Inkolo kaJehova iseKuphakameni

Ngyayikhetha iNkosi enkulu yaseKuphakameni

 

1. Ngyalibonga ithuba lokuma phambi kwabangcwele, kuyiSabatha likaJehova. Ngyacela

uNkulunkulu kuthi abe name ngaleskhathi. 

 

Ngaphambi kokuba ngiqhubekele phambili, ngyafia

ukusho ukuthi njengoba mamhlanje kuyisikhumbuzo seNkosi uThingo name ngyamkhumbula

ubaba uThingo, nomake ngifike eBuhleni esezohamba emhlabeni kodwa ngyamkhumbula,

kwakuyiNkosi eyayithanda ukuhleka nokuhlekisa , wawungeke uphume ungahlekangethempelini

uma ubaba uThingo esekhuluma. Ngyacelake ukuba angikhumbule naye lapho ekhona.

 

Ngangiyithanda inhliziyo yakhe, umusa ayenawo, ngyacela angikhumbule name, amein.

Ngizocela ke sivule lenkonzo ngesihlabelelo 201

 

1. Anginazikhali Anginazihlangu

Zokuvikela umoya wami,

Nant igama lami seliyahlangulwa

Encwadini yokuphila.

 

2. Shwele baba shwele Nkosi

Ngivikele wena baba,

Lingahlangulwa igama lami

Encwadini yokuphila

 

3. Alingahlangulwa igama lami

Encwadini yokuphila,

Ngoba yini mina Baba

Ebusweni bakho.

 

4. Ngigeze wena Baba

Ngihlanzeke ngokwenene;

Lime ngawe igama lami

Encwadini yokuphila.

 

5. Lowomuzi okhzimulayo

Akangeni noma munye,

Ogama lakhe lingalotshiwe

Encwadini yokuphila.

 

6. Yofika imini enkulu

Eyesabekayo.

Wozani silobe amalgama ethu

Encwadini yokuphila.

 

7. Wozani masinyane

Ilanga lingakashoni.

Nisavunyelwe amagama alotshwe

Encwadini yokuphila.

 

2. Ngiyabonga bantwana baseKuphakameni, ukuhlabelela okumnandi kwaseKuphakameni,

okungefaniswe nakuhlabelela okunye okukhona emhlabeni, okuyisimangaliso . gangingazi ukuthi

impilo yomuntu iphethwe nguNkulunkulu, ngingakafiki kulokhu kukholwa ngangingazi ukuthi

umuntu impilo yakhe iphethwe nguNkulunkulu , kodwa okwakugqamile ukuthi impilo yomuntu

iphethwe ngabaphansi. Kwaze kwamnandi ukukholwa eKuphakameni bantwana abangcwele,

kwaze kwamnand ukukholwa eKuphakameni , angazi ukuthi lokhu kukholwa sasiyokutholaphi,

ngoba sesifunde izinto eziningi ezihlula abaningi.

 

3. Uma umuntu elala, umuntu ongakholiwe ongayazi indaba kaNkulunkulu, wazi ukuthi

uyazilalela nje, bese kuthi noma esevuka ,wazi ukuthi nje uzivukele nje. Kanti lapha uShembe

usitshelile ukuthi kungenzeka ualae ungazi noma uzovuka yini, uthike mdumiseni uma nilala,

noma nivuka mdumiseni, abesethi, noma uhamba endleleni mdumise ngoba yena uJehova

uludondolo lokuhamba kwakho. Ngangithi uma ngivuka ngizitshele ukuthi kuqondene noma cha

kushukuthi bekufanele, kodwa ekwazini indaba kaNkulunkulu ngibonile ukuthi yonke impilo

yomuntu ingumusa kaNkulunkulu.

 

4. UNkulunkuluke wasenzela isimangaliso wathi uma sifuna abe nathi, abe yinxenye yempilo

yethu, kufanele sibe ngabantu abenza intando yakhe, sigcine imithetho yakhe njengokuloba kuka

Mose. uNkulunkulu usahlukanisile thina nabanye abantu ukuba sibe ngabakhe njegokuloba

kukaMose encwadini kaLevi, wathi asibengcwele. Uma ngikulokhu kukholwa ngikhumbula ukuthi

sike sazidla izinto ezingadliwa, sike sahamba lapho kungafanele sihambe khona, sike sazenza

izinto ezingenziwa ngumuntu owesaba uNkulunkulu. Sike sadla inyama yezilwane ezihlatshelwe

amadlozi, uma sidla lenyama besijabula ,sigiya sicula amaculo ayisinengiso kuNkulunkulu kodwa

singazi.

 

5. UNkulunkulu uyasithanda maNazaretha. Uma kwenziwa lezizinto, kukhona izinto

ebesingazinaki, angazi noma njengoba sikhona endlini, sike skucabange yini ukuthi ukungcola

esisuka kukho ukuthi kungakanani. Uma umuntu ebona imbuzi emzini thizeni kwamakhelwane,

ikakhulukazi abantu besilisa bayithanda kakhulu inyama, umbona eseya khona esezidlisa

satshanyana, ngoba uyibonile imbuzi futhi imhlophe, iyatshengisa ukuthi le izohlatshwa, abese

esondela, afune nokuthola ukuthi kuhlatshwa nini, kuhlinzwa nini ngoba uyathanda ukuhlinza

naye. Kodwa akanayo information ephelele ukuthi lembuzi ngeyani,futhi akanendaba nalokho,

umangabe nje yena edle inyama kuphelile.

 

6. Besike sisbizwe kuthiwe kunetiye, uhambe uye etiyeni lelo, ufike unikwe inyama

namadombolo, udle uyikholwa, uthi uyakholwa, udle uze uhlikihle isisu, usuthe uze ubonge, uze

uthi ,” sengathi kungaphinde kwenzeke”. Abantu abazi ukuthi kukhona ukukhuluma okuqale

kukhulunywe esilwaneni ngaphambi kokuba sidliwe, ukukhuluma ongakwazi ngoba bewungekho

ngesikhathi kukhulunywa kulesisilwane.

 

7. Kukhona izilwane okuthi uma kukhulunywa kuzo kukhulunywe indaba yokuthi kukhishwa

isinyama, kuthiwe ngalesisilwane sikhipha amabhadi alapha ekhaya. Akukhona isilwane esithi

uma sikhulunyelwe kanjalo bese sisbulawa , bese kuthiwa akubizwe abantu noma lesilwane

asingadliwa ngabantu bala ekhaya kodwa asidliwe ngabantu bangaphadle ukuze bathathe

lokhukufa bahambe nakho.

 

8. Kukhona isilwa esithi uma sesihlatshiwe sekhulunyelwe kanjalo ukuthi sizogeza amabhadi

namanyala alowomuzi ebese futhi sithelwa ngezinsila zalabobantu. Kukhona intombazane engake

ngayizwa ikhuluma ithi ; ngicela ukungakukhulumi lokhu kuyenyanyisa, ngicela ukungakukhulumi,

kodwa ngiqonde ukuthi sike sazidla izinto okungafanele sizidle, wasithanda iNulunkulu,

wasehlukanisa nabanye abantu ukuba thina sibegcwele.

 

9. Uma kunalemicimbi noma lamadili asemhlabeni, ayaziwa into noma asaziwa isitsha okufanele

kudle ngaso umuntu, asihlukaniswa isitsha sokudla umuntu nesitsha esidla inja. Yehlukene imizi

bangcwele, asihlukaniswa isitsha sokuzikhulula ebusuku, nendishi yokugeza ayaziwa, kuyangena

ukudla nasendishini yokugeza, badle abantu basuthe. Nabaphuzayo bayaphuza ngezitsha

zokuzikhulula abantu balowomndeni abazikhulula kuzo uma kusebusuku, ngoba akwaziwa ukuthi

lento yinto yokuzikhulula.

 

10. Angithi lapha kunabantu bomndeni abafikile, omakoti bakhona , abazi ukuthi lento le, yinto

yokuzikhulula. Bayathatha, bayayiyakaza bafaka ukudla ,bafaka amahewu, bafaka utshwala

kuyaphuzwa. Sehlikanisiwe thina nabantu abanjalo, yingakho kunamadili kaNkulinkulu, angumoya

omuhle, angenakungcola. Manje uNkulunkulu siyambonga bantwana baseKuphakameni. Ngicela

ukwedlula lapho, ngedlulele esihlokweni salenkonzo esithi Inkolo kaJehova iseKuphakameni.

 

1. Kuphakama uyidili

Lazo zonke izizwe,

Ungumthombo wabomileyo

Bophuza banele.

Chorus: Woza ungisize

Ngingene eKuphakameni,

Amasango engakavalwa

Ngingene eKuphakameni

 

2. Izizwe zomhlaba

Bezilindele iNkosi,

Manje seziyizwile

IseKuphakameni.

Chorus:

 

3. Zavuma zathi yebo

Masiye eKuphakameni,

Udumo silizwile

Lwazo zonke izizwe.

Chorus:

 

4. Ungumthombo wabo bonke

Abomele izwi lakho,

Bazophuza banele

Abomele izwi lakho.

Chorus:

 

5. Mpompozela izinhliziyo zabo

Abomele izwi lakho,

Zimpompozele wena Nkosi

Abomele izwi lakho.

Chorus:

 

11. Angive ngiziqhenya ngokuba ngumNazaretha kaNkulunkulu, ngoba nginesiqiniseko sokuthi

inkolo kaJehova iseKuphakameni. Bantwana baseKuphakameni , uma uShembe ethi ukuphakama

kuyidili lazo zonke izizwe, kuyisimangaliso ngoba uma ukuphakama kuyidili lazo zonke izwizwe,

izizwe zenzenjani? Uma uShembe efika eKuphakameni, ewakha umuzi waseKuphakameni izizwe

zabe sezenzanjani? Ngoba phela uShembe uyasho ukuthi uKuphakama kuyidili lazo zonke izizwe,

kodwa izizwe zibonakale zikuziba uKuphakama, kwazitshwa ngisho nangamakhosi amanye.

 

12. Amakholwa onke akhona kulelizwe aye athi uma ekhuluma athi akhonza uNkulunkul ka

Abrahama no Isaka noJakobe, noma ethandaza athi “Nkulunkulu kaAbrahama noJakobe “ bese

udideka ukuthi loNkulunkulu abambizayo yintoni ebahlanganisa naye, ngoba eKuphakameni yila

kufundiswe khona ngokuthi uNkulunkulu ukhonzwa kajani, yila sifindiswe khona ngenkolo

kaMose, yila sifundiswe khona ngo Abrahama no Isaka noJakobe eKuphakameni lapho kuyidili

lezizwe zonke, yiseKuphakameni.

 

13. Manje amakholwa athi amemeza uNkulunkulu ka Abrahama noIsaka noJakobe, ammemeza

ngaliphi ngoba uthe uShembe “Mesabeni uJehova, nigcine imithetho yakhe ayilobe ngoMose,

ukuze ukudumisa kwenu kwamukeleke ukuThixo wemikhosi. Ngamaye amazwi abantu

abanelungelo lokubiza uNkulunkulu kaABrahama noIsaka noJakobe ngabantu baseKuphakameni.

Uma kukhona into ehlanganisa amakholwa noma amakrestu nenkolo kaJehova, kwenziwa yini

ukuthi bangahambi ngedlela yoIsaka noJakobe, bangahambi ngendlela kaMose? Isibindi sokuthi

babize uNkulunkulu ka Abraham noIsaka noJakobe basithathaphi ngoba izindlela zakwa Israeli

abazingeni, nenqubo yonke yakwa Israel abanendaba nayo. Kodwa uShembe uthe ukuPhakama

kuyidili lazo zonke izizwe.

 

14. Kuyadabukisa ukuthi amakholwa esinawo ezweni lethu athi alinde iNkosi. Uthi UShembe “

izizwe zomhlaba bezilindele iNkosi, kodwa manje seziyizwile, isekKuphakameni, iNkosi seyifikile

eKuphakameni. Kodwa kutholakala ukuthi labababantu basayilindile namanje leNkosi. Balinde

yiphi iNkosi , ngoba iNkosi iseKuphakameni, ifikile eKuphakameni InKosi yawenza umsebenzi

ewuthunywe nguNkulunkulu. Abasalindile balinde yiphi iNkosi? Angithi niyabona ukuthi yinindaba

ngiziqhenye, yingoba ngila okwafikela khona iNkosi, ngisedilini lezizwe zonke ezilenqabile.

Incwadi ka Mathewu 17:10 kuya ku 13.

10 Bambuza abafundi bathi” pho basholoni ababhali ukuthi uEliya umelwe ukufika kuqala na? 11

Waphendula wathi nempela uEliya uyeza, uyakubuyisela konke 12 Kepha ngithi kini: U-Eliya

sewafika; abamazanga nokho kodwa benza kuye abakuthandayo. Kanjalo nendodana yomuntu

iyakuhlushwa. 13 Khona abafundi baqonda ukuba ubekhuluma kubo ngoJohane uMbhapathizi,

amein.

 

.15 Nansi incwadi iyakhuluma, ikhulima indaba esikuyo la kulelizwe lakithi. Lendabake iqala

ngesikhathi uYeshua ekhuphuka nabafundi bakhe beya entabeni, nakhu lapha entabeni skuvela o

Eliya noMose, asebahamba emhlabeni, nangu omunye wabafundi bakaYeshuwa esethi “

asibakhele amadokodo sihlale nabo, esekhohlwa wukuthi labantu abasekho emhlabeni.

Angizukuyilandake leyondaba ngoba abazalwane bayayazi. Uma sebehla entabeni abafundi

besathukile bethuthumela, bexakekeile ukuthi kwenzenjani, kwathi noma sebenyamalele oMose

no Eliya kodwa bona basala babanakho ukwethuka, waze wabanyakazisa uYeshua wathi sukumani

sekulungile, waye esehla nabo besuka entabeni sebeshona ezansi, base bembuzake lombuzo

ukuthi ngoba uEliya simbonile lapha phezulu, pho ababhali basholoni ukuthi usazobuya? Uthi

uYeshua ,“ UEliya uyeza, kodwa futhi sewafika, abambonanga, abamazanga, kodwa into

abayenzayo benza konke abakuthandayo kuye.

 

16. Abuhlungu lamazwi maNazaretha, kubuhlungu ukulinda into ukuthi iyeza, kanti seyafika,

ulokhu uthi wena iyeza kanti kade yafika. La uShembe ememele khona izizwe zonke edilini lazo, la

zophuza khona zichichime noma zenele, azibonanga ukuthi seyifikile iNkosi, kodwa into eyenzeka,

uShembe kunokuba abongwe noma aphakanyiswe njengendodana kaNkulunkulu, wahlushwa,

bamhlupha bengazi ukuthi bahlupha iNkosi, lena abayilindile, abangafunanga ngisho ukuyilalela

ukuthi ithini, kodwa bayihlupha bayihlukumeza, bayishaya bayifaka ezinkantolo, konziwa konke.

 

17. Okubuhlungu kunakho konke ukuthi wayehlushwa ngisho nangabantu abamnyama bakubo.

Basashoke nanamhlanje “ iyeza iNkosi, sislinde iNkosi”, baze bacule bathi “mhla ifika siyothwala

inyanda, ngomhla wejabulo”, wemaNazaretha ukuthwala kumnandi yini? Inyanda yani le

okukhulunywa ngayo? Ungajabulela ukuthi uthwele inyanda? Ungajabulela ukuthi uthwele

umqhele? Basho njaloke.

 

18. Thina siyazi ukuthi iNkosi yafika eKuphakameni and ukufika kwayo yatshengisa ukuthi

iyiNkosi, yenza lokhu okwashiwo ngu Yeshua,ayikhulumanga okwayo kodwa yathatha kokuka

Yeshua, yafundisa amaNazaretha, kanti kufunakalani? Uthi omunye usisi kuleskhathi samanje “

sengathi uNkulunkulu angasisiza asinike, oh iqala la lendaba hhey izwe lonakeleawusazi kufanele

wenzenjani, sengathi uNkulunkulu angake asinike nje umuntu ovela ezulwini, ozofika nje

azolungisa umhlaba”. Ngithike mina “ufuna umuntu onjani wena kanti?” awumboni uBaba

uMelusi, ufuna onjani ngoba noma engafika lowo angeke umbone.

 

19. Inkinga yethu thina bantu basemhlabeni , uma into kaNkulunkulu seyifikile asiyiboni, sifuna

engaphezu kwayo leyo, noma kungafika engaphezu kwayo futhi leyo, angeke size siyibone.

Yingakho ethi uBabamkhulu, “yifa lenu leli, lithatheni, nikhalelani niliphethe”, ngoba siliphethe

kodwa siyakhala, kufana nenja egwavuma idla, ithi idla ibe igwavuma kodwa iyadla, ifunani kanti?

Wenzani uShembe mayefika, wakhuluma izwi likaNkulunkulu, wakhuluma izwi lophezukonke,

wangagcina lapho, waphulukisa abantu, ebafundisa ngoNkulunkulu kaMose, wazw washo wathi

hambani ngendlela umose abhale ngayo, inkolo yenu isemthethweni kaMose. Yingakho isihloko

sami sithi “inkolo kaJehova iseKuphakameni”.

 

20. Yithina abantu okufanele sithi silinde iNkosi ngoba siyoyibona umaifika, siyayazi, siyawazi ama

features eNkosi yethu ukuthi anjani, angeke sidideke njengoba singadidekile nje namanje. Kodwa

abantu abangamazi uNkulunkulu bafuna okunye, bafuna abangakwazi.

 

21. Uthini uNkulunkulu esicebini endabeni kaLazaru uma sithi ngyacela ukuthi ke ngivele

ngephupho kubantu bakithi ngibaxwayise ngalento engikuyo enzima kangaka, uthi uNkulunkulu, noma kungavka umuntu kwabafileyo, ayokhulu indaba yala ezulwini angeke beyizwe, uthi nakhu nje bakhona oMose emhlabeni, bayayikhuluma lendaba , bayabaxwayisa abantu kodwa abezwa. Asizazi ukuthi sifunani.

 

1. Ufikile olandelwa yizizwe

Ufikile simuzwile,

Babazani wemadoda

Babazani zizwe nonke.

 

2. Ufikile abakhuluma ngaye

AbaProfethi,

Babazani wemadoda

Babazani zizwe nonke.

 

22. Noma eseshilo uShembe ukuthi lo osefikile , yilo olandelwa yizizwe, kodwa akuzwakalanga,

noma eseshilo uShembe ukuthi ufikile okwakhulunywa ngaye emandulo, kodwa akuzwakalanga,

kanti abantu abamnyama bezwa kanjani, kufanele kuze kwenzeke kanjani ukuze abantu babone

ukuthi uNkulunkulu useyenza umsebenzi, kufanele ukuthi uNkulunkulu enzenjani, etshele bonke

abantu? Kukhona into edabukisayo bantwana baseKuphakameni, bayodumala abantu

ngamzukwane bambina uBabamkhulu njengoba izwi seliphumile, bayodumala bathi “ hawu kanti

nguyena lo, thina bsingazi thina, besingazi ukuthu lomuntu kanti mkhulu kangaka! Lento

ingifundisa ukuthi ngingaboyigxeka into engingayazi, kodwa ngigxeke engiyaziyo.

 

23. Uma ngigxeka ukukhonzwa kwamadlozi nabanye onkulunkulu, yingoba ngiyazi ukuthi

noNkulunkulu akakufuni lokho ukuthi kukhonzwe abanye oNkulunkulu ngaphandle kwakhe,

kodwa into engingayazi kufanele ukuthi ngithule ngoba ngiyomangala ngelinye ilanga, kunjena nje

yingoba abantu bahamba begxeka noma yini abangayazi. Uma umutu eke wathi ngiyhunyiwe,

ngithunywa nguNkulunkulu uthi angimenzele ukuthi nokuthi nokuthu, sekufanele ubhekeke ukthi

lento athi uyithunyiwe nguNkulunkulu iyiyona yini, uphenye wenze ucwaningo, hhayi ukuthi

uqhamuke sewugxeka nje ngoba uma uzogxeka, ekugcineni uzoshawa yibhomu.

 

24. Ngiya imagine nje uBabamkhulu eseqhamuka, esekhazimula, sebethi “hawu , lomuntu mkhulu

kangaka kanti,” kukhona into ebuhlungu, ey maNazaertha sithwele kanzima, uyabona

uBabamkhulu uma ehlabelela ethi “bayokhala ngani zihlobo zabo anibatshela ngangani,

ngalolosuku bobe beshonjalo,” bethi kanti lomuntu mkhulu kangaka”! Kodwa bebethi kuwe

“awubheke lesiphukuphuku lesi, sinentshebe nezinwele, awubheke lesisilima lesi”, kodwa

ngalelolanga bayobebethi bona awusho ukuthi kanti lendaba inkulu kangaka! Kufanele uze usho

kanjani ngoba uyabatshela bayakuthuka bona, yingakhoke umuntu simtshela noma engafuni.

 

25. Hawu maNazaretha khona umuntu othi uma umtshela indaba kaNkulunkulu athi “ ngilunge

nginje ,angeke ngisashintsha, athi sengimdala kabi, kade ngafika kulelibandla engikulo, athi

qhubeka nawe lapho ukhona name ngizoqhubeka la ngikhona kobonakala phambili”, kusho

umuntu onesibindi ongamesabi uNkulunkulu, umuntu ongafuni ukucwaninga uthi lento

ayitshelwayo ithini, akabuzi ngisho umbuzo ukuthi kwenzeka kanjani, akafuni ngisho debate.

Debate ayive ibalulekile maNazaretha ngoba iyayivula ingqondo yomuntu, ngesikhathi ni debate

iyabuya ingqondo, uthi hawu yazi lomuntu lo ngathi uqinsisile, benginganakileke lana, hawu kanti

leligama elithi jesu liqhamuka kanjani, liqhamuka kanje kanti, kodwa uthini yena, “qhubeka la

ukhona name ngizoqhubeka, musa ukuzenza ngcono ngoba nawe ukholwe izolo”, usazothinike,

usazothini?

 

26. Uma sekufike izikhathi ezikanje lezi engizishoyo, nguyena ozobe esthi “ hawu ubungasho

ngani” hawu ngikutshelile nje wathi wena angiqhubeke, sengiqhubekileke, uyabonake qhubeka

nawe, kuyobe sekubanzima maNazaretha, kuyobe sekuba buhlungu. sikulowoNkulunkulu,

uNkulunkulu wemithetho, uNkulunkulu wobungcwele, uNkulunkulu ohlukanisa abantu nezinto

ezimbi. Kukhona into engichaza ngoNkulunkulu, uma sewuqala ukumlandela uNkulunkulu

ngendlela athe mlandele ngayo, ngoba phela maNazaretha siyamlandela uNkulunkulu, noma

sihluleka kodwa siyazama ukumlandela, siyazama ukuyigcina imithetho kaNkulunkulu.

 

27. Into angichaza ngayoke noma sizama nkosi yami, kodwa akasilahli, ubanathi, uyasivikela,

niyazi maNazaretha hhey ukube sasazi ngabe kade sakholwa, maje sasingazi. Impilo yethi

yonakala singakamazi uNkulunkulu kuyia manje siqala ekuqaleni futhi asisoli muntu ngalokho,

ngoba sasingazi, yingakho kufanele sikulwele ukuthi izingane zethu lezi esizikhulisayo sizikhulise

ngalendlela ukuze impilo yazo iqonde zincane zize zigugele kulokhu kukholwa. Zinenhlanhla kabi

lezingane, ziyodavuza ngoba zithanda nje, ayikho into engakhulunywa lapha, hhey uNkulunkulu

uyasivikela maNazaretha, ngendlela esinezitha ngakhona, awazi nje ukuthi uphila kanjani, yingoba

sisedilini lezizwe zonke, sisendaweni la kwafikela khon iNkosiyasezulwini, kanti sifunani?

 

28. Yabona ngibuye ngingathandi ukukhuluma indaba yami noNkulunkulu ngoba yinde,

ngizozama ukuveza ukuthi uma uNkulunkulu uma umlandela uyaye akuvikele kanjani. Umuntu

uye wabhekana nenkanankana, kodwa loNkulunkulu lo ey uyababazeka. Okuningi niyakwazi

kodwa kukhona esengikukhumbula nje manje uma ngiguqe lapha ukuthi sake sathi sifika enxiweni

esikulona manje, angazi ukuthi wawuyokwenzanjani wena, nangu umakhelwane, nansi indodakazi

yakhe basemnyango, sizoqala ukwazana nje, bamile ngale nathi simile ngapha, sibuzane impilo,

bese sikujabulela ukubonana, bese besibuza ukuthi sisukaphi, sisho bese kucaca ukuthi sisuka

endaweni la kuganele khona lendodakazi, ebeseke sibizana ngomkhaya kubemnandi, kodwa into

engimangazayo losisi uma esibuka usibuka ngamehlo adabukisayo losisi othi uganele la sisuka

khona, kodwa futhi nginganaki ngoba angazi ukuthi isimanga yini ngoba siyaqala nokubonana,

sihlaleke nje endaweni kamanndi.

 

29. Sithe sisahlezi bese kusuka ukushisa endaweni, singazi ukuthi lokhukushisa kuqhamukaphi,

size sibone ukuthi lokhukushisa ngathi kuqhamuka lapha kamakhelwane, sixakeke ukuthi

sekwenzenjani, maNazaretha uma kukhulunywa ngomthakath,i kukhulunywa ngento ongeke

uyiqonde, umthakathi awuze uxabane naye, infact uma uphila nje usuxabene nomthakathi,

ukuphila kwakho nje akakuthandi umthakathi, angiphathike uma uzothi umisa okuyizindonga

noma uthi uzama impilo, usumsukeleke, uze atshele abantu athi “ useyangiqalake manje lo.

Sikubone ukushisa endaweni kucace ukuthi kuyshisa manje, siyashisa lesalukazi, kodwa asixabene

maNazaretha, ngokuhamba kwesikhathi, awenze umonakalo losalukazi kudade wabo ambulale. Uma esembulele wabe eseyagiya, wagiya ngimbika, kwavlwa radio, yakhala kakhulu, ngathi kushone ingane yakwenu wena uvule radio! Uma ithi iyakhuza enye ingane ithi “nangu

usibanibani ebanga umsindo”, avele athi logogo “hhayi uwubanga kubo”, kugiywe kuthiwe “sobashaya ngenkosi”,

 

30. kufike usuku lomngcwabo, simngcwabe lo anti, emva kwalokho bese kufika lendodakazi

eyayikhuluma nathi ngelanga lokuqala ukubonana, ebese iza lapha ekhaya, ifike ithi yey njengoba umama eshonile (isho udadewabo kanina) ubulewe ngumama , sithi thina siyazi ibisithi ngiyacela ukusho ukuthi ngeskhathi nifika la ngake nganidabukela, nganagzi ukuthi ngizonitshela kanjani ukuthi nibhekene nenkinga, wathi ngake ngadabuka ngangazi ukuthi ngizothini, ngangazi ukuthi

ngizoyibeka kanjani lendaba ngomama, ngangicabanga ukuthi nizothi ngakhuluma kabi kangaka

ngomzali wami, kodwa nganidabukela ngathi nkosi yami bazofa lababantu, uthi kodwa into

eyangiduduza yinye, ngabon ukuthi niyakholwa ngase ngithi uanakulunkulu uyonivikela kodwa

engikwaziyo kumama akusindi ngisho indoda.

 

31. Saqala sethukake manje, wathi” mina nginitshela ngomama, akudlalwa umama ubhekana

nendoda ayibulale nya, ngaqala ngashawa luvalo ebengingenalo sonke lesisikhathi, maNazaretha

kukhona into oke uyazi kodwa uma sewuthola evidence luvele uvalo luqale phansi, bese

kugcwaliseka, hhawu umkami waveva into eyisimangaliso, kwasho ukuthi hhayi mina

ngiyamethemba uNkulunkulu maNazaretha, ngathi ngoba usehlulekile sonke leskhathi,

usezowiniswa yini manje, washo kanjenake losisi.

 

32. Ake uzibuze ukuthi sisindiswa yini ngoba asinawo umuthi, asinamadlozi, sinoNkulunkulu

kuphela nje. Ngangingazi mina ukuthi uNkulunkulu uyisimangaliso kanje! Ngangithi uNkulunkulu

yinto yokudlala nje, hhey uNkulunkulu uyisimangaliso, saphila. Uthike uma esembulele

udadewabo, zimnethe naye kancane, uthe uma ebona ukuthi umpintshekile, angazi noma

wayempintshwe nguzakwabo omunye ngoba phela legenge iyaxhumana, ibuye ixabane futhi, uthe

esuka wathi “angeke ngikhale ngedwa, sokhala sonke, hawu, wathi enenkinga lomuntu, engabe

ucela kuNkulunkulu, wafuna ukukhalisa abanye, ngoba phela kukhala yena manje, game yakhe

yokukhala manje, wangahlala phansi, wanyakaza naye. Kodwa ngenxa yokuthi uNkulunkulu

uyasithanda bantwana baseKuphakameni, wagcina enqotshiwe kwayena.

 

33. Uyabona ubethi uma ethi lowagogo, “mina ngujikelele”, uvele ushawe luvalo, uzibuze ukuthi

ngumama onjani lo, athi “ngingujikelele, akekho ongangithina mina”, and wayewina,

kwakuyinkinga yento. Uthike losisi uma ngiqedela indaba, lomuntu wdukisa umnumzane, waduka

nezwe, babexabene naye, wamfaka into eyenza wangaziwa ukuthi washonaphi.

 

34. Wake waphahluluka kimi wathi “mina umuntu uma ngingamthandi ngimthumelela abafana

bambulale, wayetshela mina la emehlweni, ngingakamboni ukuthi uyingozi. Uthi uyabona

wendodana, kukhona umnumzane engangingamfuni kabi, ngabe sengifuna abafana ukuthi

bambulale, uthi abafana ngabatshela ukuthi lobaba uhamba ngaskhathi sini ukuya emsebenzini

futhi ubuya ngaskhathi sini, base bethi abafana bazomlinda uma esebuya emsebenzini.

 

35. Uthike logogo “mina ngizohlala rank yamatekisi, ngimgade uma egibela bese nginitshela

ukuthi ugibele tekisi elinjani, nina senomdubula uma ehla estobhini, uthike, ngibatshele abafana

uma umnumzane esgibele, bese Belinda ke abafana estobhini. Bayibone abafana itekisi kodwa

lomnumzane angehli, kwenzeka lokhu kwaba yizikhathi eziningi.

 

36. Kuthe ngomzamo wokugcina, wathi kubafana, kusho ukuthi lomuntu uyasizwa isibhamu,

okungcono bazafihle bese bezikhipha uma esehlile. Nempela bazifihla. Ngalelolanga wabonakala

lomnumzane ehla etskisini, bathi bayazibheka izibhamu, bangazithola, wahamba umnumzane

waze wasithela, ngilandiswa nguye maNazaretha. Uthi ngavele ngabona ukuthi awachithwe

lamanzi, ayikho lenkukhu, uthi ngathi hhey unedlozi lomuntu asimyekeni.

 

37. Sasinda kanjani lapho, ngitshele wena, sasinda kanjaloke. Ngikhulima ngaloNkulunkulu

maNazaretha lo osibizele eKuphakameni, loNkulumkulu owathuma uYeshua, loNkulunkulu

owayehamba noMose, loNkulunkulu oyisimangaliso, hhawu bantwana baseKuphakameni

kumnandi ukukholwa, kumnandi ukukholwa eKuphakameni. Uthike uShembe kwisihlabelelo

sengivala maNazaretha, 

sengibuyisela kwisihlabelelo 51

1. INkosi iza nokusa

Ebusweni bomhlaba,

Kuze kwande ukukhanya

Ebusweni bomhlaba

 

2. Izosusa ubumnyama

Ebusweni bomhlaba,

Bayoduma bathokoze

Abakhonzi bayo

 

38. Ushonjalo uShembe uthi uza nokukhaya emhlabeni, njengoba sikhona sisekukhanyeni, izizwe

zakwenqaba ukukhanya kodwa thina siyingcosana sakwamukela ukukhanya, uze athi izosusa

ubumnyama ebusweni bomhlaba, bayoduma bathokoze abakhonzi bayo, njengoba sithokoza nje,

sithokoza ngoba singabakhonzi bayo. Ngihleze ngisho maNazaretha ngithi yithina ofakazi

bakaJehova, asingaphucwa leligama ngoba abantu abazibiza ngofakazi bakaJehova, asazi

bamfakazela ngokuthini. Uma ufakazela umuntu, umfakazela ngento oyiyona nawe, njengoba

uJehova eathi name ngishonjalo, kodwa abantu abazibiza ngalelogama abavumelani noJehova.

 

39. Ungasho kanjani ukuthi ungufakazi kaJehova ube uphika iSabatha, uphika umthetho

kaNkulunkulu kodwa uthi ungufakazi kaJehova, ufakaza uma kuthiwani mm, yithina ofakazi

bakaJehova. Sifakazela uJehova, sphinde simdumise, siphelele maNazaretha. Awu ngyabonga

kakhulu, ngyathokoza, ngyabonga kakhulu bantwana basekKphakameni, kwamanndi ukukholwa

eKuphakameni.

 

INkosi ibusise enikuzwile.