Ekugcineni God has vindicated me! Malibongwe igama likaJehova! Namuhla lenkulumo yokuthi uJesu akaze abe ngumlungu is trending, thanks to President Putin oseveze izithombe zikaYeshua ezingaphikiseki!
BUYELA ESIZWENI SAKHO
NKOSI YOXOLO.
Isihlabelelo 180.
1. Wozani nonke zizwe
Selibasiwe lelo ziko.
Ziyalotha zonke izizwe
Yizani badingayo.
2. Bamenywa wozani
Ifa lenu livuthiwe
Nikhalelani niliphethe
Sekwanele lidlenini.
3. Lincishwa abangalithandi
Abalithandayo wozani
Amasango alelo lifa
Avulelwe nina.
4. Lelo lifa ligciniwe
Ligcinelwe nina
Izulu nalomhlaba
Lalingakabi bikh lona.
BUYELA ESIZWENI SAKHO NKOSI YOXOLO.
1. Umongameli wase Russia, uVladimir Putin, umemezele esizweni sakhe, okungama Russia, ukuthi manje sekumele bakhonze uJesu omnyama.
2. Ngezansi ngicaphuna amazwi akhe njengoba ebekhuluma ngesiRussia ezweni lakhe:
3. Uthi-ke uPutin: “…Bantu baseRussia, namhlanje sibheka isambulo esikhulu esimayelana nokuqonda kwethu umlando, ubuye uhlahle indlela eya phambili yesizwe sethu ukuvumbulula lokho obekuthukuswe ngaphansi kwendabuko yethu.
4. lokho okukuma-archives amadala kunawo wonke aziwa yisintu.
5. Esikuthole kulamagumbi asendulo, yilokho okungumongo wezinkolelo zethu futhi kwandulela isiqalo esisha sezwe lethu.
6. Kulama-archives sithole imifanekiso yabantu okubhalwe ngabo eBhayibhelini, abaningi abafunde ngabo, baphikisana ngabo, futhi ababahlonipha kakhulu.
6. Lemifanekiso ilondolozwe ngokucophelela ukuze ingawohloki ngokwedlula kwesikhathi, ukuze iveze iqiniso elizoletha izinguquko ezidingekayo. Yonke ingeyabantu abamnyama.
7. Lokhu kuyisambulo, ngoba leli qiniso elingenaku phikiswa, limi phambi kwethu, hhayi njengeliphikisana nokholo lwethu, kodwa limi njengobufakazi bokwehlukahlukana kanye nobunye obuqukethwe wukholo.
8. Njengo Mongameli wenu, lomzuzu angiwuboni njengocela inselelo ezinkolelweni zethu, kodwa ngiwubona ulithuba lokwemukela ngenjabulo ukuqonda kwethu okubanzi futhi okubandakanya abaningi ngomlando wethu kanye nesimo sethu sikamoya.
9. IRussia, ekunotheni nasekujuleni kwamasiko nokwemikhuba kanye nokwabantu bayo, isethubeni eliyingqayizivele lokuholela umhlaba wonke kulesi sikhathi esisha sokuqonda nokwemukela lamasiko ngokomoya.
10. KUSUKELA KULOLU SUKU KUYA PHAMBILI, MASIMEMEZELENI UKUTHI ISIZWE SETHU SIHOLWA NGUJESU OMNYAMA, UMUNTU ONGAGCINI NGOKUMELA OKUYISISEKELO SOKHOLO LOBUKRESTU, KODWA OPHINDE ABE LUPHAWU OLUMELE IMITHETHO YOTHANDO, ISIHE KANYE NOBUNYE BABANTU EMHLABENI JIKELELE!
11. LoJesu omnyama, ubunjalo kanye nomlando wakhe okwembulwe kuma-archives amadala kunawo onke, ingumyalezo kithi sonke ukuthi isimo sobunkulunkulu noma sikamoya, asihambi ngokwebala lomuntu.
12. Kanti iqiniso likamoya lingale kobuhlanga, futhi ubuntu obukithi sonke buletha ubumbano kakhulu kunokuba sehlukaniswe yizimpawu zokwehlukahlukana kwethu.
13. Lokhu okutholakele kuma-archives ukuthi umlando akusiyo nje indaba yalabo abaphethe amandla, kodwa iphinde ibe ngeyalabo iqhaza labo elizitshwayo, noma eselikhohlakele.
14. Kusicela inselelo ukuze siphinde sihlolisise kabusha lokho esikwaziyo, sizibuzeni ngalokho ebesikuthatha ngokuthi siyakwazi, siphinde sivuleleke kabanzi ngokwezinhliziyo zethu kulokho esingase sikuqonde futhi sibe nokholo kukho.
15. Njengalokhu siqala lolu hambo lokuvumbulula kanye nokuqonda, masikwenzeni lokhu ngezingqondo ezivulekileyo nangezinhliziyo ezinesisa.
16.Masakheni isizwe esiveza ngokweqiniso izimfundiso zikaJesu omnyama, isizwe esimele ubulungiswa, ukulingana kanye nothando kubo bonke abantu kungakhathaleki ukuthi baluhlanga luni futhi bakuliphi ihlelo lwenkolo yobuKrestu.” Amen!
17.Ngiyawathanda kakhulu amazwi oMongameli uPutin athi: “Kusicela inselelo ukuze siphinde sihlolisise kabusha lokho esikwaziyo, sizibuzeni ngalokho ebesikuthatha ngokuthi siyakwazi, siphinde sivuleleke kabanzi ngokwezinhliziyo zethu kulokho esingase sikuqonde futhi sibe nokholo kukho.”
18.Njengoba ngihlale ngichaza kini, mina ngaqala ngafundiswa yingelosi eyafika kithi mhla ka 4 January 2010. Nlengelosi yafika ngendlela eyafika ngayo kuMonoa nomkakhe izobanika umyalezo ngokuzalwa kukaSamson.(Abahluli 13:2-20)
19.Ayishiyanga umyalezo yabe isiyahamba, kodwa yahlala nathi kusukela ngaleso sikhathi kuze kube manje, noma abanye abantu bengayiboni.
20.Njengoba esho uMongameli uPutin, ingelosi okokuqala yathi ithunywe ukuba ingitshele ukuba ngifundise abantu ukuba bakhonze uNkulunkulu ngendlela eyiyo, ngisusele eBhayibhelini, ngilihlanganise nezihlabelelo zamaNazaretha, okuyincwadi eyabhalwa nguMprofethi u-Isaya Shembe. (Ukuthula kube kuye!
21.Emva kwalokho ingelosi yabe isikhuluma indaba enkulu, le eyingqkithi yomyalezo kaPutin, ukuthi lamaJuda okukhulunywa ngawo eBhayibhelini, akubo laba belungu esibabonayo, kodwa yithi!
22.Lelivangeli lokuthi amaHebheru yithi, nokuthi akaze abekhona uJesu omhlophe, bancane kakhulu abantu esizweni sakithi abakwemukele lokho.
23.Njengoba uJehova uNkulunkulu wethu eseze wahambela kumongameli wamaRussia, isizwe esihlale sifundiswa ngaso ukuthi asiyamukeli inkol, ukukhuluma kukaPutin kusivule amehlo ngepropaganda esiyifunzwe ngabamhlophe kuyo yonke impilo yethu!
24.Njengoba sihlale sisho, ayikho into enguJesu omnyama, kanjano futhi, ayikho into engamaJuda amnyama!
25.AmaJuda, okuyisizwe esasaziwa ekuqaleni ngokuthi ngama-Israel, ligama amadodana alishumi nambili agcina aziwa ngalo abantwana bakaJakobe.
26.Ngakho-ke uma uMongameli ethi asibuyeli enkolweni yethu kaJesu omnyama, usho uYeshua owayesenkolweni kaMoshe eyagcina isiholwa nguye uYeshua neyayibizwa ngokuthi ubuNazaretha! (Bheka iZenzo 24:5, nencwadi ka Rav Sha’ul ethi THE NAZARENE: Betrayed, beaten, begotten).
27.UYeshua akaze abe ngumKrestu, ngoba ngokomlando wayengumholi enkolweni kaMoshe, owahamba emhlabeni emnyakeni yo 33 A.D, kanti ubuKrestu inkolo yamaRoma eyasungulwa ngu Constantine ngo 325 A.D, sekwedlule iminyaka engu 300 uYeshua wahamba emhlabeni.
28.Ngalokho-ke, njengoba uNkulunkulu eseze wathumela amaRussia ukuthi ezoselekelela ukubuyela kuNkulunkulu wethu, asikwazi ukubuye senze iphutha lokuphoqwa ngenkolo yabezizwe, sishiye inkolo yethu esayinikwa nguJehova emandulo!
29.Kungumlando ukuthi emva kokuba simhlubukile uJehova, wabe esehlisela isiqalekiso sokuthi sithunjwe, sihlulwe yizo zonke izizwe! Kodwa okumele sikunake ukuthi ngamaRussia odwa angakaze asenze izigqila zabo, esikhundleni salokho, yilesi sizwe esisilwele saze sakhululeka!
30.Angikuveze ukuthi okwamanje inkolo yabantu abamnyama, okuyinkolo kaMoshe, noma inkolo yamaHebheru, ayikho, ngaphandle kobuNazaretha, umholi wayo okwakunguYeshua, nefike yavuselelwa nguMprofethi u-Isaya Shembe!
31.Kuyi-Afrika yonke abamnyama bangaphansi kwenkolo yobuKrestu, okuyinkolo abayifunzwa ngabamhlophe, nokuyinkolo eyavela sekwaphela iminyaka engamakhulu amathathu uYeshua wahamba emhlabeni.
32.Inkolo, ngokwenza esingayibiza ngokuthi yinkolo ecishe ilandele umthetho kaMoshe, yilenkolo elandelwa ngamaJuda amhlophe, ama-Ashkenazi, la asebhubhise izinkulungwane zamaPalestines!
33.Lapha ngizonika umlando wenkolo yethu, ukunika ulwazi kulabo abangazi ukuthi abamhlophe buqili buni ababenza ukuze lenkolo kaJehova sigcine singayazi!
34.Emva kokuba uJehova uNkulunkulu ka-Abraham no-Isaka noJakobe esebakhiphile abantwana bakawa-Israel endlini yobugqila baseGibhithe, waqhubeka wahamba nabo uhambo olwathatha iminyaka engamashumi amane.
35.Lesi sigameko senzeka ngenyanga ka-Abib onyakeni ka 1446 B.C. U-Israel waqala lapho ukuba ngokusemthethweni abe yisizwe sikaJehova uNkulunkulu wethu!
36.Ngalowo nyaka, abantu sebefike ehlane laseSini, ngenyanga kaSivan, uJehova wambizela entabeni yaseSinayi uMoshe, wamyala ngayo yonke imithetho nezimiso ukuze afundise isizwe sonke ngazo (Exodus 19:1-3).
37.Imithetho nemiyalo yonke yayilotshiwe ukuze abantwana bakwa-Israel bayigcine futhi bayifundise izizukulwane emva kwaleso sizukulwana esambona uMoshe.
38.Ngalemithetho nezimiso, uJehova uNkulunkulu wenza iSivumelwano saphakade nabantwana bakwa-Israel, ngomlomo kaMoshe, ethi uma bemlalela futhi bemhlonipha ngokugcina yonke imiyalo ayebayale ngayo, uJehova wayezoba uNkulunkulu wabo, abehlisele izibusiso ngaphezu kwazo zonke izizwe zomhlaba, kuchume konke abakwenzayo (Deuteronomy 28:1-14).
39.Kodwa uma babe ngeke bayigcine le mithetho, besaphula isivumelwano uJehova ayesenze nabo, wayezobaqalekisa, abanikele nasezitheni zabo zibanqobe, ziphinde zibathumbele emazweni azo, zifike zibagqilaze khona.
40.Njengalokhu abakwa-Israel basephula isivumelwano, esikhundleni sokwehlelwa yizibusiso, u-Israel wehlelwa yiziqalekiso ezaba wugibe kubo kuze kube namuhla (Deuteronomy 28:15-68).
41.Ukwephula lesi Sivumelwano saseSinayi kuyimbangela yalo lonke uhlobo lokuhlupheka okulutwayi lwenzalo kaJakobe kuze kube namuhla emazweni onke omhlaba lapho uJehova uNkulunkulu ebahlakazele khona.
42.Bayisiga nento yokuntela, into emangalisayo phakathi kwabantu basemhlabeni ngoba bengamlalelanga uJehova ngokuhamba ngemiyalo nezimiso ayebayale ngazo ngomlomo weNceku yakhe uMoshe.
43.Emva kokufa kukaMoshe eNtabeni yaseNebo, ezweni lakwaMowabi, cishe ngo 1406 B.C., uJoshuwa indodana kaNuni wasihola iSizwe sakwa-Israel wasiwelisa umfula iJordan, salidla lelizwe (UJoshuwa 13 – 19).
44.Emva kwalokho, uJoshuwa wavuselela iSivumelwano saseSinayi wabe esefa ngo 1350 B.C.
45.KuBehluleli 2:10-17, yilapho aqala khona u-Israel ukuhlubuka uJehova ngokungayigcini imithetho yakhe, ephula iSivumelwano saseSinayi ngokumcunula uJehova.
46.Ngesikhathi sikaJoshua, lesi sizukulwane sasingayazi yonke imisebenzi yamandla uJehova ayenzela okhokho babo ehlane, ngoba leso sizukulwane sasesife sonke.
47.Phakathi kwezono abazenza abakwa-Israel kuleya mihla, singabala lezi: bakhothamela onkulunkulu bezizwe ababakhelene nazo (ngoba bengazixoshanga ezweni njengomyalo kaJehova), bakhonza oBhali no-Ashitaroti.
48.Noma sebehlushwa yizizwe, uJehova eseqalile ukubathumela abehluleli, kodwa bona baqhubeka nokumshiya uJehova, bengahambi ngemiyalo yakhe njengoyise.
49.Uma sifunda ABehluleli 3:5-6, kwathi uJoshuwa engasekho, u-Israel waganiselana nalezi zizwe ezingasokile, wakhonza nonkulunkulu bazo. Beqa umyalo kaJehova oku Deuteronomy 7:3-4.
50.Kwakuthi njalo uma uJehova ebathumela umehluleli, efika abophule ejokeni lesitha, kuthi uma engasekho emhlabeni bese bebuyela ezonweni zabo abamcunula ngazo uJehova (ABehluleli 2:18-19).
A. UKUQHUBEKA KOKUBI KWA-ISRAEL:
51.Nangesikhathi samakhosi akwa-Israel, lobu bubi babantu baqhubeka. Abantu abanedlozi babesebenza phakathi kwabantu, bebabhulela.
52.Kwathi emva kokuba iNkosi uSawule esezixoshile izangoma ezweni, kwabuyela isimo esihle ezweni. Kodwa kwathi naye uSawulu engasaxhumene noJehova, wahamba ngasese wayobhula kowesifazane onedlozi wase-Eni-Dori.
53.USawulu wajeziswa ngaleso senzo, uJehova wambulala, wathatha umbuso wakhe wawubuyisela kuDavide.(1 IziKronike 10:13-14)
54.INkosi uDavide wawubusa ngomthetho kaJehova u-Israel.
55.Emva kokufa kweNkosi uDavide ngo 970 B.C., emva kokubusa u-Israel iminyaka engu 40, kwabusa uSolomoni owaba buthakathaka ngenxa yabesifazane abaningi bezizwe abathatha wabenza amakhosikazi nezanciza zakhe.
56.Laba bantu besifazane wabakhela izindawo eziphakemeyo nama-altare onkulunkulu babo ezindaweni eziphakemeyo kwa-Israel ukuze babashisele khona impepho, babakhonze.
57.Naye uSolomoni waze wabakhonza labo nkulunkulu, o-Ashitaroti noMoleki. Esandleni sikaSolomoni kwaphinda kwagcwala ububi obuyisinengiso kuJehova.
58.Ekufeni kukaSolomon cishe ngo 930 B.C., umbuso wakhe wahlukaniswa phakathi kukaJerobowam noRehobowam ngenxa yokungamlaleli kwakhe uJehova.
59.U-Israel waqhubeka nayo yonke imikhuba yobubi: ukukhonza abanye onkulunkulu, ukubhula kwabanedlozi, nazo zonke izono ezazenziwa kuleziya zizwe ayephakathi kwazo.
60.Lobo bubi abuzange buphele phakathi kuka-Israel kuze kube namuhla. Ukwedukiswa ngezinye izizwe sekuze kwemukelwa njengengxenye yamasiko ethu thina Israel.
61.Ukubhula ezangomeni, nokwethwasela ubungoma, nokuhlabela imimoya yabangasekho; ukukhuluma nemimoya yabangasekho, nokubashisela impepho.
62.Neminye imikhuba engekho esikweni-mpilo lika Israel elesekelwe phezu kwemithetho nezimiso zikaJehova, sekuphenduke ingxenye yempilo yansuku zonke phakathi kwethu.
63.Uma kuvela isithunywa sikaJehova sikhomba indlela yasendulo uJehova ayethe makuhanjwe ngayo, iningi labantu likhuza umhlola!
64.Le mikhuba yobumnyama esiyenzayo sayithatha ezizweni eziyizitha zikaJehova ezweni lakwaKhanani kanye naphakathi kwenzalo yakwaKhushe, neyakwaMizraim, neyakwaPhuthi kuyo inzalo kaHam, indodana encane kaNowa.
65.Abakwa-Israel sebehlukene baba ubukhosi obubili, abezizwe balwa nobukhosi obase bubizwa ngokuthi ubukhosi bakwa-Israel, izizwe zabehlula, bagcina ngokuphelela ezizweni ezibathumbile!
66.Kwasala ubukhosi bukaJuda okwabakhona iminyaka engu 150 sebaphela ubukhosi bakwa-Israel
67.Noma abantu bakwaJuda bengathunjwanga, kodwa kwathi ngo 6 A.D, ngesikhathi sokuzalwa kuka uYeshua, amaKrestu ambiza ngoJesu, amaJuda abe eseyiKholoni yamaRoma! UYeshua wahamba emhlabeni cishe ngo 33 A.D.
C.AMAROMA ANQOBA AMAJUDA OKOKUGCINA.
68.Ngo 70 A.D., kwagcwaliseka isiprofetho sikaYeshua onguMesiya (Matthew 24) mhla kuhlaselwa kubhidlizwa iThempeli laseJerusalem.
69.Lesi sehlakalo esikhulu emlandweni, amabutho amaRoma antshontsha zonke izincwadi ezazigcinwe ethempelini.
70.Luningi ulwazi olweduka, lwafihlwa yiwo amaRoma, okungenzeka ukuthi lusekhona nanamuhla eVatican okuyihlalankosi le Roman Catholic Church.
71.Emva kokunqotshwa kwamaJuda nokubhidlizwa nokushiswa kwethempeli laseJerusalema ngo 70 A.D., amaRoma ayeholwa uJenene uTitus athatha izincwadi zamaHebheru, nezitsha ezingcwele, nengcebo eyayisethempelini kanye nezibani eziyisikhombisa (imenorah) (Matthew 24).
72.Konke lokhu akuyisa eRoma, kwaba wukuphela koMbuso wakwaJuda nokuqedwa kwenkolo kaJehova ePalestine!
73.Nakuba amaRoma abulala amaJuda aphakathi kuka 600 000 nesigidi kulesi sigameko, kodwa akhona amaJuda abalekela eNorth Africa ukuze asinde enkembeni yamaRoma.
74.AmaRoma awabamba amanye amaJuda awathengisa ebugqilini emazweni ase Europe, ikakhulu eSpain nase Portugal.
75.Lolu lwazi lutholakala uma silandela umlando encwadini kaSolwazi uRudolph R. Windsor ethi: FROM BABYLON TO TIMBUKTU.
D.UMLANDO WAMAJUDA AGCINA ENGAMA NEGRO.
76.Njengalokhu iNorth Africa nayo yayingaphansi koMbuso wamaRoma, amanye amaJuda akubona kungaphephile ukuzinza eNorth Afrika; abe esebaleka enqamula uGwadule iSahara ukuze afike kwi Sub-Saharan Africa abezizwe ababeyibiza ngeTopiya.
77.LeTopiya yayingaphambi kokudwetshwa kabusha kwama map, okwenzeka emva kwe conference yabamhlophe eBerlin ngo 1884-1885. ITopiya yayinkulu impela kunale esiyibona kwi map yanamuhla.
78.Ngenkathi amaJuda ayebalekele amaRoma eJerusalema efika kwi region ye Sub-Saharan Africa, iningi inzalo ka-Israel yabe ivele isikhona kwi mainland Africa.
79.Ama-Israel ayethutha izikhawu ezehlukeneyo ngenxa yokuzifunela izindawo eziqhelile ezitheni zawo, futhi ethungatha namathuba okuhweba kanye nokuqhubeka nolimo.
80.Ivideo clip ibalula ama map adwetshwa abelungu ababeqoqa ulwazi nge-Afrika. Enye yawo yadwetshwa ngo 1747, ikhombisa iregion enkulukazi eyayihlala izizwe eziyinzalo yamadodana kaJakobe; leyo region yayaziwa ngele Negroland.
81.Kwakwakhe izizwe esingabala kuzo abakwaNafetali, abakwa-Isakare, abakwaZebhuloni nezinye.
82.KwakunanoMbuso kaJuda khona kule region. Ayekhona kodwa nama Hamitic Africans okuyiwo ayevele akhe kule region, eyinzalo kaHam.
83.IZondervan Bible Dictionary, lapho ichaza uHam, ithi: uHam wabe eyindodana encane kaNowa eyaba wukhokho wezizwe ezimnyama, ngaphandle kwamaNegro!
84.Lezi zizwe eziphuma kuHam zazizalwa amadodana akhe oMizrayim owakha eGibhithe, uPhuth owakha eLybia, uKhushe owakha eTopiya kanye noKhanani owakha ezweni laseKhanani eyagcina isibizwa nge Palestine.
85.AmaNegro ayaziwa ukuthi wona awazalwa nguHam, futhi anoNkulunkulu oyedwa onguMdali wezulu nomhlaba.
86.Nakuba kungaqhakanjiswa lokhu, kodwa maningi ama Hamitic Africans asakhumbula kahle nanamuhla ukuthi okhokho bawo bacetshiswa ukuthengisa amaHebheru kuma-Arabs kanye nakubelungu.
E.AMA JEWISH ASHKENAZI ADAYISA AMAJUDA
87.Ivideo clip iyachaza ukuthi abelungu ababethumba amaHebheru eyowathengisela ebugqilini, babeyinzalo ka-Ashkenaz, baziwa ngelama Ashkenazi.
88.Sesichaze kaningi ukuthi lama Ashkenazi yiwo ama Khazar ayedabuka eKhazaria, phakathi kwe Caspian Sea ne Black Sea, phakathi kwezizwe zase Eastern Europe ezabe zaziwa ngokuthi zingama Turkic tribes.
89.Ithi le clip lama Ashkenazi ayengabahwebi ababecebile, behweba ngezimpahla nangabantu abaphilayo.
90.Behlela ogwini olusolwandle lwase Guinea, base beqasha ama-Arabs angamaSulumane (Muslims) ngokwenkolo ukuba ayothatha amaHebheru endlu yobukhosi bakwaJuda, okungabantu abamnyama.
91.Babebafaka emikhunjini abayise e-America. Lezi zehlo zazigcwalisa okulotshwe encwadini kaDeuteronomy 28. Namuhla laba bantwana bakaJuda sebebizwa ngama-Africans. Kuseyibo futhi ababebizwa ngama Negro.
92.Indlu kaJakobe seyahlakazelwa emagumbini amane omhlaba njengokusho kwemibhalo (Ezekiel 22:15; 36:19-24).
93.Amazwe angaphandle kwe-Afrika anabantu abaningi abadayiswa bethathwe kule continent yi USA, yiTrinidad neTobago, yiCuba, yi-United Kingdom, yiVenezuela, yiJamaica, yiFrance, yiDominican Republic, yiHaiti, yiColombia, kanye neBrazil. Abamnyama baseBrazil baningi kunabamhlophe bakhona.
F. UMLANDO WAMAJUDA AGCINA ESENGAMA ’BANTU.”
94.Kulesi sigaba sibuka ukuxhumana kwethu esilapha ezansi ne-Afrika nalo mlando kaJuda:
95.Ngaphandle kwethu thina maZulu, kunezizwe eziningi ezise-Afrika nase South Afrika eziyinzalo kaJakobe, njengalezi: AmaNdebele kaMzilikazi, amaShona, amaLuba, amaSukuma, amaKikuyu, amaFang, amaBakuba, amaBaluba, amaLingala, aBakongo, amaHutu, aBaganda, amaThonga, abeTswana, amaHerero, amaSwati, abeSuthu.
96.AmaThere, ama-Akwa, ama-Amba, amaMbede, ama-Apakabeti, aBakwele, aBamwe, aBangando, aBangi, aBarambu, amaLemba, aBatsangui, amaTsangi, amaBebele, amaBebil, amaBeeke, amaBeembe, amaBikele-Bikay, amaBinza, amaBoba, amaBoko, amaBokoto, nabaBoloki kanye nezinye eziningi.
97.Lapha KwaZulu (eSouth Africa) sinezimpawu zamasiko ethu ezihambisana nse naleyo mithetho ayehamba ngayo u-Israel wasendulo, kodwa okwanamuhla esingazukuzichaza lapha.
G. UKUQEDWA KWENKOLO KAJEHOVA NGAMA CREEDS AMAROMA.
98.Nale concept yenkolo enezimpande zayo eBabylon sesiyichaze kaningi nakabanzi. UConstantine inkolo yamaHebheru ayese bizwa ngamaJuda wayiqeda ngemithetho ebizwa ngokuthi ngama Creeds, efundeka kanje:
.99.“Ngiyayichitha yonke imikhosi, nemicimbi, nemithetho, ukudla isinkwa esingena mvubelo, iminikelo yama wundlu eyenziwa ngamaHebheru.
100.Ngichitha iminikelo, imithandazo, ukulinda, ukuzingcwelisa KANYE NOKUDUMISA KWABO
101.Ukuzila kwabo, imikhosi yokweshwama, amaSabatha, amahubo, nezaga, NOKUYA KWABO UKUYOKHONZA EMATHEMPELINI!
102.Mina ngokwami ngithi angikufisi nakancane UKUTHI KUBE KHONA UKUBUYA KULENKOLOZE YAMAJUDA, NOMA UKUTHOLAKALA NGIDLA NAMAjUDA!
103.Kunalokho uma kukhona ukukhuluma nabo, kufnele kube ukuthi bayatshelwa ngokusobala ukuthi bashiye lomsangano wabo wenkolo yamaJuda.
104.Uma eke wabakhona otholakala enza lokho noma yimina uqobo, ngiyacela isiqalekiso sikaKhayini noma isifo sobulepheru buka Gehazi sivele sehlele kimi ngaleso sikhathi.”
H. INKOLO YOBU KRESTU ITHANTHA INDAWO YENKOLO KAMOSE. (REPLACEMENT THEOLOGY).
105.Umbhali wencwadi THE NAZARENE: betean, betrayed, begotten,” uRav Sha’ul, uchaze kabanzi ukuthi amaRoma ayiqeda kanjani inkolo kaMose, kwathi endaweni yayo afaka inkolo yobuKrestu.
106.Lesi senzo uRav Sha’ul usibiza ngokuthi i-REPLACEMENT THEOLOGY.
107.UDr C.J. Koster, naye ongumKrestu, encwadini yakhe ethi COME OUT OF HER MY PEOPLE, ekhasini 62, naye uyachaza ukuthi abezizwe babemfuna umsindisi, kodwa hhayi oliJuda ngoba babewazonda amaJuda, bemzonda futhi noNkulunkulu weTestament Elidala, baze bancamela ukuzakhela umsindisi wabo osamGriki.
108.Ngokwe nqubo ye REPLACEMENT THEOLOGY, lo msindisi wabo umhlophe njengabo abezizwe, ngoba bengeke balandele umsindisi oliJuda, omnyama njengoyise uJosefa nonina uMariya kanye naso sonke isizwe sakubo sakwaJuda.
109.UbuKrestu ke bathatha indawo yenkolo yaseSinayi, inkolo kaNkulunkulu oyedwa, uJehova/ uYahuah.
110.Yingakho neSonto selathatha indawo yeSabatha, nama-Ashkenazi Jews athatha indawo yenzalo yoqobo ka-Israel, njalo njalo.
111.Le REPLACEMENT THEOLOGY ibe nomthelela ojulile odabeni lwemfundiso-nkolo. Njengokusho kuka Dr. Koster kuyo incwadi yakhe (ikhasi 62), abezizwe basungula isikole se Theology ehambisa ngokwenqubo namasiko kanye nenjulabuchopho yamaGriki e-Alexandria esenyakatho neGibhithe.
112.Othisha ababeqave kakhulu futhi beqeqeshwe ngokwezi mfundiso zama Gnostics, u-Clement no-Origen, yibo abatshala le mbewu ye Theology eHellenized eyabe isisatshalaliswa emhlabeni wonke, ikakhulu e-Europe.
113.Ngokwenze njalo baqhubeka impela abezizwe nokuyingcwaba iNkolo kaJehova eyabe ilethwe kuMoshe eSinai enyangeni kaSivan, ngo 1446 B.C. (Exodus 19:1-2).
114.Uthi uDr Koster iNkolo kaMesiya (Messianic Belief) kwadingeka ukuba ibe Hellenized (yakhelwe ezisekelweni ze culture ne philosophy yamaGriki noma ama Hellenes ukuze yamukeleke kwabezizwe.
115.Kuningi okwathintwa yile REPLACEMENT THEOLOGY, futhi uyabonakala umthombo walokho.
116.Njengoba sibona namuhla, sesikhuluma ngo’Jesu Krestu’ (Jesus Christ), kodwa kucishwe uYeshua onguMesiya (Yeshua Ha’Mashiach) emlandweni kwase kushuthekwa lo’Jesu Krestu’, kwathathwa yonke impilo nemisebenzi kaYeshua yaphiwa lo’Jesu.’
117.Yingakho kwi New Testament ungeke uthole kukhulunywa ngeminyaka nezinyanga eziqondene nezigameko ezibalulekileyo.
118.UDr Koster ulilanda ezilimini zeLatin nesiGriki leli gama likaJesu wokwakhiwa. Kwi Latin wayengu ‘Iesus’ abe ngu ‘Iesous’ kwisiGriki.
119.Konke lokhu kwenzeka emva kokusungulwa kwenkolo nguMbusi uConstantine. Leli Testament Elisha liyi adaptation yemibhalo yamaHebheru (The Gospel of the Nazarenes) nakuba ababhali abanjengo Jerome babeyi hlanekezela ukuze ihambisane nale nkolo entsha yabezizwe.
120.Lokhu kwenzeka eminyakeni elinganiselwa ku 300 emva koku sungulwa kwale nkolo.
121.Kodwa abezizwe baphinda beza necebo lokwenza umfanekiso kaJesu owabe uzophikisa yonke imifanekiso yakhe eyabe idwetshwe ama artist akudala ayemveza nebala lakhe elimnyama lama Hebheru. IBhayibheli eliseTopiya lisenayo le mifanekiso kaYeshua.
122.Eminyakeni ye Renaissance eyaqala e-Italy yasabalala kuyo yonke i-Europe, uPope Alexander the Sixth owayengamele iBandla lamaKatolika, wayala ukuba kudwetshwe uJesu ususelwe endodaneni yakhe uCesare Borgia.
123.Kwathi uma i-artist uLeonardo da Vinci enqoba lowo mqhudelwano, wabe esenikwa umsebenzi wokwenza lo mfanekiso ogcine usuwaziwa emhlabeni wonke. Lokhu kwenzeka ngonyaka ka 1492
I.ISIMO SENKOLO KAJEHOVA.
124.Konke lokhu kwakuyi zenzo ezesekela le REPLACEMENT THEOLOGY esikhuluma ngayo.
125.Kufanele sikhombise ukuthi akekho uJesu omnyama, kepha waba khona uYeshua Ha’Mashiach okunguye owaphila emhlabeni evela esizweni sama Hebheru, okungabantu abamnyama!
126.Ngifisa ukubonga uNkulunkulu waseKuphakameni ngokuthi efune amaRussia ukuzosilekelela kulempi yethu namanye amakholwa ngoJesu, esekuthathe iminyaka engaphezu kweshumi ngiyilwa, ngibizwa ngokuthi ngi-anti Christian!
127.Mina ngikholwa ukuthi uMongameli uthunywe nguNkulunkulu ukuzolekelela mina!
128.Ekugcineni God has vindicated me! Malibongwe igama likaJehova! Namuhla lenkulumo yokuthi uJesu akaze abe ngumlungu is trending, thanks to President Putin oseveze izithombe zikaYeshua ezingaphikiseki!
129.Abantu abazi ukuthi ngihlukunyezwe kangakanani yiwo wonke amakholwa, ngoba nje ngimele iqiniso lokuthi uMsindisi wethu akaze abe ngumlungu; ngichithwa ngisho umsakazo, ngoba ngiphikiswa ekusebenziseni igama elithi “Yeshua” kuthiwa ngoba alikho eBhayibhelini, nokuningi engingazukukubala lapha.
130.Okuseqinisweni bekunabantu abathi angifanele ukushumayela emsakazweni, ngoba izintshumayelo zami zi-anti Christian!
131.Kodwa namuhla wonke umuntu useyazi ukuthi uJesu, okuseqinisweni okungu Yeshua, akaze abe ngumlungu!
132.Kodwa ngiyazi ukuthi kuma fanatic Christians, lokhu akusho lutho, bazozama ngazo zonke izindlela ukuba kuthiwa uJesu ngumlungu!
133.Inkulumo kaPutin isuse itshe elinzima kimi! Ayikho into ebuhlungu njengokuthi abantu balwe nawe ngento oyazi kahle ukuthi iliqiniso!
134.Lenkulumo kaMongameli uPutin ayikhulumi ngebala likaJesu kuphela, kodwa ikhuluma ngayo yonke inkolo yabahlophe okuthe uma beqeda eyethu basifunza yona!
135.Inkolo yamaHebheru, okungabantu abamnyama, yinkolo kaJehova, lapha emhlabeni eyeza ngoMoshe!
136.Ngakho-ke, asigcini ngokukhohliswa ngebala likaYeshua, kodwa senziwe izilima ngokulahliswa inkolo kaMoshe, okuyinkolo kaJehova, sase sifunzwa inkolo esungulwe ngumuntu okholelwa kuyizithixo!
137.Ngaleso sizathu, amaKrestu avele akuyeke konke okufundiswa ngisho kuNew Testament, bese belandela lokho abakufunde enkolweni yamaRoma, kodwa okungekho eBhayibhelini!
138.Izolo bekuthiwa iGood Friday, kodwa ngenke bakuchazele ukuthi yini yona leyo, ngoba abafundi bakaYeshua abawazi uGood Friday?
139.Kushiwo kanjani ngosuku lokubulawa komuntu, ukuthi uGood Friday. If lolusuku is so good, abafundi bakaYeshua abakwazanga ngani lokho?
140.Lenkulumo kaPresident Putin ayisho lutho kumaKrestu, nakwamanye amaNazaretha, ngoba uJesu omnyama uPresident okhuluma ngaye, nguYeshua owayefundisa ngomthetho kaJehova owawuletha kithi ngoMoshe, lamakholwa angana ndaba nawo, ngaphandle kokuthi eyokhothamela izithixo zamaRoma!
141.Abantu abaningi bayakuziba ukuthi ukuqonda ukuthi uJesu wayemnyama kukodwa, akusho lutho! Isiqalekiso sosuka kithi mhla sabuyela kuJehova!
142.Ukubuyela kuJehova kusho ukugcina imithetho yakhe, akukho futhi okunye! Kodwa ngibona abantu bekuziba lokho, kanti iwona khiye wokukhululeka kwethu lowo!
143.Lelivangeli elivele no President Putin lingenza ngikholelwe ukuthi uNkulunkulu usikhumbule, usivula amehlo ukuze ekugcineni sibuyele kuye sesinolwazi lokuthi sikhohliswe kuphi, nakanjani!
144.Ngiyacela ukuthi ubuyele esizweni sakho Nkosi yoxolo, ungasibaleli izono esizenzileyo kanye nezokhokho bethu basemandulo!
Isihlabelelo 181.
Phakama kuPhakama
Ngegama leNkosi
Zivuse zonke izizwe zakithi
Zisese buthongweni
Ngegama leNkosi
Zivukele kuwe
weKuPhakama!
Shaya Nkosi uphozise
Wena sonile
Siyavuma
Ebusweni bakho
Singabaka bani
Uma silahlwa nguwe
Buyela kithi
Nkosi yoxolo!
INkosi ibusise izwi layo!