHITHE; NGIZWILE UKUKHALA KWABO NGENXA YABACINDEZELI BABO;” VERSE 8 – NGEHLE UKUBA NGIBOPHULE ESANDLENI SABASEGIBHITHE, NGIBAKHUPHULE
KULELO ZWE, NGIBAYISE EZWENI ELIHLE ELIBANZI, IZWE ELICHICHIMA UBISI NEZINYOSI, INDAWO YAMAKHANANI, NEYAMA HETI, NEYAMA-AMORI, NEYAMA PHERIZI, NEYAMA
HIVI, NEYAMA JABUSI.
70. VERSE 10 “NGAKHO HAMBA, NGIYAKUTHUMA KUFARO UKUBA UKHIPHE EGIBHITHE ABANTU BAMI, ABANTWANA BAKA ISRAYELI”
71. VERSE 13 UTHI U MOSE WAYESETHI KUNKULUNKULU – “BHEKA LAPHO NGIFIKA KUBANTWANA BAKWA ISRAYELI,
NGITHI KUBO; ‘UNKULUNKULU WAWOYIHLO UNGITHUMILE
KINI,’ BESE BETHI KIMI; ‘NGUBANI IGAMA LAKHE?’ NGIZAKUTHINI KUBO NA?”
72. VERSE 14 UNKULUNKULU WATHI KUMOSE: “NGINGUYE
ENGINGUYE”. WATHI: “UZAKUSHO NJALO KUBANTWANA BAKA- ISRAYELI UTHI: ‘UNGIKHONA UNGITHUMILE”
73. VERSE 15 – UNKULUNKULU WATHI FUTHI KUMOSE: “UZAKUSHO NJALO KUBO ABANTWANA BAKA-ISRAYELI, UTHI: “UJEHOVA, UNKULUNKULU WAWOYIHLO, UNKULUNKULU KA ABRAHAMA, NONKULUNKULU KA ISAKA, NONKULUNKULU KAJAKOBE, UNGITHUMILE KINI.’ YILELI ELIYIGAMA LAMI KUZE KUBE PHAKADE, LESI SIYISIKHUMBUZO SAMI EZIZUKULWANENI NGEZIZUKULWANE.
74. SEBESEGIBHITHE PHAMBI KUKA FARO OMOSE NOMFOWABO U-ARONI – EKSODOSI 5 VERSE 2 – WATHI – UFARO: “NGUBANI UJEHOVA UKUBA NGILALELE IZWI LAKHE, NGIMYEKE U-ISRAYELI UKUBA AHAMBE NA? ANGIMAZI UJEHOVA, FUTHI ANGIYIKUMVUMELA U-ISRAYELI UKUBA AHAMBE.”
75. VERSE 3 – BASE BETHI: “UNKULUNKULU WAMAHEBHERU
UHLANGENE NATHI; AKE SIHAMBE IBANGA LEZINSUKU
EZINTATHU, SIYE EHLANE, SIHLABELE UJEHOVAUNKULUNKULU WETHU, FUNA ASEHLELE NGESIFO NANGENKEMBA.
76. UJEHOVA WENZA INHLIZIYO KAFARO YABO LUKHUNI – EKSODOSI 7 VERSE 3.
77. ISIMANGALISO SENDUKU KAMOSE, EKSODOSI 6 VERSE 8 UJEHOVA WAKHULUMA KOMOSE NO ARONI, WATHI “NXA UFARO EKHULUMA KINI, ETHI ‘ZIFAKAZELENI NGESIMANGALISO, ‘UYAKUSHO KU ARONI UKUTHI ‘THATHA INDUKU YAKHO, UYIPHONSE PHANSI PHAMBI KUKA FARO’ UKUZE IPHENDUKE INYOKA”
78. VERSE 11 KHONA UFARO WABIZA IZIHLAKANIPHI
NABALUMBI; IZANUSI ZASEGIBHITHE NAZO ZENZE NJALO
NGEMILINGO YAZO.
79. INDUKU KA ARONI YAGWINYA IZINDUKU ZABO.
80. IZINHLUPHEKO ZASEGIBHITHE
a. AMANZI APHENDUKA IGAZI
b. KWAGCWALA AMASELE YONKE INDAWO KUBANTU BASE GIBHITHE
c. KWAGCWALA OMIYANE YONKE INDAWO
d. KWABAKHONA IZIBAWU
e. KWABAKHONA ISIFO SEZINKOMO
f. AMATHUMBA KUBANTU NASEZINKOMENI EZWENI LONKE
LASE GIBHITHE
g. ISICHOTHO
h. ISIKHONYANE
i. UBUMNYAMA IZINSUKU EZINTATHU
j. UKUFA KWAMAZIBULO.
81. UKUMISWA KWEPHASIKA – LOLOSUKU LUYAKUBA YISIKHUMBUZO KINI, NILUGCINE LUBE NGUMKHOSI KAJEHOVA; ANOLUGCINA IZIZUKULWANE NGEZIZUKULWANE NGOKOMTHETHO WAPHAKADE – EKSODOSI 12 VERSE 14
82. VERSE 24 UTHI “NIYAKUGCINA LENTO IBE NGUMTHETHO KUWENA NAKUWO AMADODANA AKHO KUZE KUBE PHAKADE.
83. KWAFA AMAZIBULO ASEGIBHITHE KWABA NOKUKHALA OKUKHULU. UFARO WAVUMA UKUBA ABAKA ISRAYELI BAPHUME EGIBHITHE.
84. VERSE 40 UTHI – UKUHLALA KWABANTWANA BAKA ISRAYELI EGIBHITHE KWAKUYIMINYANKA ENGAMAKHULU AMANE NAMASHUMI AMATHATHU (430)
85. OMUNYE WEMITHETHO YEPHASIKA UTHI MALINGADLIWA UMUNTU ONGASOKIWE, VERSE 46 KUYA KU 48.
86. UMOSE WATHATHA AMATHAMBO KAJOSEFA WAHAMBA NAWO NGESIKHATHI SEBEHAMBA EGIBHITHE – EKSODOSI 13 VERSE 19
87. INSIKA YEFU EMINI NENSIKA YOMLILO EBUSUKU AYISUKANGA EBUSWENI BABANTU.
88. EKSODOSI 14 VERSE 5 KUTHI – INKOSI YASEGIBHITHE YABIKELWA UKUTHI ABANTU SEBEBALEKILE; INHLIZIYO KAFARO NEYEZINCEKU ZAKHE YABAGUQUKELA ABANTU, BATHI “YINI LOKHU ESIKWENZILEYO, SABAVUMELA ABAKWA ISRAYELI UKUBA BAHAMBE, BANGASIKHONZI NA?
89. VERSE 7 UTHI – WATHATHA IZINQOLA EZINGAMAKHULU
AYISITHUPHA EZIKHETHIWEYO, NEZINQOLA ZONKE ZASEGIBHITHE, NEZINDUNA ZAZO ZONKE.
90. ABASE GIBHITHE BABAXOSHA (BABALANDELA) ABANTWANA BAKA ISRAYELI.
91. BABA NOKWESABA OKUKHULU ABANTWANA BAKA ISRAYELI BEBONA IMPI KA FARO IBALANDELA.
92. VERSE 11 – BATHI KUMOSE “KUNGOKUBA KWAKUNGEKHO MATHUNA EGIBHITHE, USIKHIPHILE UKUBA SIFELE EHLANE NA? USENZELENI LOKHU, WASIKHIPHA EGIBHITHE NA?
93. VERSE 13 – UTHI UMOSE WATHI KUBANTU “NINGESABI QINANI, NIBONE UKUSINDISA KUKAJEHOVA AZAKUNENZEL KHONA NAMUHLA, NGOKUBA ABASEGIBHITHE ENIBABONA NAMUHLA ANISAYIKUBUYE NIBABONE NAPHAKADE”
94. VERSE 14 UJEHOVA UZAKUNILWELA, NOTHULA NINA
95. ISIHLABELELO 150 – VERSE 1
96. INKOSI IBUSISE ENIKUZWILE